លោក ឡាញ់លី សៀវឡេង ជាអធិការនគរបាលស្រុកគូលែន បានមានប្រសាសន៍ឱ្យដឹងថា ហេតុការណ៍នេះបានកើតឡើងកាលពីព្រឹកថ្ងៃព្រហស្បតិ៍ នៅសាលាបឋមសិក្សា «កោះកែរ» ស្រុកគូលែន បន្ទាប់ពីមានក្មេងបានទៅរើសក្បាលគ្រាប់ផ្លោងធុន ៦០មិល្លីម៉ែត្រ ១គ្រាប់ យកមកលេង ហើយបានផ្ទុះនៅក្នុងថ្នាក់រៀនដែលមានសិស្សជាច្រើននាក់នៅក្នុងនោះ។
ប៉ូលិសបានឱ្យដឹងថា ព្រៃដែលក្មេងបានចូលទៅរើសគ្រាប់មកលេងនោះនៅមានសេសសល់គ្រាប់មិនទាន់ផ្ទុះមួយចំនួនទៀត ហើយក្រុមសកម្មភាពមជ្ឈមណ្ឌលកំចាត់មីនកម្ពុជា កំពុងបញ្ជូនកម្លាំងចូលទៅកាន់តំបន់ព្រៃនោះ ដើម្បីរុករក និងបោសសំអាតគ្រាប់សេសសល់ទាំងនោះ៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។