អ្នកដំណើរជួបការលំបាកដោយសារផ្លូវលិចទឹកក្នុងខណ្ឌឫស្សីកែវ
ដោយ អ៊ួន ឈិន
2008-11-02
នេះគឺជាសកម្មភាពអ្នកដំណើរព្យាយាមឆ្លងកាត់ និងសកម្មភាពជួសជុលផ្លូវលេខ ៥៩៨ ហៅផ្លូវ ជា សុផារ៉ា ស្ថិតនៅក្នុងខណ្ឌឫស្សីកែវ រាជធានីភ្នំពេញ ដែលកំពុងរងនូវការខូចខាតដោយសារទឹកជំនន់។
ផ្លូវលេខ ៥៩៨ ត្រូវបានវិនិយោគ គឺស្ថាបនា ថែទាំ និងប្រមូលប្រាក់ថ្លៃប្រើប្រាស់ផ្លូវពីបណ្ដារថយន្តដឹកទំនិញ ដោយក្រុមហ៊ុន ភ្នំពេញហាយវេ (Phnom Penh Highway)។
យោងតាមសម្ដីរបស់របស់បុគ្គលិកនៃក្រុមហ៊ុនភ្នំពេញហាយវេ បានឲ្យដឹងថា ដោយសារតែផ្លូវត្រូវរងនូវការខូចខាត កាត់ផ្ដាច់ដោយសារទឹកជំនន់នោះ ក្រុមហ៊ុនមានបំណងផ្អាកការធ្វើចរាចរណ៍តាមដងផ្លូវនេះមួយរយៈ ដោយរង់ចាំជួសជុលហើយសិន ព្រោះខ្លាចត្រូវបង់ខាតកាន់តែច្រើន តែមិនអាចធ្វើទៅបាន។
ពាក់ព័ន្ធនឹងបញ្ហាទឹកជំនន់ក្នុងខណ្ឌឫស្សីកែវ ប្រជាពលរដ្ឋភាគច្រើនរួមទាំងមន្ត្រីជំនាញផងដែរ បានស្ដីបន្ទោសទៅលើការមិនយកចិត្តទុកដាក់ពីសំណាក់អាជ្ញាធរមូលដ្ឋានចំពោះការសាងសង់អគារថ្មីៗ និងប្រព័ន្ធបង្ហូរទឹក។
ចំណែកប្រជាពលរដ្ឋមួយចំនួនទៀតបានសម្ដែងនូវក្ដីកង្វល់ពីការប៉ះពាល់ដល់បរិស្ថាន ជាពិសេសមច្ឆជាតិដោយសារតែការបង្ហូរទឹកកខ្វក់ចូលទៅក្នុងទន្លេសាប។
វិទ្យុអាស៊ីសេរីនៅមិនទាន់ទទួលបានសេចក្ដីបំភ្លឺពីសំណាក់មន្ត្រីដែលពាក់ព័ន្ធជុំវិញបញ្ហានេះនៅឡើយទេ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
ពលរដ្ឋត្អូញត្អែរពីបញ្ហាធូលីហុយនៅតាមផ្លូវជាតិលេខ៣
តំណាងរាស្ត្របក្សសមរង្ស៊ីធ្វើពហិការមិនចូលប្រជុំសភា
ពិធីសែនភូមិរបស់ជនជាតិភាគតិចនៅមណ្ឌលគិរី
ការជំនុំជម្រះក្ដីមូរ សុខហួរ
ការរុះរើផ្ទះនៅក្រុម៧៨ក្រុងភ្នំពេញ
ការដាក់អំពូលភ្លើងតាមថែវអង្គរវត្ត
បាតុកម្មទាមទារឲ្យដោះលែង អ៊ុងសាន ស៊ូជី
ពលរដ្ឋរស់នៅក្បែរគំនរសំរាមស្ទឹងមានជ័យត្អូញត្អែរអំពីបញ្ហាសុខភាព
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
មើលមតិទាំងអស់.