Exmet létip ependi: "Yaponiyediki guwahliq bérish yighinigha tunji qétim bundaq köp kishi qatnashti"

Ixtiyariy muxbirimiz erkin tarim
2021-03-24
Share
Exmet létip ependi: 20-Mart küni yaponiyening osaka shehiride yerlik parlamént ezaliri bilen yaponiye Uyghur jem'iyitining uyushturushida ötküzülgen chong kölemlik melumat bérish we guwahliq bérish pa'aliyitidin bir körünüsh.
Photo: RFA

20-Mart küni yaponiyening osaka shehiride yerlik parlamént ezaliri bilen yaponiye Uyghur jem'iyitining uyushturushi bilen Uyghurlarning hazirqi éghir ehwali toghrisida chong kölemlik melumat bérish we uruq-tughqanliridin xewer alalmighan kishilerning guwahliq bérish pa'aliyiti ötküzülgen.

Korona wirusi tüpeyli 120 kishilik zal teyyarlan'ghan bolsimu, emma kishiler köp bolghachqa, arqa-arqidin ikki meydan pa'aliyet ötküzülgen. Bu pa'aliyetke yaponiyediki bezi awam palatasi ezaliri, yerlik parlamént ezaliri we xelq ammisidin bolup, köp sanda kishi qatnashqan. Yaponiye Uyghur jem'iyitining mu'awin re'isi exmet létip ependi yaponiyening osaka shehiride ötküzülgen bu qétimliq guwahliq bérish yighinining intayin ünümlük ötkenlikini, eng köp kishi ishtirak qilghan tunji qétimliq yighin déyishke bolidighanliqini bayan qildi.

Bu guwahliq bérish yighinida exmet létip ependi Uyghurlarning hazirqi éghir weziyiti toghrisida mexsus doklat bergen. Andin kéyin osaka we shu etrapta turuwatqan 6 neper Uyghur öz yurtliridiki ata-aniliri we uruq-tughqanlirini öz ichige alghan köp sandiki kishiler toghrisida guwahliq bergen. Exmet létip ependi bu heqte bizge melumat berdi.

20-Mart küni yaponiyening osaka shehiride ötküzülgen guwahliq bérish yighinigha yerlik parlamént ezaliridin we ikki siyasiy partiyedin 10 neper parlamént ezasi ishtirak qilghan. Ulardin birnechchisi söz qilghan. Ular nutuqida bir insan bolush süpiti bilen Uyghurlar duchar boluwatqan bu éghir weziyet aldida sükütte turushqa bolmaydighanliqi, her da'im Uyghurlar üchün qolidin kelgenni qilidighanliqini bildürüshken.

Yaponiye Uyghur jem'iyitining mu'awin re'isi exmet létip ependi yaponiyediki parlamént ezaliri we yerlik parlamént ezalirigha qararliq halda izchil guwahliq bérish pa'aliyetlirini yaponiyening her qaysi jaylirida qanat yayduridighanliqini tekitlidi.

Yaponiye Uyghur jem'iyitining idare hey'et ezasi xalmemet rozaxun ependi yaponiyede izchil ötküzülüp kéliniwatqan bu pa'aliyetning ünümining yaxshi boluwtqanliqini otturigha qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet