យោងតាមសេចក្តីប្រកាសព័ត៌មានរបស់ធនាគារអភិវឌ្ឍន៍អាស៊ី ថ្ងៃ៨ កក្កដានេះ ការឧបត្ថម្ភផ្នែកបច្ចេកទេសនេះ នឹងចាប់ផ្តើមដំណើរការនៅខែកញ្ញាឆ្នាំនេះ រហូតដល់ខែសីហា ឆ្នាំ២០១២ ជាមួយក្រសួងកសិកម្ម រុក្ខាប្រមាញ់ និងនេសាទ។
ព័ត៌មានបន្តថា ជំនួយបច្ចេកទេសនេះសម្រាប់គាំទ្រដល់ការហ្វឹកហ្វឺន ការបង្ហាញអំពីបច្ចេកទេសទំនើបក្នុងការធ្វើស្រែយ៉ាងណាដើម្បីឲ្យទទួលបានផលច្រើន។ ហើយគេអនុវត្តនៅខេត្តចំនួន ៤ គឺខេត្តបន្ទាយមានជ័យ កំពង់ចាម កំពង់ធំ និងខេត្តសៀមរាប៕