កុមារទាំងនោះប្រឈមមុខនឹងគ្រោះថ្នាក់ដែលអាចកើតមានឡើងជាយថាហេតុ។ កុមារខ្លះឈរនៅតាមភ្លើងស្តុប ដើម្បីលក់ផ្កាម្លិះ ខ្លះទៀតរង់ចាំបោសសម្អាតរថយន្តឲ្យគេពេលឈប់រង់ចាំភ្លើងពណ៌ខៀវម្ដងៗ ខ្លះទៀតចាំសុំលុយ។ ក្រៅពីនេះ មានក្រុមកុមារខ្លះទៀត ដើររើសអេតចាយដែលអាចយកទៅលក់បាន។ រូបភាពទាំងនេះ គឺជាសកម្មភាពខ្លះៗរបស់ក្រុមកុមារគ្មានទីពឹងនៅពេលយប់ក្នុងទីក្រុងភ្នំពេញ។ ថតដោយ មុំ សុផុន ថ្ងៃទី១៣ ខែឧសភា ឆ្នាំ២០១៣
១-កុមារីពីរនាក់បងប្អូនដេកផ្ទាល់នឹងដី នៅតំបន់ភ្លើងស្តុបផ្សារដើមគ រង់ចាំសុំលុយ។
២-កុមារដើរស្ទើរតែពេញមួយយប់ដើម្បីរើសរបស់ចាស់ៗដែលអាចយកទៅលក់បាន។
៣-កុមារីម្នាក់កំពុងរង់ចាំលក់ផ្កាម្លិះនៅកណ្ដាលផ្លូវនៅភ្លើងស្តុបតាមបណ្ដោយផ្លូវព្រះមុនីវង្ស។
៤-កុមារាពីរនាក់ឈរចាំសុំលុយនៅកណ្ដាលផ្លូវនៅភ្លើងស្តុបតាមបណ្ដោយផ្លូវព្រះមុនីវង្ស។
៥-កុមារាម្នាក់ឈរចាំសុំលុយនៅក្បែររបាំងចែកទ្រូងផ្លូវនៅចំណុចភ្លើងស្តុបពេទ្យចិន។
៦-កុមារអូសរទេះអេតចាយឈប់នៅភ្លើងស្តុប។
៧-កុមារម្នាក់កាន់អំបោសបោសសម្អាតរថយន្តដើម្បីសុំលុយពីម្ចាស់រថយន្ត។
៨-កុមារាម្នាក់អង្គុយងោកនៅតាមដងផ្លូវមួយក្នុងទីក្រុងភ្នំពេញ។
៩-ក្រុមកុមារមួយក្រុមកំពុងអង្គុយសុំលុយកណ្ដាលផ្លូវ។
១០-កុមារាម្នាក់ឈរសម្លឹងមើលអ្នកធ្វើដំណើរនៅកណ្ដាលផ្លូវ។
១១-កុមារពីរនាក់បងប្អូនអង្គុយសម្រាកក្បែររទេះដឹកអេតចាយ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។