Zumret'ay erkin ruzwélt fondi jem'iyitining “Étiqad erkinliki mukapati” gha érishken

Washin'gtondin muxbirimiz nur'iman teyyarlidi
2024.02.01
zumretay-erkin-mukapat-1 D u q xelq'ara alaqe bölümining diréktori zumret'ay erkin xanim rozwélit fondi jem'iyiti teripidin tarqitilidighan “Töt erkinlik mukapati” (Four Freedoms Awards) ning “Étiqad erkinliki mukapati” gha érishken. 2024-Yili 31-yanwar.
X/Roosevelt Foundation

Dunya Uyghur qurultiyi xelq'ara alaqe bölümining diréktori zumret'ay erkin yillardin buyan xelq'ara sehnilerde Uyghurlar duch kéliwatqan irqiy qirghinchiliqini anglitishta awan'gartliq rolini oynap kéliwatqan Uyghur pa'aliyetchilirini biri. U, b d t ni öz ichige alghan xelq'ara sehnilerde Uyghur mesilisini dadilliq bilen otturigha qoyushi, anglitishi we bir qatar aktip teshkilatchiliq pa'aliyetliri bilen muhajirettiki Uyghurlargha tonulghan.

Zumret'ay erkin 31-yanwar küni rozwélit fondi jem'iyiti teripidin tarqitilidighan “Töt erkinlik mukapati” (Four Freedoms Awards)gha érishken. Mezkur fondi jem'iyet zumret'ayning yillardin buyan Uyghurlarning heq-hoquqi üchün élip bériwatqan izchil küreshlirini teqdirlesh yüzisidin uninggha “Töt erkinlik mukapati” ichidiki “Étiqad erkinliki mukapati” ni bergen.

D u q xelq'ara alaqe bölümining diréktori zumret'ay erkin xanim rozwélit fondi jem'iyiti teripidin tarqitilidighan “Töt erkinlik mukapati” (Four Freedoms Awards) ning “Étiqad erkinliki mukapati” gha érishken. 2024-Yili 31-yanwar.

Melum bolushiche, ruzwélt fondi jem'iyitining “Töt erkinlik mukapati” her yilda bir qétim tarqitilidiken. Bu mukapat amérika prézidénti franklin délano rozwéltning 1941-yili 1-ayning 6-küni amérika parlaméntida qilghan “Töt erkinlik” namliq meshhur nutuqida tekitligen “Töt erkinlik” yeni pikir erkinliki, étiqad erkinliki, telep erkinliki we jasaret erkinlikini tekitlesh üchün tesis qilin'ghan. Rozwélit fondi jem'iyiti her ikki yilda bir qétim mushu töt türlük erkinlik jehette körünerlik netije körsetken töt neper shexs we bir teshkilatqa bu mukapatni béridiken.

Mezkur mukapat tunji qétim 1982-yili tarqitilghan bolup, tunji qétimliq mukapat gollandiye melikisi juliyanagha bérilgen. Uningdin kéyinki yillarda bu mukapatqa érishkenlerning tizimlikide nilson mandéla, hilari kilinton, anjila mérkil qatarliq meshhur kishilermu yer alghan.

Mezkur mukapatni tarqitish murasimi amérika puqraliri üchün amérikaning nyu-york shehiride, amérika puqrasi bolmighanlargha gollandiyening midélburg shehiride heywetlik murasim bilen tarqitilidiken.

Zumret'ay erkinning bildürüshiche, u bu yil aprélda gollandiyening midélburg shehiride ötküzülidighan mukapat tarqitish murasimigha qatnishidiken. Mukapat tarqitish murasimgha gollandiye xan jemeti we gollandiye hökümitining yuqiri derijilik emeldarliri qatnishidiken.

Zumret'ay erkin ziyaritimiz dawamida özining mezkur mukapatqa namzatliqqa körsitilish jeryani we Uyghur dewasigha qedem qoyush musapisi toghriliq tepsiliy melumat berdi.

Söhbitimizning tepsilatini yuqiriqi awazi ulinishidin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.