ថវិកានោះទីមួយគឺសម្រាប់ប្រើប្រាស់លើកិច្ចព្រមព្រៀងស្តីពីកិច្ចសហប្រតិបត្តិការហិរញ្ញវត្ថុ ឆ្នាំ ២០០៧ ដែលរួមមាន ៖ សុខភាពបន្តពូជលើកទី៣, កម្មវិធីរួមស្តីពីហិរញ្ញវត្ថុសុខុមាលភាពសង្គម, កម្មវិធីដំឡើងភ្លើងអគ្គិសនីនៅជនបទលើកទី២, កម្មវិធីហេដ្ឋារចនាសម្ព័ន្ធជនបទនៅខេត្តសៀមរាប និងខេត្តកំពង់ធំ ។
ទីពីរគឺសម្រាប់ប្រើប្រាស់លើកិច្ចព្រមព្រៀងស្តីពីកិច្ចសហប្រតិបត្តិការបច្ចេកទេស ឆ្នាំ ២០០៧ ដែលរួមមាន ៖ កម្មវិធីរួមគ្នាស្តីពីហិរញ្ញវត្ថុសុខុមាលភាពសង្គម, ការគាំទ្រកំណែទម្រង់ការគ្រប់គ្រងដីធ្លី, កម្មវិធីឋាមពលជាថ្មី, ការគាំទ្រការអនុវត្តនូវយុទ្ធសាស្ត្រធារាសាស្រ្ត និងកសិកម្ម, គាំទ្រអាជ្ញាធរសវនកម្មជាតិ, កម្មវិធីកំណែទម្រង់រដ្ឋបាល និងសហវិមជ្ឈការលើកទី៣, ជំរុញនូវសិទ្ធិស្ត្រីលើកទី២ និងការកំណត់អត្តសញ្ញាណគ្រួសារក្រីក្រ ជំហានទី២ ៕