អ្នកបឹងកក់បន្តតវ៉ាទាមទារសុំឲ្យដោះលែងសកម្មជនដីធ្លី២នាក់

អ្នកភូមិបឹងកក់ ដង្ហែក្បួនយកញត្តិទៅដាក់នៅទីស្ដីការគណៈរដ្ឋមន្ត្រី ដើម្បីសុំកិច្ចអន្តរាគមន៍ពីលោកនាយករដ្ឋមន្ត្រី ហ៊ុន សែន ឲ្យដោះលែងសកម្មជនដីធ្លីចំនួនពីរនាក់ ដែលត្រូវតុលាការចាប់ខ្លួនដាក់គុក គឺអ្នកស្រី ទឹម សាក់មុន្នី និងអ្នកស្រី យ៉ោម បុប្ផា និងសុំឲ្យដោះស្រាយបញ្ហាដីធ្លីដែលនៅមិនទាន់ត្រូវបានសាលារាជធានីភ្នំពេញ ដោះស្រាយឲ្យបានត្រឹមត្រូវជូនពួកគាត់។ ស្របពេលដែលអ្នកភូមិបឹងកក់នាំគ្នាដង្ហែក្បួនបាតុកម្មនេះដែរ កងកម្លាំងសមត្ថកិច្ចជាច្រើនបានដាក់របាំងការពារមិនឲ្យអ្នកភូមិបឹងកក់ ចេញពីភូមិដើម្បីដង្ហែក្បួននេះបាននោះទេ។

ដោយ វិជ័យ អានន្ទ

2012.12.03

សមត្ថកិច្ចដាក់របាំងរារាំងមិនឲ្យអ្នកបឹងកក់ មិនឲ្យចេញពីតំបន់បឹងកក់ ដើម្បីយកញត្តិទៅដាក់នៅទីស្ដីការគណៈរដ្ឋមន្ត្រី។

អ្នកបឹងកក់ សំពះអង្វរសមត្ថកិច្ចឲ្យបើករបាំង។

តំណាងអ្នកបឹងកក់ អ្នកស្រី ទេព វន្នី ជជែកស្នើសុំសមត្ថកិច្ចឲ្យបើកផ្លូវ។

ក្រុមអ្នកបឹងកក់ យកញត្តិមកដល់ខាងមុខទីស្ដីការគណៈរដ្ឋមន្ត្រី។

អ្នកបឹងកក់ សំពះអង្វរឲ្យមន្ត្រីទីស្ដីការគណៈរដ្ឋមន្ត្រីចេញមកទទួលយកញត្តិរបស់ពួកគាត់។

មន្ត្រីទីស្ដីការគណៈរដ្ឋមន្ត្រីចេញមកទទួលអ្នកបឹងកក់។

អ្នកបឹងកក់ ត្រូវទទួលឲ្យចូលទៅក្នុងទីស្ដីការគណៈរដ្ឋមន្ត្រី។