Xitaygha yallan'ghan chet'ellik teshwiqatchilar heqqide amérikaliq ijtima'iy taratqu cholpanliri néme deydu?

Muxbirimiz nur'iman
2022.02.02
Share on WhatsApp
Share on WhatsApp
Xitaygha yallan'ghan chet'ellik teshwiqatchilar heqqide amérikaliq ijtima'iy taratqu cholpanliri néme deydu? The BL Ning “Xitay 2022-yilliq béyjing qishliq olimpik tenheriket musabiqisi teshwiqati üchün amérikaning teshwiqat wasitilirini teklip qildi” namliq sin körünüshidin élin'ghan.
TheBL.com

“Soda sahesidikiler” (Business Insider) xewer torida yéqinda élan qilin'ghan bir maqalige qarighanda, xitay terep amérikani asas qilghan Vippi Media namliq axbarat shirkiti bilen TikTok, Instagram we Twitch qatarliq ijtima'iy taratqularda 2022-yilliq béyjing qishliq olimpik tenheriket musabiqisi hemde xitaydiki kishilik hoquq heqqide aktip uchurlarni tarqitishi üchün 300 ming dollarliq kélishim imzalighan.

Amérika baydén hökümiti 6-dékabir xitayning Uyghurlargha “Irqiy qirghinchiliq” qilishi seweblik béyjing qishliq olimpikini diplomatik bayqut qilidighanliqini élan qilghan kéyin, en'gliye, kanada we awstraliyemu bu sepke qoshulghanidi. Yawropadiki döletlermu arqa-arqidin béyjing qishliq olimpik musabiqisige qatnashmaydighanliqini élan qilghanidi.

Ürümchige sayahetke barghan jenubiy afriqiliq jéri güdi yutub widi'osida ürümchidiki döngköwrük de turup “Uyghurlargha qarishi irqiy qirghinchiliq boliwatidu dégen yalghan” démekte.
Ürümchige sayahetke barghan jenubiy afriqiliq jéri güdi yutub widi'osida ürümchidiki döngköwrük de turup “Uyghurlargha qarishi irqiy qirghinchiliq boliwatidu dégen yalghan” démekte.

Xitayning mektepler, ammiwiy teshkilatlargha her xil shekiller bilen singip kérip xitayning teshwiqatini qiliwatqanliqi chong axbarat qanalliridimu élan qilindi. Yéqindin buyan ijtima'iy taratqularda Uyghur rayonigha bérip atalmish sayahet widiyolirini ishlewatqan chet'elliklerning xitayning Uyghurlargha yürgüzüwatqan irqi qirghinchiliqini inkar qilidighan, Uyghur mejburiy emgikini aqlaydighan türdiki widiyolarni tarqitishi, axbarat wasitilirining we közetküchilerning diqqitini qozghighan.

Biz bügün xitayda 10 nechche yil turghan we xitay heqqide ishligen widiyoliri seweblik axiri xitaydin qoghlap chiqirilghan, tordashlargha laowhy86 we Serpentza nami bilen tonushluq bolghan metiyü we winiston bilen söhbet ilip barduq.

Söhbetning tepsilatini yuqiridiki awaz ulinishi arqiliq anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.