Dolqun eysa: “Yapon parlamént ezaliri xitaygha qarshi heriketke ötidighanliqini bildürdi”

Ixtiyariy muxbirimiz erkin tarim
2022.09.30
Share on WhatsApp
Share on WhatsApp
Dolqun eysa: “Yapon parlamént ezaliri xitaygha qarshi heriketke ötidighanliqini bildürdi” D u q ning re'isi dolqun eysa ependi bashchiliqidiki hey'et yaponiye parlaméntida guwahliq bérip, Uyghurlar namidin telep xéti sundi. 2022-Yili 30-séntebir.
RFA/Erkin Tarim

30-Séntebir dunya Uyghur qurultiyining re'isi dolqun eysa ependi bashchiliqidiki hey'et yaponiye parlaméntida guwahliq bérip, Uyghurlar namidin telep xéti sundi.

Yaponiye parlaméntida ötküzülgen guwahliq bérish yighinida d u q re'isi dolqun eysa ependi bilen lagér shahiti qelbinur sidiq guwahliq bergen. Yighin'gha her qaysi siyasiy partiyelerning parlamént ezaliri we Uyghur dostluq guruppisi re'isi, parlamént ezasi ké'iji furuya ependi bashchiliqidiki parlamént ezaliri ishtirak qilghan. Yighin axirida d u q sun'ghan telep xétige barliq parlamént ezaliri ijabiy jawab bérip, xitaygha qarshi heriketke ötidighanliqini bildürgen.

D u q ning re'isi dolqun eysa ependi yaponiye parlaméntida guwahliq bermekte. 2022-Yili 30-séntebir.

Dolqun eysa ependi ziyaritini qobul qilip yaponiye parlaméntidiki guwahliq bérish yighinida Uyghurlargha wakaliten yaponiye dölitige bolghan telipini otturigha qoyghanliqini, bu teleplerge qarita yapon parlamént ezalirining ijabiy jawab qayturghanliqini bayan qilip mundaq dédi: “Biz yighinda 21-esirde irqiy qirghinchiliq yürgüzülüwatqan bir milletke nisbeten yaponiyening dunyadiki eng chong iqtisadiy küch bolush süpiti bilen dunyadiki démokratik bir dölet bolush süpiti bilen irqiy qirghinchiliqni toxtitish üchün téximu aktip rol oynishi kéreklikini eslettuq. Axirida dunya Uyghur qurultiyi teripidin teyyarlan'ghan telepnamimizni parlamént ezalirigha sunduq. Parlamént ezaliri teleplirimizge ijabiy jawab berdi. Bu teleplerni barliq parlamént ezaliri bilen muzakiriliship yaponiye hökümitining Uyghur irqiy qirghinchiliqini toxtitishi üchün heriketke ötüshi üchün bésim qilidighanliqini bildürdi. Biz yaponiye hökümitiningmu irqiy qirghinchiliqni étirap qilishini, mejburiy emgek qanuni chiqirishinimu telep qilduq”.

D u q ning re'isi dolqun eysa ependi bashchiliqidiki hey'et yaponiye parlaméntida guwahliq bérip, Uyghurlar namidin telep xéti sundi. 2022-Yili 30-séntebir.

Dolqun eysa ependi yaponiyening mejburiy emgek bilen chétishliqi bar shirketlerge cheklime qoyushini telep qilghanliqini bildürdi. U, mundaq dédi: “Xitay bilen tijaret qiliwatqan 8500 din artuq yapon shirkitining xéli köpining sherqiy türkistandiki mejburiy emgek bilen chétishliqi barliqini, bundaq bir shara'itta yaponiye parlaménti we hökümetlirining éghir mes'uliyitining barliqini anglattuq. Yene biri b d t de islam döletliride yaponiye iqtisadiy küchini ishlitip irqiy qirghinchiliqqa shérik bolghan döletlerge xizmet ishlesh mejburiyitining barliqigha oxshash bir qatar teleplirimizni otturigha qoyduq. Parlamént ezalirimu bu heqte heriketke ötidighanliqini otturigha qoyushti”.

D u q ning re'isi dolqun eysa ependi bashchiliqidiki hey'et yaponiye parlaméntida guwahliq bérip, Uyghurlar namidin telep xéti sundi. 2022-Yili 30-séntebir.

Bu pa'aliyetni uyushturghan yaponiye Uyghur jem'iyitining re'isi doktor abdulkérim abduraxman ependi yaponiye parlaméntidiki guwahliq bérish yighinidin kéyin parlaménttiki mongghul we tibet dostluq guruppilirimu birliship xitaygha qarshi heriketke ötüshni qarar qilghanliqini bildürdi.

29-Séntebirde yaponiye Uyghur jem'iyitining uyushturushi bilen tokyodiki bir chong zalda guwahliq bérish yighini ötküzülgen. Yighin yaponiye bilen xitayning diplomatiyelik munasiwet ornatqanliqining 50 yilliqigha toghra kelgen bolghachqa kishilerning qattiq qiziqishini qozghighan. Mezkur yighin'gha 400 etrapida kishi 10 dollardin bilet sétiwélip qatnashqan. Yighinda guwahliq bergen qelbinur sidiq xanim, özining nurghun döletlerde guwahliq bergenlikini lékin yaponiyediki qiziqishning nahayiti yughuri ikenlikini ilgiri sürdi.

D u q hey'itining yaponiyege élip bériwatqan ziyariti 10-ayning 6-künigiche dawamlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.