"Xizmet guruppisi" diki bir xadim: "Yashlarni milletler ara toylishishqa righbetlendüriwatimiz"

Muxbirimiz shöhret hoshur
2020-01-17
Élxet
Pikir
Share
Print
Xitayche kiyindürülgen Uyghur qizning xitay bilen orunlashturulghan toy murasimidiki rahetsiz we naraziliq chirayi.
Xitayche kiyindürülgen Uyghur qizning xitay bilen orunlashturulghan toy murasimidiki rahetsiz we naraziliq chirayi.
Social Media

Yéqinda anglighuchilirimizdin biri radiyomizgha uchur yollap, ötken yilining otturiliri qaraqash nahiyeside bir séstira qizning bir xitay bilen toy qilishqa mejburlan'ghanliqi we toyning aldidiki uchrishishta xitay erkekni tighliq eswap bilen yarilandurup nomusini qoghdighanliqini melum qilghan idi. Muxbirimizning bu heqte élip barghan éniqlashliri dawamida mezkur weqening yüz bergen yaki bermigenlikini delillenmidi, emma qeshqerdiki bir yézida "Xizmet guruppisi" terkibide xizmet qiliwatqan bir xadim özlirining kündilik xizmetliri dawamida Uyghur yashlirini xitaylar bilen toy qilishqa ashkargha righbetlendüriwatqanliqini ashkarilidi.

Hörmetlik radiyo anglighuchilar, yéqinda özini ashkarilashni xalimighan we xotenning qaraqash nahiyesidin ikenlikini ilgiri sürgen bir muhajir yurtdiki tonushliridin anglighanlirigha asasen qaraqashtiki bir Uyghur séstira qiz bir xitay kadir bilen toy qilishqa mejburlan'ghanliqi we toy qilishning aldidiki uchrishishta xitay erkek uninggha héssiyat jehettin zorawanliq qilghanliqi üchün tighliq eswab tiqip yarilandurghanliqini melum qilghan idi. U yene mezkur kadirning doxturxanida dawalash ünüm bermey jan üzgenliki heqqidimu uchurlar barliqini eskertken idi.

Téléfonimizni qobul qilghan saqchi xadimliri qaraqashta bundaq bir weqening yüz bergenlikidin xewersizlikini éytti.

Anglighuchmizning bayan qilishiche, melum bir yéziliq hökümette xizmet qilidighan bir kadir shu yézigha chüshken "Xizmet guruppisi" arqiliq bir doxturxanida ishleydighan Uyghur séstira qizgha öylinish teklipi sun'ghan. Séstira qiz bu teklipni oylishishnimu xalimaydighanliqini bildürgen bolsimu, "Xizmet guruppisi" dikiler deslepte muqimliq we milletler ittipaqliqi weziyitini közde tutushni teklitlep séstirani oyliship körüshke qistighan. Arqidin özining we uruq-tughqanlirining bixterlikini oylishishni eskertish arqiliq séstirgha tehdit salghan. Bu séstira qiz mezkur xitay kadirgha özining ret jawabini biwaste yetküzmekchi bolghan. U xitay kadirning teklipni néme üchün qobul qilmaydighanliqini örp-adetler nuqtisidin chüshendürüsh üchün bir qétimliq uchrishish telipini qobul qilghan. Emma xitay kadirsistéra qizning bu uchrishishni qobul qilishni xata chüshinip, uchrishishta edepsiz qiliqlarda bolghan. Xitay erkek heddini bilmigendin kéyin séstira qiz qolidiki namelum tighliq eswap bilen xitay erkekni yarilandurup, özini mudapiye qilghan. 

Biz inkastiki bezi yip uchlirigha asasen bu uchurning toghra-xataliqini aydinglashturush üchün qaraqashning duwa yézisigha téléfon qilduq. Duwa yéziliq edliye ponkiti xadimimu özining bundaq bir weqedin xewersizlikini bayan qildi.
Qeshqerdiki bir yézining "Xizmet guruppisi" da wezipe ötewatqan bir xadim özlirining xotende emes, qeshqerdimu néme ishlarning boluwatqanliqidin xewersizlikini tilgha élish bilen birlikte bundaq bir weqening yüz bérish éhtimalliqini chetke qaqmaydighanliqini isharetlidi. Uning déyishiche, nöwette Uyghur rayonida töwen'ge chüshken kadirlar "Milletler ittipaqliqi pa'aliyiti" namida Uyghur yashliri bilen xitay yashlirini öz'ara uchrashturuwatqanliqi we bu pa'aliyette "Milletler ara toy qilishning paydiliri" heqqide teshwiqat élip bériwatqanliqini ashkarilidi. 

Hörmetlik radiyo anglighuchilar, yuqiriqi éniqlashlirimizdin qaraqashta bir Uyghur séstira qizning özige toy qilish teklipini sun'ghan we zorawanliq qilghan xitay kadirni yarilan'ghandurghanliqi heqqidiki uchurning rast yaki yalghanliqi aydinglashmidi. Emma qeshqerde Uyghur yashlirining xitaylar bilen toy qilishqa righbelendürüliwatqanliqi delillendi.

Toluq bet