កម្ពុជាទទួលបានកិច្ចគាំទ្រពីស.រ.អា.ដោយសាររឿងប្រេង?
ដោយ ហាស់ សាន
2008-10-01
មានដំណឹងផ្សាយតាមប្រព័ន្ធសារព័ត៌មានមួយពីកោះហ្គាម ឈ្មោះ Guampdn.com នៅថ្ងៃទី១ តុលានេះ ដែលដាក់ចំណងជើងថា កម្ពុជាទទួលបានកិច្ចគាំទ្រព្រោះរឿងប្រេង មិនមែនសិទ្ធិនោះទេ បន្ទាប់ពីឧបការីរដ្ឋមន្រ្តីការបរទេសសហរដ្ឋអាមេរិក (ស.រ.អា) លោក John Negroponte បំពេញទស្សនកិច្ចនៅកម្ពុជាពេលថ្មីៗនេះ។
លោក John Negroponte ប្រាប់សភាពាណិជ្ជកម្មអាមេរិកាំងនៅក្រុងហុងកុងថា ស.រ.អា.គាំទ្រកិច្ចការកម្ពុជាដើម្បីពង្រឹងលទ្ធិប្រជាធិបតេយ្យ កែលម្អសុខភាពសាធារណៈ និងបង្កើនការគោរពសិទ្ធិមនុស្ស។
លោកបានហៅការវិវត្តន៍ទាំងអស់នេះថាវិជ្ជមានបំផុត ហើយបានចាត់ទុកការរៀបចំសាលាក្តីខ្មែរក្រហមថាអាចនឹងស្របតាមខ្នាតអន្តរជាតិទៀតផង។ បន្ទាប់មកលោកប្រកាសថា រដ្ឋការក្រុងវ៉ាស៊ីនតោនធ្វើវិភាគទានជួយសាលាក្តីនេះ ១លាន៨សែនដុល្លារអាមេរិក។
អ្នកនិពន្ធអត្ថបទ បណ្ឌិត អាប់ឌុលហ្គាហ្វា ពៀងម៉េថ អតីតសាស្រ្តាចារ្យផ្នែកវិទ្យាសាស្រ្តនយោបាយនៃសកលវិទ្យាល័យ ហ្គាម ចោទជាសំណួរថា តើប្រទេសកម្ពុជាពណ៌នាដោយមន្រ្តីអាមេរិកាំងរូបនោះ ហើយនិងកម្ពុជាពណ៌នាដោយលោក Yash Ghai តំណាងអង្គការសហប្រជាជាតិ (អ.ស.ប.) ផ្នែកសិទ្ធិមនុស្ស រួមនឹងក្រុមអង្គការនៃសង្គមស៊ីវិលជាច្រើនទៀតជាប្រទេសតែមួយដូចគ្នា ឬមិនដូច។
លោកឲ្យអ្នកផងជួយគិតថា តើចិន ស.រ.អា និងប្រទេសដទៃទៀត ចូលខ្លួនមកជួយរដ្ឋាភិបាលលោក ហ៊ុន សែន ដែលគ្រប់គ្រងប្រេងកាតក្នុងឈូងសមុទ្រថៃនោះឬយ៉ាងណា?៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
អាជ្ញាធរនិងអង្គការពិគ្រោះយោបល់លើសេចក្តីព្រាងច្បាប់ស្ដីពីការត្រួតពិនិត្យគ្រឿងញៀន
មន្ត្រីតម្រួតព្រំដែននៅរតនគិរីត្រូវគេកាត់ឈ្មោះព្រោះតវ៉ារឿងប្រាក់ខែ?
អង្គការផ្នែកកសិកម្មអាស៊ាននិងតំណាងកសិករខ្មែរជួបប្រជុំគ្នា
ខ្មែរ៤នាក់ស្លាប់ក្នុងគ្រោះថ្នាក់ចរាចរណ៍ក្នុងទឹកដីថៃ
មន្ត្រីយោធានៅរតនគិរីទារប្រាក់ពីអ្នកភូមិជាថ្នូរនឹងការប្រគល់រណារយន្ត?
មន្ត្រីសូរិយោដីនៅព្រៃវែងរងការចោទថាទារប្រាក់ពលរដ្ឋជាថ្នូរនឹងការចេញប្លង់ដី
អតីតប្រធានាធិបតីស្តីទីនៃរបបសាធារណរដ្ឋខ្មែរទទួលមរណភាព
កម្ពុជាស្ថិតក្រោមការគំរាមកំហែងពីដុំពពកផ្ទុកសារធាតុពុល
ពលរដ្ឋនៅខែត្របាត់ដំបងទាមទារឲ្យមេភូមិលាឈប់ពីតំណែង
អ្នកភូមិនៅខែត្រតាកែវតវ៉ាពីបញ្ហាតម្លៃក្នុងការធ្វើសៀវភៅគ្រួសារ
