Yaponiyede Uyghur qirghinchiliqini tonutush pa'aliyiti élip bérildi

Ixtiyariy muxbirimiz azigh
2021-04-27
Share
Yaponiyede Uyghur qirghinchiliqini tonutush pa'aliyiti élip bérildi Yaponiyening chiba ölkisi, ichikawa nahiyesidiki métro békitining kirish we chiqish nuqtilirida yaponluqlargha Uyghur dawasini anglitish üchün ötküzülgen teshwiqat pa'aliyiti. 2021-Yili 25-apiril.
RFA/Azigh

Xitayning qirghinchiliq siyasetlirige qarshi naraziliq namayishliri dunyaning herqaysi jaylirida dawamlashmaqta. 25-Apiril küni yaponiyening chiba ölkisi, ichikawa nahiyesidiki métro békitining kirish we chiqish nuqtilirida yapolargha Uyghur dawasini anglitish üchün teshwiqat pa'aliyiti ötküzülgen.

Yaponiyediki Uyghur mesilisi bilen munasiwetlik pa'aliyetlerde aktip rol oynawatqan yash pa'aliyetchi isma'il awaq ependim ziyaritimizni qobul qildi.

Isma'il ependimning éytishiche, mezkur pa'aliyetning meqsiti yapon xelqige Uyghur élide élip bériliwatqan qirghinchiliqni anglitish bilen birlikte, yaponiyedin xitayning Uyghurlargha qaratqan irqi qirghinchiliqni tonushini telep qilish iken.

Yaponiyening chiba ölkisi, ichikawa nahiyesidiki métro békitining kirish we chiqish nuqtilirida yaponluqlargha Uyghur dawasini anglitish üchün ötküzülgen teshwiqat pa'aliyiti. 2021-Yili 25-apiril.

Yaponiye Uyghur jem'iyitining orunlashturushi bilen ötküzülgen mezkur pa'aliyetke yaponiye Uyghur jem'iyitining rehberliri we yaponiyelik pida'iylar qatnashqan. Pa'aliyetke Uyghurlardin köprek yaponlar qatnashqan bolup, közetküchiler yéqinqi mezgillerde yaponiyede Uyghur mesilige bolghan sezgürlükning éship méngiwatqanliqini éytmaqta.

Isma'il awaq ependimning éytishiche, mezkur pa'aliyet yaponiye Uyghur jem'iyitining teshkillishi bilen bir nechche aydin buyan élip bériliwatqan bolup, ramzan munasiwiti bilen hepte axirlirida élip bérish pilanlan'ghan iken. Pa'aliyette Uyghur qirghinchiliqi bilen munasiwetlik teshwiqat waraqliri tarqitilghan we neq meydanda Uyghur mesilisi tepsiliy tonushturulghan.

Isma'il awaq ependim ziyaritimiz dawamida Uyghur dawasining yapuniyede natonush emeslikini, xitay bilen qoshna dölet bolghanliqi üchün tibet, xongkong we Uyghur mesililirining yaponiyede keng ammiwi asasqa ige ikenlikini, yéqinda élip bérilghan yaponiye we amérika dölet bashliqlirining uchrishishidin kiyin yaponiyening Uyghur mesilisige bolghan pozitsiyesining ijabiy yönilishke qarap méngiwatqanliqini éytti.

Közetküchilerning qarishiche, amérika xitay tehditige qarshi ittipaqdashliri bilen bolghan hemkarliqni kücheytishke

Ehmiyet bériwatqan bügünki künde, yaponiyening Uyghur dawasigha bolghan qiziqishi téximu küchiyishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet