បទ​វិភាគ៖ តើ ជួប សម្លាប់ ជា​ឃាតក​តែ​ម្នាក់​គត់​បាញ់​សម្លាប់​បណ្ឌិត កែម ឡី ឬ​យ៉ាង​ណា?

ដោយ​ ជី វិតា
2017-03-22
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ជន​សង្ស័យ​ជា​ឃាតក​សម្លាប់​លោក កែម ឡី ឈ្មោះ ជួប សម្លាប់ (ប៉ូលិស​ថា​មិន​មែន​ជា​ឈ្មោះ​ពិត) ត្រូវ​បាន​សមត្ថកិច្ច​បង្ហាញ​ក្នុង​សន្និសីទ​កាសែត​នា​ស្នងការដ្ឋាន​នគរបាល​រាជធានី​ភ្នំពេញ នៅ​ថ្ងៃ​ទី​១០ ខែ​កក្កដា ឆ្នាំ​២០១៦។ Brach Chev
ជន​សង្ស័យ​ជា​ឃាតក​សម្លាប់​លោក កែម ឡី ឈ្មោះ ជួប សម្លាប់ (ប៉ូលិស​ថា​មិន​មែន​ជា​ឈ្មោះ​ពិត) ត្រូវ​បាន​សមត្ថកិច្ច​បង្ហាញ​ក្នុង​សន្និសីទ​កាសែត​នា​ស្នងការដ្ឋាន​នគរបាល​រាជធានី​ភ្នំពេញ នៅ​ថ្ងៃ​ទី​១០ ខែ​កក្កដា ឆ្នាំ​២០១៦។ Brach Chev
Brach Chev

សាលាដំបូង​រាជធានី​ភ្នំពេញ ចេញ​សាលក្រម​លើ​សំណុំ​រឿង​ក្ដី​ឃាតកម្ម​បណ្ឌិត កែម ឡី នៅ​ព្រឹក​ថ្ងៃ​ព្រហស្បតិ៍ ទី​២៣ ខែ​មីនា នេះ បន្ទាប់​ពី​សវនាការ​អង្គ​សេចក្ដី​កាល​ពី​ថ្ងៃ​ទី​១ ខែ​មីនា។ ពលរដ្ឋ​ខ្មែរ​កំពុង​រង់ចាំ​មើល​ថា តើ​ជោគវាសនា​របស់​ជន​ជាប់​ចោទ​ឈ្មោះ អឿត អាង ហៅ ជួប សម្លាប់ ដែល​បាន​សារភាព​ប្រាប់​តុលាការ​ថា ខ្លួន​ជា​ឃាតក​ក្នុង​ការ​បាញ់​សម្លាប់​បណ្ឌិត កែម ឡី កាល​ពី​ថ្ងៃ​ទី​១០ ខែ​កក្កដា ឆ្នាំ​២០១៦ នោះ នឹង​ក្លាយ​ជា​បែប​ណា?

តើ​ជន​ជាប់​ចោទ ជួប សម្លាប់ ពិត​ជា​ឃាតក​តែ​ម្នាក់​គត់ ឬ​យ៉ាង​ណា? តើ​ចម្លើយ​សារភាព​របស់​គាត់​ស៊ីចង្វាក់​គ្នា​នឹង​អង្គហេតុ ឬ​ទេ?

