លោកបណ្ឌិត ហៀង រិទ្ធី បានចេញលិខិតផ្លូវការតាំងពីថ្ងៃទី១ ខែតុលា ឆ្នាំ២០០៨នេះមក ផ្ញើជូនស្ថានទូតអាមេរិក អង់គ្លេស កាណាដា អូស្ត្រាលី និងអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំកម្ពុជា និងភ្នាក់ងារប៉ូលិសអាមេរិក អេហ្វ.ប៊ី.អាយ. សូមឲ្យជួយធ្វើអន្តរាគមន៍តាមចាប់ជនដែលបានគំរាមរកបាញ់សម្លាប់រូបលោក កាលពីថ្ងៃទី២៥ ខែកញ្ញា ឆ្នាំ២០០៨ នៅទីក្រុងភ្នំពេញនោះ។
លោកបណ្ឌិត ហៀង រិទ្ធី បច្ចុប្បន្នជាប្រធានអង្គការស្រាវជ្រាវជាតិកម្ពុជា។ លោកពុំបានបញ្ជាក់នៅក្នុងលិខិតរបស់លោកនោះថាតើមូលហេតុអ្វីបានជាមានមនុស្សតាមចង់ផ្តាច់ជីវិតលោកដូច្នោះទេ៕