Японийәдә “уйғур ирқий қирғинчилиқи” ға қарши наразилиқ паалийәтлири өткүзүлди

Ихтиярий мухбиримиз әркин тарим
2022.08.17
Share on WhatsApp
Share on WhatsApp
Yasukini-aldida-Uyghurlar-paaliyette-1 Ясукини қәбригаһи алдидики паалийәт. японийә токйо, 2022-йил авғуст.
RFA/Erkin Tarim

Хитайниң уйғурларға қаратқан  қирғинчилиқ сиясәтлиригә қарши наразилиқ паалийәтлири японийәдә күнсайин күчәймәктә. 15-Авғуст японийә уйғур җәмийити билән тәйвән тәтқиқат мунбири бирликтә токйода арқа-арқидин икки чоң паалийәт өткүзүп, хитайниң уйғурларға йүргүзүватқан ирқий қирғинчилиқ сиясити билән кеңәймичилик сияситигә наразилиқ билдүргән.

15-Авғуст күни, иккинчи дуня уруши ахирлашқан күн болуп, бу күндә, японийә уйғур җәмийити қирғинчилиқ вә урушниң инсанийәткә кәлтүридиған балайи-  апәтлирини әслитиш пурситидин пайдилинип, уйғурлар  дуч келиватқан ирқий қирғинчилиқ вә инсанийәткә қарши җинайәтләрни паш қилиш чариси қолланған.

 Бу күни хитайниң токйо шәһиридә турушлуқ әлчиханиси алдида намайиш өткүзүлгән   болуп , японийә уйғур җәмийити билән тәйвән тәтқиқат мунбири биргә өткүзгән мәзкур намайишта, намайиш әһли  хитайниң уйғурларға елип бериватқан ирқий қирғинчилиқи билән кеңәймичилик сияситигә наразилиқ билдүргән.  японийә уйғур җәмийитиниң башқуруш һәйәт әзаси савут мәмәт әпәнди бу һәқтә мәлумат бәрди.

Хитайниң токйо әлчиханиси алдидики намайиш. японийә токйо, 2022-йил авғуст.
Хитайниң токйо әлчиханиси алдидики намайиш. японийә токйо, 2022-йил авғуст.
RFA/Erkin Tarim

Намайишта тәйвән аммиви тәшкилатлириниң мәсуллири уйғурларниң һазирқи еғир вәзийитигә қаттиқ ечинидиғанлиқини, һәр даим уйғурларни қоллайдиғанлиқини тәкитләшкән. Савут мәмәт әпәнди бу һәқтиму тохталди.

Японийә уйғур җәмийитиниң муавин рәиси халмәт розахун әпәнди паалийәт җәрянида бир қисим японийә йәрлик парламент әзалириниң алаһидә келип нутуқ сөзләп  , уйғурларни қоллайдиғанлиқини билдүргәнликини баян қилди.

Японийәдә2021- йили2 -айда башланған “уйғур ирқий қирғинчилиқи” ни аңлитиш паалийити һазирғичә охшимайдиған 31 өлкә вә шәһәрдә 100 мәйдандин көпрәк елип берилған болуп, паалийәт җәрянида җәмий йүз миңдин көп  варақчә тарқитилған.  Бу хил паалийәтләр нәтиҗисидә 2022-йили 2-айниң 1-күни японийә парламентида “уйғур қатарлиқларниң еғир кишилик һоқуқ вәзийити тоғрисидики қарар” мақуллуқтин өткәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.