យោង​តាម​ការ​វិភាគ​ដោយ​ផ្អែក​លើ​​សវនាការ​អង្គ​សេចក្ដី​កាល​ពី​ថ្ងៃ​ទី​១ ខែ​មីនា ដែល​តុលាការ​ជំនុំជម្រះ​សំណុំរឿង​ឃាតកម្ម​ដ៏​រសើប​មួយ​នេះ គេ​អាច​ប៉ាន់ស្មាន​ថា ក្រុមប្រឹក្សា​ជំនុំជម្រះ​ដែល​មាន​ចៅក្រម​បី​នាក់ នឹង​ប្រកាស​សាលក្រម​ផ្ដន្ទាទោស​ជនជាប់ចោទ​ឈ្មោះ ជួប សម្លាប់ ដាក់​ពន្ធនាគារ​អស់​មួយ​ជីវិត ពី​បទ​ឃាតកម្ម​គិត​ទុក​ជាមុន និង​ប្រើប្រាស់​អាវុធ​ខុស​ច្បាប់។  ប៉ុន្តែ​បញ្ហា​ត្រង់​ថា តើ​សាលក្រម​នោះ​នឹង​តំណាង​អោយ​យុត្តិធម៌​សម្រាប់​ជនរងគ្រោះ ឬ​ទេ? តើ​សាលក្រម​នោះ​ឆ្លុះ​បញ្ចាំង​សច្ចៈ​ភាព​ដែល​នាំ​អោយ​សហគមន៍​ជាតិ និង​អន្តរជាតិ​ទទួល​យក​បាន ឬ​ទេ?

ដើម្បី​ឆ្លើយ​ទៅ​នឹង​សំណួរ​ទាំង​នេះ គេ​ត្រូវ​ពិនិត្យ​មើល​សវនាការ​ជំនុំជម្រះ​កាល​ពី​ថ្ងៃ​ទី​១ ខែ​មីនា កន្លង​ទៅ។ ផ្ទុយ​ពី​ការ​រំពឹង​ទុក​របស់​មហាជន​ដែល​ថា សវនាការ​នៅ​ថ្ងៃ​នោះ​អាច​នឹង​ជួយ​ស្រាយ​បំភ្លឺ​ចម្ងល់​ជា​ច្រើន​ក្នុង​រឿង​ក្តី​ឃាតកម្ម​ចម្លែក​លើ​បណ្ឌិត កែម ឡី អ្នក​សង្កេតការណ៍​ជា​ច្រើន​នៅ​ក្នុង​ការ​ជំនុំជម្រះ​នោះ​សំដែង​ការ​ខក​ចិត្ត​ទៅ​វិញ។

ខក​ចិត្ត​ត្រង់​ថា សវនាការ​អង្គ​សេចក្ដី​ស្ដីពី​ឃាតកម្ម​ដ៏​ល្បី​រន្ទឺ​មួយ​នេះ បែរ​ជា​តុលាការ​ចំណាយ​ពេល​ត្រឹម​ជាង ៤​ម៉ោង យ៉ាង​តក់ក្រហល់​បន្សល់​ចម្ងល់​កាន់តែ​ច្រើន​ថែម​ទៀត​ទៅ​វិញ។

"ស្លាប់​មិន​ប្ដូរ​ឈ្មោះ រស់​មិន​ប្ដូរ​ត្រកូល"

ដូចជា​ថា ហេតុ​អ្វី​បាន​ជា​ជន​ជាប់​ចោទ​អះអាង​ថា ខ្លួន​ឈ្មោះ ជួប សម្លាប់ ចម្លែក​ខុស​ប្លែក​ពី​គេ ហើយ​ព្យាយាម​លាក់​អត្តសញ្ញាណ​របស់​ខ្លួន​ឯង​ ខណៈ​មាន​សាក្សី​ជា​ប្រពន្ធ ជា​មិត្តភ័ក្ដិ ជា​បព្វជិត និង​លិខិត​បញ្ជាក់​ថា ជនជាប់ចោទ​នេះ​មាន​ឈ្មោះ​ថា អឿត អាង ក៏ដោយ។

នៅ​ចំពោះ​មុខ​ក្រុមប្រឹក្សា​ជំនុំជម្រះ ជនជាប់ចោទ​ប្រកាស​ឈ្មោះ​របស់​ខ្លួន​ថា «ជួប សម្លាប់» ដោយ​បញ្ជាក់​ថា «ស្លាប់​មិន​ដូរ​ឈ្មោះ រស់​មិន​ដូរ​ត្រកូល» គឺ​មាន​ឈ្មោះ​នេះ​តែមួយ​គត់​ពី​កំណើត។

ទោះ​ជា​បែប​នោះ​ក្តី ជនជាប់ចោទ​ប្រាប់​តុលាការ​ថា ខ្លួន​បាន​ដឹង​ថា ខ្លួន​ឯង​ឈ្មោះ ជួប សម្លាប់ នៅ​ពេល​អាយុ​បាន ១០​ឆ្នាំ ខណៈ​រស់​នៅ​តំបន់​ចម្ការ​គ​ជាប់​ព្រំដែន​ថៃ ក្នុង​ខែត្រ​បន្ទាយមានជ័យ។

ផ្ទុយ​ពី​សម្ដី​អះអាង​របស់​ជនជាប់ចោទ ជួប សម្លាប់ ក្រឡា​បញ្ជី​បាន​ឡើង​អាន​ចម្លើយ​របស់​ប្រពន្ធ​នៃ​ជនជាប់ចោទ ដែល​អោយ​ដឹង​ថា បុរស​រូប​នេះ​មាន​ឈ្មោះ​ថា អឿត អាង។  លិខិត​បន្ត​ថា ជនជាប់ចោទ អឿត អាង ធ្លាប់​ធ្វើ​មន្ត្រី​បរិស្ថាន បន្ទាប់​មក​សាង​ផ្នួស​បួស​ជា​ព្រះសង្ឃ​នៅ​វត្ត​ប្រាសាទធ្នង់ ខែត្រ​សៀមរាប និង​សឹក​ពី​ព្រះសង្ឃ​នៅ​ខែ​តុលា ឆ្នាំ​២០១៥។ លិខិត​របស់​ប្រពន្ធ​ជនជាប់ចោទ​បន្ត​ទៀត​ថា ប្ដី​របស់​ខ្លួន​ដែល​មាន​ឈ្មោះ​ថា អឿត អាង ធ្លាប់​ធ្វើជា​កងទ័ព​ខ្មែរ​ក្រហម និង​ទាហាន​ប៉ារ៉ា ហើយ​ថ្ងៃ​ទី​២៨ ខែ​មិថុនា ឆ្នាំ​២០១៦ អឿត អាង ប្រាប់​ប្រពន្ធ​ថា ខ្លួន​ត្រូវ​ចេញ​ទៅ​ភ្នំពេញ។ នៅ​ថ្ងៃ​ទី​១០ ខែ​កក្កដា ស្រាប់​តែ​ឮ​ដំណឹង​ថា ប្តី​របស់​គាត់​បាញ់​សម្លាប់​មនុស្ស។

អឿត អាង ឬ ជួប សម្លាប់ ២០១៦ ៨៥៥
១១-កក្កដា-២០១៦៖ រូបថត​ជន​សង្ស័យ​បាញ់​សម្លាប់​លោក​បណ្ឌិត កែម ឡី ឈ្មោះ អឿត អាង ដែល​អះអាង​ប្រាប់​សមត្ថកិច្ច​ថា​ឈ្មោះ ជួប សម្លាប់ ក្នុង​ស្លៀកពាក់​ជា​ឯកសណ្ឋាន​ភ្នាក់ងារ​បរិស្ថាន។ RFA/Hang Savyouth RFA/Hang Savyouth

ព្រះរាជអាជ្ញា​ហាក់​មិន​ខ្វល់​រឿង​ផ្សេង

ខាង​អយ្យការ​ដែល​មាន​ព្រះរាជអាជ្ញា លោក លី សុផាណា ជា​តំណាង ហាក់​មិន​បាន​ខ្វាយខ្វល់​នឹង​ភាព​ចម្លែក និង​អង្គហេតុ​មិន​ប្រក្រតី​ទាំង​ឡាយ​ពាក់ព័ន្ធ​នឹង​ជនជាប់ចោទ​នេះ​ឡើយ ប៉ុន្តែ​បែរ​ជា​សង្កត់ធ្ងន់​ទៅ​លើ​ចម្លើយ​សារភាព​របស់​ជន​ជាប់​ចោទ និង​ភស្តុតាង ជា​កាំភ្លើង​ខ្លី​ដែល ជួប សម្លាប់ ប្រកាស​ថា ជា​អាវុធ​របស់​ខ្លួន​ប្រើ​បាញ់​សម្លាប់ បណ្ឌិត កែម ឡី ទៅ​វិញ។ ព្រះរាជអាជ្ញា លោក លី សុផាណា ដែល​មើល​ទៅ​ហាក់​មាន​ឥទ្ធិពល​លើ​ក្រុម​ចៅក្រម​ជំនុំជម្រះ​នៅ​ក្នុង​សវនាការ​ថ្ងៃ​ទី​១ ខែ​មីនា នោះ ក៏​មិន​បាន​ឈ្លេច​សួរ​ដេញដោល​ជនជាប់ចោទ​ទៅ​ទៀត​ថា តើ​មាន​អ្នក​ឃុបឃិត​នៅ​ពី​ក្រោយ​ខ្នង​ការ​ធ្វើ​ឃាត​លោក កែម ឡី ឬ​ទេ? ប៉ុន្តែ ជួប សម្លាប់ ខ្លួន​ឯង ដោយ​មិន​ចាំបាច់​គេ​សួរ​ក៏​ប្រកាស​យ៉ាង​ហោច​ណាស់​ក៏ ២​ដង​ដែរ​ថា មិន​មាន​អ្នក​នៅ​ពី​ក្រោយ​ខ្នង​ទេ។

បើ​ទោះ​ជា ជួប សម្លាប់ ជា​អ្នក​កេះ​កៃ​កាំភ្លើង​បាញ់​សម្លាប់​បណ្ឌិត កែម ឡី មែន​ក៏ដោយ​ចុះ តើ ជួប សម្លាប់ ពិត​ជា​ឃាតក​ទោស​ដោយ​គ្មាន​អ្នក​ឃុបឃិត​បញ្ជា​នៅ​ពី​ក្រោយ​មែន​ឬ? រាល់​ឃាតកម្ម​សុទ្ធ​តែ​មាន​មូលហេតុ មាន​តែ​មនុស្ស​វិកលចរិត​បាត់បង់​ស្មារតី​ប៉ុណ្ណោះ ទើប​សម្លាប់​មនុស្ស​ដោយ​គ្មាន​មូលហេតុ ពីព្រោះ​ធ្វើ​ឡើង​ដោយ​មិន​ដឹង​ខ្លួន។

ជនជាប់ចោទ ជួប សម្លាប់ បាន​សារភាព​អះអាង​ថា មូលហេតុ​នៃ​ការ​ធ្វើ​ឃាត​លោក កែម ឡី គឺ​ពីព្រោះ​តែ​អ្នក​វិភាគ​នយោបាយ និង​បញ្ហា​សង្គម​រូប​នេះ​បោកប្រាស់​ប្រាក់ ៣.០០០​ដុល្លារ និង​ក្បត់​ពាក្យ​សន្យា​មិន​សង់​ផ្ទះ​អោយ​ខ្លួន។ តើ​នេះ​ជា​មូលហេតុ​ពិត ឬ​ទេ? ក្នុង​សវនាការ​ជំនុំជម្រះ​កាល​ពី​ថ្ងៃ​ទី​១ ខែ​មីនា ដែល​មាន​បេសកកម្ម​ស្វែង​រក​ការ​ពិត​អំពី​រឿង​នេះ អ្នក​សង្កេតការណ៍​បាន​រិះគន់​សវនាការ​លើ​ចំណុច​នេះ។

