១.ធនញ្ជ័យធ្លាក់ទឹក ហៃអើៗ តែមួយដំណើរ គង់ហិនធនធាន
ទង្វើមតិ អ្នកប្រាជ្ញមិនហ៊ាន គង់ហិនធនធាន លើដីក្រោមដី។
២.ធនញ្ជ័យធ្លាក់ទឹក គង់ជួបភិតភ័យ រាស្ត្រគង់ក្រក្រី ព្រោះតែហៃអើ
ចំណេះពេញខ្លួន មិនហ៊ានយកប្រើ តើក្តីប្រសើរ មានមកពីណា?
៣.ធនញ្ជ័យធ្លាក់ទឹក ឲ្យប្រើប្រាជ្ញា ប្រើដោយហានក្លា ចាស់ទុំរំឭក
មានតិចប្រើច្រើន ឲ្យបានផ្ទួនញឹក រាល់យប់ល្ងាចព្រឹក គង់ជួបសំណាង។
៤.ធនញ្ជ័យធ្លាក់ទឹក រឿងខ្មែរសម្អាង អង្គរតឹកតាង ស្ទើរបាត់ប្រាសាទ
ព្រោះប្រាជ្ញដេកលក់ ចិត្តលែងជ្រះស្អាត ហ៊ានចោលប្រាសាទ ឈោងយកយសសក្តិ។
៥.ធនញ្ជ័យធ្លាក់ទឹក ខ្មែរគួរកុំស្ម័គ្រ ខ្មែរគួរខំឆ្លាក់ គំនិតឲ្យថ្កើង
ឃើញខ្មែរដើរខុស ជួយដាស់គ្នាឡើង ឲ្យភ្ញាក់ត្បូងជើង លិចកើតកណ្ដាល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។