១-ប្រជាពលរដ្ឋដែលត្រូវបានគេរំលោភយកដីធ្លី និងត្រូវបានគេបណ្ដេញចេញដោយអយុត្តិធម៌ ត្រូវដោះស្រាយជូនជាសំណង ជូនប្រជាពលរដ្ឋវិញ ដោយត្រូវមានការឯកភាពពីម្ចាស់ដី។
២-ដោះស្រាយដីធ្លីសង្គមកិច្ចជូនប្រជាពលរដ្ឋក្រីក្រដែលខ្វះដី និងរៀបចំដីបម្រុងទុក១០%សម្រាប់កំណើនប្រជាពលរដ្ឋ។
៣-ពង្រឹងការអនុវត្តន៍ច្បាប់ប្រឆាំងអំពើពុករលួយ និងក្រមសីលធម៌ គុណភាពចៅក្រម ព្រមទាំងមន្ត្រីធំៗត្រូវប្រកាសទ្រព្យសម្បត្តិមុនចូលកាន់តំណែង។
៤-សើរើឡើងវិញនូវការកាត់សេចក្ដីទាំងឡាយណាដែលអយុត្តិធម៌ ចំពោះប្រជាពលរដ្ឋ ដើម្បីផ្ដល់យុត្តិធម៌ជូនប្រជាពលរដ្ឋវិញ និងពង្រឹងការអនុវត្តន៍ច្បាប់ ការគោរពច្បាប់ ពិសេសច្បាប់ប្រើប្រាស់អាវុធជាតិផ្ទុះ។
៥-ជនបរទេសទាំងឡាយណាដែលមករស់នៅប្រទេសកម្ពុជាដោយខុសច្បាប់ត្រូវបញ្ជូនទៅវិញ។
៦-ទទួលស្គាល់បងប្អូនខ្មែរកម្ពុជាក្រោមថា ជាខ្មែរតាមផ្លូវច្បាប់ដែលមករស់នៅប្រទេសកម្ពុជា។
៧-ស្រាវជ្រាវរកទ្រព្យសម្បត្តិរបស់រដ្ឋ ដែលត្រូវបានឯកជនយកទៅកាន់កាប់ ដោយខុសច្បាប់ប្រគល់ជូនរដ្ឋវិញ។
៨-លុបបំបាត់អំពើលួចប្លន់ អសន្តិសុខសង្គម ដើម្បីផ្ដល់សន្តិសុខជូនប្រជាពលរដ្ឋ។
៩-កាត់បន្ថយមន្ត្រីមួយចំនួនដែលមិនចាំបាច់ ដូចជាថ្នាក់ដឹកនាំ ក្រសួងនានា ទីប្រឹក្សា,អាជ្ញាធរ,គណៈកម្មាធិការ និងបង្កើនប្រាក់ខែជូនមន្ត្រីរាជការឱ្យសមស្របតាមកំណើនសេដ្ឋកិច្ចជាតិ។
១០-ពង្រឹងគុណភាពនិងសមត្ថភាព អព្យាក្រឹត្យ កងកម្លាំងប្រដាប់អាវុធ ព្រមទាំងបង្កើនប្រាក់ខែជូនកងកម្លាំងប្រដាប់អាវុធគ្រប់ប្រភេទ ឱ្យសមស្របតាមកំណើនសេដ្ឋកិច្ចជាតិ ដើម្បីការពារបូរណភាពទឹកដី បម្រើប្រទេសជាតិ និងប្រជាពលរដ្ឋ។
១១-បង្កើនគុណភាពអប់រំ និងផ្ដល់អាហារូបករណ៍ ចំពោះនិស្សិតក្រីក្របំផុត។
១២-បង្កើតសាលាបណ្ដុះបណ្ដាលវិជ្ជាជីវៈឱ្យបានច្រើន និងទៅតាមតម្រូវការនៃទីផ្សារ ការងារ ដើម្បីលើកកម្ពស់សមត្ថភាពពលកម្ម សំដៅទទួលបានការងារច្រើន និងមានកម្រៃខ្ពស់ជួយរកទីផ្សារការងារព្រមទាំងដោះស្រាយប្រាក់ខែ កម្មករឱ្យបានសមរម្យ និងជំរុញឱ្យក្រុមហ៊ុននានាទទួលយកអ្នកបច្ចេកទេស កម្មករកម្ពុជាឱ្យបានច្រើន។
១៣-ពង្រឹងប្រព័ន្ធធារាសាស្ត្រ និងប្រព័ន្ធស្រោចស្រព ព្រមទាំងពូជ និងបច្ចេកទេសទំនើប និងជួយរកទីផ្សារកសិផលជូនប្រជាពលរដ្ឋ។ លុបបំបាត់ឡូនេសាទដើម្បីទុកឱកាស ឱ្យប្រជាពលរដ្ឋបានចាប់ត្រីជាលក្ខណៈគ្រួសារ។
១៤-ពង្រឹងគុណភាព និងក្រមសីលធម៌គ្រូពេទ្យ និងផ្ដល់សេវាព្យាបាល មិនយកលុយ ដល់ប្រជាពលរដ្ឋក្រីក្របំផុត កាត់បន្ថយអត្រាមរណភាពមាតា និងកុមារ ព្រមទាំងជំរុញឱ្យពេទ្យឯកជនជួយព្យាបាលប្រជាពលរដ្ឋក្រីក្ររងគ្រោះថ្នាក់ចរាចរណ៍ដោយរដ្ឋទទួលបន្ទុកថ្លៃសេវាព្យាបាល។
១៥-មិនយកថ្លៃសេវានានា និងលើលិខិតបញ្ជាក់ផ្សេងៗពីប្រជាពលរដ្ឋនៅក្នុង ឃុំ-សង្កាត់។
១៦-ផ្ដល់អាទិភាពលើការអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ ស្ពាន ទឹក ភ្លើង ធនធានមនុស្ស ដើម្បីអភិវឌ្ឍន៍សេដ្ឋកិច្ច និងកាត់បន្ថយភាពក្រីក្ររបស់ប្រជាពលរដ្ឋ។
១៧-លុបបំបាត់ការជួញដូរស្ត្រី កុមារ និងគ្រឿងញៀនគ្រប់ប្រភេទ និងលើកកម្ពស់ស្ត្រី ឱ្យចូលរួមក្នុងវិស័យនយោបាយ និងចូលរួមជាថ្នាក់ដឹកនាំគ្រប់លំដាប់ថ្នាក់។
១៨-ដើរតាមមាគ៌ា សីហនុនិយម គឺការបង្រួបបង្រួមផ្សះផ្សាជាតិ ដើម្បីកម្ពុជា ឯករាជ្យ អព្យាក្រឹត្យ សន្តិ សហប្រតិបត្តិការ ស្ថិរភាពនយោបាយសន្តិសុខសង្គម និងការអភិវឌ្ឍន៍ប្រទេសជាតិ។
គោលនយោបាយលើកស្ទួយស្ថានភាពស្ត្រី សូមស្ដាប់សេចក្តីរាយការណ៍របស់អ្នកស្រី ម៉ៅ សុធានី៖