ទាំង​ព្រះរាជអាជ្ញា និង​ចៅក្រម​ពុំ​បាន​សួរ​ដេញដោល​អោយ​បាន​ផុលផុស​ស៊ី​ជម្រៅ​ទាក់ទង​នឹង​លុយ ៣.០០០​ដុល្លារ ដែល​ជនជាប់ចោទ​ប្រកាស​ថា ជា​មូលហេតុ​សម្លាប់​បណ្ឌិត កែម ឡី នោះ​ទេ។ ផ្ទុយ​ទៅ​វិញ ប្រសិនបើ​មាន​ការ​ស៊ើបអង្កេត និង​សួរ​ដេញដោល ហើយ​រក​ឃើញ​ថា លុយ ៣.០០០​ដុល្លារ មិន​មែន​ជា​មូលហេតុ​ដែល ជួប សម្លាប់ ធ្វើ​ឃាត​បណ្ឌិត កែម ឡី ទេ​នោះ ឃាតកម្ម​នេះ​ប្រាកដ​ជា​មាន​មូលហេតុ​ផ្សេង​នៅ​ពី​ក្រោយ​ជា​មិន​ខាន។

ក្នុង​គោលការណ៍​ច្បាប់​ចម្លើយ​សារភាព​តែ​មួយ​មុខ​មិន​អាច​យក​ជា​ការ​បាន​ទេ លុះ​ត្រា​តែ​មាន​ភស្តុតាង​ស៊ីចង្វាក់​បញ្ជាក់​ទៅ​លើ​ចម្លើយ​សារភាព​នោះ។

គ្មាន​នរណា​ជឿ​ថា ជួប សម្លាប់ ជា​ឈ្មោះ​ពិត

ក្រៅ​តែ​ពី​មជ្ឈដ្ឋាន​ទូទៅ​មិន​ជឿ​ថា បណ្ឌិត កែម ឡី ខ្ចី​លុយ​ជនជាប់ចោទ ជួប សម្លាប់ ហើយ​នោះ  ប្រពន្ធ​របស់​ជន​ជាប់​ចោទ ជួប សម្លាប់ និង​មនុស្ស ២​នាក់​ទៀត​បាន​បញ្ជាក់​ថា ជន​ជាប់​ចោទ​មិន​ដែល​មាន​ប្រាក់​ចំនួន​រាប់​ពាន់​ដុល្លារ​នោះ​ទេ។ ដូច្នេះ​មូលហេតុ​នៃ​ការ​ធ្វើ​ឃាត​បណ្ឌិត កែម ឡី អាច​ជា​រឿង​ផ្សេង។

ប្រពន្ធ ជួប សម្លាប់ ៨៥៥
ប្រពន្ធ​ ជួប សម្លាប់ លោកស្រី ហឿម ហ៊ត ផ្ដល់​បទសម្ភាសន៍​ដល់​អាស៊ីសេរី នៅ​ខេត្ត​សៀមរាប កាល​ពី​ថ្ងៃ​ទី​៧ ខែ​តុលា ឆ្នាំ​២០១៦។ RFA/Hang Savyouth RFA/Hang Savyouth

