លោក John Johnson អ្នកនាំពាក្យស្ថានទូតអាមេរិកប្រចាំកម្ពុជាបានមានប្រសាសន៍ថា នេះជាជំហានមួយថ្មីទៀតនៅក្នុងការបង្កើនទំនាក់ទំនងផ្នែកយោធារវាងប្រទេសទាំងពីរ។
គណៈប្រតិភូកម្ពុជាបានចេញដំណើរពីក្រុងភ្នំពេញកាលពីថ្ងៃពុធម្សិលមិញ ដោយជិះយន្តហោះយោធាអាមេរិកដើម្បីធ្វើទស្សនកិច្ចនាវាផ្ទុកយន្តហោះអាមេរិក ឈ្មោះ USS Abraham Lincoln ដែលសំចតនៅចម្ងាយប្រមាណ២៥០ម៉ាយ ឬ៤០២គីឡូម៉ែត្រពីឆ្នេរសមុទ្រកម្ពុជា។
លោកឧត្តមសេនីយ៍ មាស សុភា អគ្គមេបញ្ជាការរងកងទ័ពកម្ពុជាបានចាត់ទុកទស្សនកិច្ចនេះថាជាឱកាសដ៏ពិសេសមួយ។
កាលពីខែកុម្ភៈកន្លងទៅនាវាចម្បាំងអាមេរិកមួយគ្រឿង ឈ្មោះ USS Gary រួមជាមួយទាហាននិងបុគ្គលិក២០០នាក់បានចូលចតលើកទីមួយនៅកំពង់ផែកម្ពុជានាក្រុងព្រះសីហនុ៕