១.សម័យទំនើបក្តៅឡើងបែកផ្សែង ក្រាញ់រ៉ស់អណ្ដែងសុំលែងចាប់ជាតិ
កង្កែបលែងស្រែកដូចពេលមុនទៀត គីង្គក់ប្រជ្រៀតសុំលែងក្រតដែរ។
២.កូនព្រៃប្រឹក្សាសុំលែងលូតលាស់ នង្គ័លរនាស់លែងស្គាល់ដីស្រែ
ដំបូលលែងទ្រកម្ដៅស្រុកខ្មែរ ហ៊ីងហិនហូរហែស្រែប្រេះក្រហែង។
៣.ក្តាមអស់ពីរន្ធពន្ធអស់ពីឃ្លាំង ក្តៅវស្សាប្រាំងចាំងក្តៅលែងថ្លែង
ភ្លៀងផ្គររន្ទះលែងហ៊ានរត់លេង ទោះវាលធំធេងក្មេងឈប់សប្បាយ។
៤.មាន់ឈប់រងាវគាវលែងមានប្រើ មនុស្សលែងសរសើរគុណគោទាំងឡាយ
ដំរីឈប់ចរយាត្រាទៅឆ្ងាយ ទុក្ខលែងបរិយាយមនុស្សក្នុងលោកា។
៥.ឃ្លោកនិងអំបែងរឿងការប្រៀបធៀប ពាលឆ្លៀតមានប្រៀបមនុស្សចិត្តល្អជា
ឈ្នះតែមួយពេលសេដ្ឋីត្រឹមងារ គួរខ្មែរគ្រប់គ្នាកាន់ជាចិត្តល្អ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។