Долқун әйса: “япон парламент әзалири хитайға қарши һәрикәткә өтидиғанлиқини билдүрди”

Ихтиярий мухбиримиз әркин тарим
2022.09.30
Share on WhatsApp
Share on WhatsApp
Долқун әйса: “япон парламент әзалири хитайға қарши һәрикәткә өтидиғанлиқини билдүрди” Д у қ ниң рәиси долқун әйса әпәнди башчилиқидики һәйәт японийә парламентида гуваһлиқ берип, уйғурлар намидин тәләп хети сунди. 2022-Йили 30-сентәбир.
RFA/Erkin Tarim

30-Сентәбир дуня уйғур қурултийиниң рәиси долқун әйса әпәнди башчилиқидики һәйәт японийә парламентида гуваһлиқ берип, уйғурлар намидин тәләп хети сунди.

Японийә парламентида өткүзүлгән гуваһлиқ бериш йиғинида д у қ рәиси долқун әйса әпәнди билән лагер шаһити қәлбинур сидиқ гуваһлиқ бәргән. Йиғинға һәр қайси сиясий партийәләрниң парламент әзалири вә уйғур достлуқ гурупписи рәиси, парламент әзаси кеиҗи фуруя әпәнди башчилиқидики парламент әзалири иштирак қилған. Йиғин ахирида д у қ сунған тәләп хетигә барлиқ парламент әзалири иҗабий җаваб берип, хитайға қарши һәрикәткә өтидиғанлиқини билдүргән.

Д у қ ниң рәиси долқун әйса әпәнди японийә парламентида гуваһлиқ бәрмәктә. 2022-Йили 30-сентәбир.

Долқун әйса әпәнди зияритини қобул қилип японийә парламентидики гуваһлиқ бериш йиғинида уйғурларға вакалитән японийә дөлитигә болған тәлипини оттуриға қойғанлиқини, бу тәләпләргә қарита япон парламент әзалириниң иҗабий җаваб қайтурғанлиқини баян қилип мундақ деди: “биз йиғинда 21-әсирдә ирқий қирғинчилиқ йүргүзүлүватқан бир милләткә нисбәтән японийәниң дунядики әң чоң иқтисадий күч болуш сүпити билән дунядики демократик бир дөләт болуш сүпити билән ирқий қирғинчилиқни тохтитиш үчүн техиму актип рол ойниши керәкликини әсләттуқ. Ахирида дуня уйғур қурултийи тәрипидин тәйярланған тәләпнамимизни парламент әзалириға сундуқ. Парламент әзалири тәләплиримизгә иҗабий җаваб бәрди. Бу тәләпләрни барлиқ парламент әзалири билән музакирилишип японийә һөкүмитиниң уйғур ирқий қирғинчилиқини тохтитиши үчүн һәрикәткә өтүши үчүн бесим қилидиғанлиқини билдүрди. Биз японийә һөкүмитиниңму ирқий қирғинчилиқни етирап қилишини, мәҗбурий әмгәк қануни чиқиришиниму тәләп қилдуқ”.

Д у қ ниң рәиси долқун әйса әпәнди башчилиқидики һәйәт японийә парламентида гуваһлиқ берип, уйғурлар намидин тәләп хети сунди. 2022-Йили 30-сентәбир.

Долқун әйса әпәнди японийәниң мәҗбурий әмгәк билән четишлиқи бар ширкәтләргә чәклимә қоюшини тәләп қилғанлиқини билдүрди. У, мундақ деди: “хитай билән тиҗарәт қиливатқан 8500 дин артуқ япон ширкитиниң хели көпиниң шәрқий түркистандики мәҗбурий әмгәк билән четишлиқи барлиқини, бундақ бир шараитта японийә парламенти вә һөкүмәтлириниң еғир мәсулийитиниң барлиқини аңлаттуқ. Йәнә бири б д т дә ислам дөләтлиридә японийә иқтисадий күчини ишлитип ирқий қирғинчилиққа шерик болған дөләтләргә хизмәт ишләш мәҗбурийитиниң барлиқиға охшаш бир қатар тәләплиримизни оттуриға қойдуқ. Парламент әзалириму бу һәқтә һәрикәткә өтидиғанлиқини оттуриға қоюшти”.

Д у қ ниң рәиси долқун әйса әпәнди башчилиқидики һәйәт японийә парламентида гуваһлиқ берип, уйғурлар намидин тәләп хети сунди. 2022-Йили 30-сентәбир.

Бу паалийәтни уюштурған японийә уйғур җәмийитиниң рәиси доктор абдулкерим абдурахман әпәнди японийә парламентидики гуваһлиқ бериш йиғинидин кейин парламенттики моңғул вә тибәт достлуқ гуруппилириму бирлишип хитайға қарши һәрикәткә өтүшни қарар қилғанлиқини билдүрди.

29-Сентәбирдә японийә уйғур җәмийитиниң уюштуруши билән токйодики бир чоң залда гуваһлиқ бериш йиғини өткүзүлгән. Йиғин японийә билән хитайниң дипломатийәлик мунасивәт орнатқанлиқиниң 50 йиллиқиға тоғра кәлгән болғачқа кишиләрниң қаттиқ қизиқишини қозғиған. Мәзкур йиғинға 400 әтрапида киши 10 доллардин биләт сетивелип қатнашқан. Йиғинда гуваһлиқ бәргән қәлбинур сидиқ ханим, өзиниң нурғун дөләтләрдә гуваһлиқ бәргәнликини лекин японийәдики қизиқишниң наһайити юғури икәнликини илгири сүрди.

Д у қ һәйитиниң японийәгә елип бериватқан зиярити 10-айниң 6-күнигичә давамлишидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.