Fujyen ormanchiliq uniwérsitéti, oqughuchi zulyar yasinning tutqunda ikenlikini delillidi

Muxbirimiz shöhret hoshur
2022.08.03
Share on WhatsApp
Share on WhatsApp
Xitay ölkilerde oquwatqan Uyghur yashlardin zulyar yasin tutqun qilin'ghan Gollandiyede yashawatqan raziye jalalidin fujiyen yéza igilik uniwérsitétining yer-mülük bashqurush kespide oquwatqan, ürümchidiki oyidin sewebsiz tutup kétilgen jiyeni zulyar yasinning iz-dérikini qilmaqta.
RFA/Arslan

Yéqinda norwégiyediki Uyghuryar fondi fujyen ormanchiliq uniwérsitétining tutqundiki oqughuchisi zulyar yasinning mushu ayning 24-küni soti échilidighanliqi heqqide uchur alghan.

Téléfonimizni qobul qilghan fujyen ormanchiliq uniwérsitéti xadimi zulyar yasinning tutqunda ikenlikini delillidi, emma sot küni heqqide melumat bermidi. Ürümchi shehiridiki alaqidar bir saqchi xadimi, zulyar yasinning délosi heqqide melumat bermigen bolsimu, emma uning üstidin yéqinda sot échilidighanliqini inkar qilmidi. Töwende muxbirimiz shöhret hoshurning bu heqte teyyarlighan programmisi diqqitinglarda bolidu.

Bir qanche ayning aldida gollandiyede yashawatqan raziye jalalidin xanim jiyeni zulyar yasinning tutqunda ikenliki heqqide guwahliq bayanati bergen. Bayanattin melum bolushiche, 1996-yili tughulghan zulyar yasin 2014-yili türkiyege kélip istanbul uniwérsitétida ikki yil oqughan. 2016-Yili ürümchige qaytip xitayning döletlik aliy mektep imtihanigha qatnashqan we ela netije bilen fujiyen ormanchiliq uniwérsitétigha qobul qilin'ghan. U oqushining axirqi yili, yeni ötken yili 12-ayda ürümchide praktika qiliwatqan mezgilide tutqun qilin'ghan.

Fujyen ormanchiliq uniwérsitéti oqughuchisi zulyar yasin. (Waqti we orni éniq emes)
Fujyen ormanchiliq uniwérsitéti oqughuchisi zulyar yasin. (Waqti we orni éniq emes)
Oqurmen teminligen

Raziye xanim bu ehwalni xelq'aragha ashkarilighandin kéyin, xelq'ara kechürüm teshkilati bayanat élan qilip, xitayni eyibligen؛ emma hazirgha qeder xitay terep zulyar yasinning ehwali heqqide a'ilisi we axbaratqa héchqandaq melumat bermigenidi.

Yéqinda norwégiyede pa'aliyet élip bériwatqan Uyghuryar fondi, ürümchidiki alaqidar qanalliri arqiliq, zulyar yasinning üstidin mushu 24-awghust küni sot échilidighanliqi heqqide uchur alghan.

Biz bügün, yeni 2-awghust küni fujyen ormanchiliq uniwérsitétigha téléfon qilip, zulyar yasin heqqide melumat soriduq. Biz bu xadimdin bu mektepning zulyar yasin dep bir oqughuchisi bolghan-bolmighanliqini sorighinimizda, u: “Tutulup kétilgen oqughuchimu?” dégen tekrarlima so'ali arqiliq zulyar yasinning tutqunda ikenlikini delillidi. Biz uningdin, zulyar yasinning néme üchün tutulghanliqi we késilgen-késilmigenlikini sorighinimizda, u zulyar yasinning délosining tepsilatidin xewiri yoqluqini eskertip, bu délo heqqide, mektep oqughuchilar bölümining melumat barliqini ashkarilidi.

Zulyarning gollandiyediki kichik apisi raziye jalalidin xanim, zulyarning yéqinqi ehwali heqqide héchqandaq uchurgha érishelmigen. Uyghuryar fondining yétekchisi pa'aliyetchi abduweli ayupning bayan qilishiche, ürümchi ottura sot mehkimisi zulyar üstidin bu yil 6‏-ayda bir qétim sot künini békitip, arqidin sotni bikar qilghan we bu nöwet ikkinchi qétimda 24-awghust künini sot üchün békitken. Abduweli ayupning déyishiche, üstidin sot échilish 2017-yildin kéyinki tutqunda intayin az körülüwatqan qanun tertipi bolup, bumu, zulyar yasin heqqide gollandiyediki kichik apisi élip barghan pa'aliyetlerning netijisi bolushi mumkin iken.

Bu heqte téléfonimizni qobul qilghan ürümchidiki bir saqchi xadimi, zulyar yasinning 24-chésla échilidighan sotining qaysi sot mehkimisi teripidin échilidighanliqi heqqidiki so'alimizgha jawaben, bu heqte ürümchige kélip melumat élishimizni tewsiye qildi؛ emma, u zulyar üstidin sot échilidighanliqini inkar qilmidi.

Yuqirida, fujyen ormanchiliq uniwérsitétining oqughuchisi zulyar yasinning tutqunda ikenlikining delillen'genliki we 24-awghust küni soti échilish éhtimalliqi heqqide anglitish berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.