Ханқиз қурбан: "ата-анам хитайниң җинайәтлиригә шаһид болуп қалғанлиқи үчүнла дөлити-түркийәгә қайтурулмайватиду"

Мухбиримиз шөһрәт һошур
2021-04-28
Share
Ханқиз қурбан: 45 Йилниң алдида түркийәгә вәтәндаш, йәни пуқра болған йәһя қурбанниң түркийә паспорти.
Yehya qurbanning perzentliri teminligen

Дөлитигә қайталмайватқан 45 йиллиқ түркийә вәтәндиши йәһя қурбан вә униң аяли һәққидики йәниму илгириләп әһвал ениқлишимиз давамида, қағилиқтики алақидар хадимларму йәһя қурбан вә аялиниң қағилиқта икәнликини инкар қилмиған болсиму, әмма униң немә сәвәбтин түркийәгә қайталмайватқанлиқи һәққидә мәлумат берәлмиди. Уларниң истанбулда яшаватқан қизи ханқиз қурбан ата-анисиниң толиму еһтиятчан кишиләр икәнлики, пәқәт үрүмчидә йүз бәргән кәң‏-көләмлик тутқунға шаһид болуп қалғанлиқи үчүнла дөлитигә қайтурулмайватқанлиқини илгири сүрди.

Биз 4 йилдин буян дөлтигә қайтип келәлмигән түркийә вәтәндиши йәһя қурбан билән аяли аминә қурбанниң нөвәттики әһвали һәққидә түркийәниң бейҗиңдики әлчиханисиға қайтидин телефон қилдуқ. Әлчихана хадимлири дәсләптә бу учурларниң пәқәт шу кишиләрниң бивастә уруқ-туғқанлириғила берилидиғанлиқини билдүрди. Биз мәзкур аилә әзалириниң разилиқи билән әһвал сүрүштә қиливатқанлиқимизни билдүргәндин кейин, йәнила елхәт арқилиқ мәлумат соришимизни тәвсийә қилди.

Йәһя қурбанниң истанбулда яшаватқан пәрзәнлиридин чоң қизи ханқиз қурбан ата-анисиниң толиму еһтиятчан кишиләр икәнлики, хитай тәрәпниң чишиға тегип қойидиған ишлардин һаяти бойи узақ туруп кәлгәнлики вә өзлириниму шу йосунда тәрбийәлигәнлики, шуңа қанунға хилап бирәр қилимишиниң болуш мумкинчилики йоқлуқини әскәртти.

Қағилиқтики алақидар хадимлар бу наһийәдики чәт әлликләр тоғрилиқ соалимизға җавабән түркийә вәтәндиши йәһя қурбан билән аминә қурбанниң қағилиқта икәнликини инкар қилмиди, әмма у ларниң нәдә вә немә үчүн тутуп турулуватқанлиқи һәққидә мәлумат берәлмиди.

Ата-анисиниң қануний вә сламәтлик әһвали һәққидә һечқандақ мәлумати йоқлуқини тәкитлигән ханқиз қурбан, ата-анисиниң үрүмчидики мал-мүлки, йәни олтурақ өйи, дукини, дукинидики бир қисим қиммәтлик маллириниң қандақ бир тәрәп қилинғанлиқидинму хәвәрсизликини вә униңдин әндишә қиливатқанлиқини тилға алди.

Қағилиқтики бир сақчи хадими, йәһя қурбан вә аялиниң нәдә тутуп турулуватқанлиқи вә дөлитигә қайталмаслиқ сәвәби һәққидә һечқандақ мәлумат берәлмәйдиғанлиқини ейтти.

Мәлум болушичә, йәһя қурбан вә аялиниң тутқун қилинған вақти уйғур елида лагерлар қурулуп, бир милйондин артуқ киши тутқун қилинип болған мәзгил болуп, бу чағда ханқиз қурбан үрүмчидә дукан ечиватқан дадисиға телефон қилип вәзийәт һәққидики әндишисини билдүргән. Йәһя қурбан өзлириниң уйғур елида қанунлуқ туруватқан вә тиҗарәт қиливатқанлиқини, шуңа өзлиригә хәтәр йәтмәйдиғанлиқини әскәртип пәрзәнтлирини хатирҗәм қилған. Буниңға асасән ханқиз қурбан дадисиниң җинайәт өткүзгәнлики үчүн әмәс, пәқәт хитайниң җинайәтлиригә шаһид болуп қалғанлиқи үчүнла тутқун қилинғанлиқи вә дөлити-түркийәгә қайтурулмиғанлиқини илгири сүрди.

Юқиридадөлитигә қайталмайватқан түркийә вәтәндиши йәһя қурбан билән аминә қурбанниң әһвали һәққидә елип барған ениқлашлиримизни диққитиңларға сундуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт