Zumret'ay erkin xan jemeti chérkawida Uyghur irqiy qirghinchiliqini tonushturghan

Bérndin ixtiyariy muxbirimiz hebibulla izchi teyyarlidi
2024.04.12
zumretay-leksiye-4.jpg “Ruzwélt erkinlik mukapati” ni tapshuruwélish murasimidin kéyin zumret'ay erkin xanim yashlargha léksiye sözlimekte. 2024-Yili 11-aprél, gollandiye.
RFA/Hebibulla Izchi

11-Aprél küni gollandiyening middelburg shehiride “Ruzwélt erkinlik mukapati” ni tapshuruwalghan zumret'ay erkin shu küni kechte yene, middelburg chérkawlar birleshmisi we “Ruzwélt erkinlik mukapati” fondi yashlar komitéti teripidin, middelburgdiki xan jemeti chérkawida mexsus léksiye sözleshke orunlashturulghan. Bu pa'aliyette middelburg chérkawlar birleshmisidin kirs koris, yildirim beyazit jamisidin sefa choban, zééland rayonluq yehudiy jama'iti teshkilati, tibet wekili qatarliqlardin bashqa yene gollandiyediki yétiliwatqan yash siyasetchi al'erk ablikimningmu qatnishishida diniy erkinlik heqqide diyalog élip bérilip, Uyghur irqi qirghinchiliqi we xitayning Uyghurlargha yürgüzüwatqan wehshiyane basturushliri tonushturulghan.

“Ruzwélt erkinlik mukapati” ni tapshuruwélish murasimidin kéyin xan jemeti chérkawigha léksiyege teklip qilin'ghan zumret'ay erkin xanim mexsus ishlen'gen filim arqiliq Uyghur irqiy qirghinchiliqini tonushturmaqta. 2024-Yili 11-aprél, gollandiye.
“Ruzwélt erkinlik mukapati” ni tapshuruwélish murasimidin kéyin xan jemeti chérkawigha léksiyege teklip qilin'ghan zumret'ay erkin xanim mexsus ishlen'gen filim arqiliq Uyghur irqiy qirghinchiliqini tonushturmaqta. 2024-Yili 11-aprél, gollandiye.
RFA/Hebibulla Izchi

12-Aprél küni zumret'ayni ziyaret qilduq. U, léksiye sözlesh jeryanida özining sherqiy türkistandiki irqi qirghinchiliq we dini basturushlarni tonushturghanliqini bildürdi.

Mingdin jiq kishining qatnishishidiki ““Ruzwélt erkinlik mukapati” ni tarqitish murasimidin kéyinla élip bérilghan bu pa'aliyet, kech sa'et 11 giche dawam qilghan. Middelburgdiki chong xan jemeti chérkawi anglighuchilar bilen liq tolghan bolup, bu pa'aliyetke dunya Uyghur qurultiyi re'isi dolqun eysa ependi, gollandiyediki lagér shahiti qelbinur sidiq xanim, gollandiyediki bir qisim Uyghurlar we dunya Uyghur qurultiyi wekillirimu qatnashqan. Qelbinur xanim bu pa'aliyet heqqide melumat berdi we tesiratini sözlep ötti.

“Ruzwélt erkinlik mukapati” ni tapshuruwélish murasimidin kéyin zumret'ay erkin xanim xan jemeti chérkawigha léksiyege sözleshke teklip qilin'ghan. 2024-Yili 11-aprél, gollandiye.
“Ruzwélt erkinlik mukapati” ni tapshuruwélish murasimidin kéyin zumret'ay erkin xanim xan jemeti chérkawigha léksiyege sözleshke teklip qilin'ghan. 2024-Yili 11-aprél, gollandiye.
RFA/Hebibulla Izchi

Dolqun eysa ependimu bu ikki künlük pa'aliyetning nahayiti mol mezmunluq we netijilik bolghanliqini tekitlep, Uyghur mesilisi ukra'ina-rusiye, pelestin-isra'iliye orushi seweblik küntertiptin chüshüp qéliwatqan bir waqitta, bu mukapat we bu ikki künlük pa'aliyetning Uyghur mesilisini qayta küntertipke élip kelgenliki we zumret'ayning Uyghur yashlirigha bir ülge ikenlikini tekitlidi.

Bu léksiye sözlesh pa'aliyitige qatnashqan gollandiyediki yash siyasetchi, gollandiye yéshillar partiyesining yashlar teshkilatidin al'erk ablikimmu bu yerde élip bérilghan diyaloglar arqiliq xitayning wehshiyane basturushlirini tonushturush pursitige érishkenlikini bayan qildi.

D u q re'isi dolqun eysa ependi, zumret'ay erkin we gollandiyediki lagér shahiti qelbinur sidiq xanimlar “Ruzwélt erkinlik mukapati” ni tapshuruwélish murasimida xatire sürette. 2024-Yili 11-aprél, gollandiye.
D u q re'isi dolqun eysa ependi, zumret'ay erkin we gollandiyediki lagér shahiti qelbinur sidiq xanimlar “Ruzwélt erkinlik mukapati” ni tapshuruwélish murasimida xatire sürette. 2024-Yili 11-aprél, gollandiye.
RFA/Hebibulla Izchi

Middelburg chérkawlar birleshmisining bu heqtiki teshwiqatida “Biz bir diniy jem'iyet bolush süpitimiz bilen, özimizni ittipaq we barawerlik, adalet üchün atiduq. Bizning meqsitimiz diniy, milliy medeniyetlerning teng mewjut bolushi üchün, jahalet sépillirini örüp tashlash! biz, insanlarni bir-birige düshmen qilidighan, menmenchilik we shexsiyetchilikke qarshimiz!” dep yézilghan.

“Ruzwélt erkinlik mukapati” ni tapshuruwélish murasimidin kéyin xan jemeti chérkawigha léksiyege teklip qilin'ghan zumret'ay erkin xanim we d u q re'isi dolqun eysa ependi murasimgha kelgen yashlar bilen xatire sürette. 2024-Yili 11-aprél, gollandiye.
“Ruzwélt erkinlik mukapati” ni tapshuruwélish murasimidin kéyin xan jemeti chérkawigha léksiyege teklip qilin'ghan zumret'ay erkin xanim we d u q re'isi dolqun eysa ependi murasimgha kelgen yashlar bilen xatire sürette. 2024-Yili 11-aprél, gollandiye.
RFA/Hebibulla Izchi

Bu léksiye sözlesh pa'aliyitige yene uniwérsitét oqughuchiliri, bir qisim siyasetchiler, diniy guruppilarning wekilliri we bashqilar qatnashqan. Léksiyege qatnashqan anglarmenler bes-beste Uyghurlarning diniy, milliy, étnik kimliki we Uyghur irqiy qirghinchiliqining esli sewebi heqqide so'allar sorashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.