ហេតុ​អ្វី​បាន​ជា​បុរស​ម្នាក់​អះអាង​ថា ខ្លួន​មាន​របរ​ជា​កម្មករ​ស៊ី​ឈ្នួល​កាត់​ស្មៅ​នៅ​ប្រទេស​ថៃ និង​រស់​នៅ​ក្នុង​ភូមិ​ចម្ការ​គ​ដាច់ស្រយាល​មួយ​ក្បែរ​ព្រំដែន​ថៃ ស្គាល់​លោក​បណ្ឌិត កែម ឡី នៅ​ឯ​ភ្នំពេញ ឯ​ណេះ? នៅ​ពេល​ចៅក្រម​សួរ​ថា ហេតុ​ដូច​ម្ដេច​បាន​ជា​ស្គាល់​បណ្ឌិត កែម ឡី រហូត​ហ៊ាន​អោយ​ខ្ចី​លុយ? ជួប សម្លាប់ ឆ្លើយ​ថា ខ្លួន​ស្គាល់​ពូ ឡី  បណ្ឌិត កែម ឡី) តាម​រយៈ​ពូ​លិស ទើប​ខ្លួន​ហ៊ាន​អោយ​ប្រាក់ ៣.០០០​ដុល្លារ។ នៅ​ក្នុង​សវនាការ ជួប សម្លាប់ ហៅ​ឈ្មោះ​អ្នក​ទាំង​ពីរ​ហាក់​ដូច​ជា​មាន​សំនៀង​ស្រដៀង​គ្នា គឺ​ពូឡី និង​ពូលិស។

ជួប សម្លាប់ បន្ត​ថា ក្រោយ​មក​បុរស​ដែល​ខ្លួន ហៅ​ថា ពូ​លិស បាន​ទូរស័ព្ទ​ទៅ​ប្រាប់​ថា «បណ្ឌិត កែម ឡី ចាយ​លុយ​អស់​ហើយ គាត់​បោកប្រាស់​ទេ​រឿង​សង់​ផ្ទះ​នោះ»។ ទោះជា​យ៉ាង​ណា ជនជាប់ចោទ ជួប សម្លាប់ និយាយ​តែ​ម្នាក់​ឯង​គត់ គ្មាន​អ្វី​ផ្សេង​អាច​បញ្ជាក់ ឬ​ផ្ទៀងផ្ទាត់​ថា អ្វី​ដែល​គាត់​និយាយ​នោះ​ជា​ការ​ពិត​នោះ​ទេ។

កាន់​តែ​ភ្ញាក់ផ្អើល​នោះ គឺ​ទាំង​ចៅក្រម និង​ព្រះរាជអាជ្ញា​មិន​បាន​ដេញដោល ឈ្លេច​សួរ​ទេ​ថា នរណា​ជា​បុរស​ឈ្មោះ លិស នោះ មក​ពី​ណា មាន​មុខ​របរ​អ្វី ស្គាល់​ពូលិស តាម​របៀប​ណា ហើយ​បុរស​ឈ្មោះ​លិស នោះ​បច្ចុប្បន្ន​នៅ​ទី​ណា​នោះ​ទេ? ជួប សម្លាប់ គ្រាន់​តែ​និយាយ​ថា បាន​ជួប​បុរស​ឈ្មោះ​លិស នៅ​ថៃ។ មាន​តែ​បុគ្គល​ឈ្មោះ លិស នេះ​ទេ ទើប​អាច​ជួយ​ស្រាយ​បំភ្លឺ​ចម្ងល់​ជា​ច្រើន​បាន។  ប៉ុន្តែ​តុលាការ​មិន​បាន​កោះ​ហៅ​ជន​នេះ​មក​ឆ្លើយ​បំភ្លឺ​ក្នុង​ក្តី​ឃាតកម្ម​នេះ​ឡើយ។  តើ​បុរស​ឈ្មោះ លិស ដែល​ជនជាប់ចោទ ជួប សម្លាប់ ហៅ​ថា ពូ មាន​នៅ​ក្នុង​លោក​នេះ ឬ​ទេ?

"ជួប សម្លាប់ ជា​ព្រះសង្ឃ​កោងកាច"

ព្រះសង្ឃ​ព្រះនាម តោ ញ៉ិល គង់​នៅ​វត្ត​ប្រាសាទធ្នង់ ក្នុង​ស្រុក​អង្គរជុំ ខែត្រ​សៀមរាប មាន​ថេរដីកា​ប្រាប់​ទូរទស្សន៍​អាល់ហ្សាហ្សេរ៉ា (Al Jazeera) ថា ជនជាប់ចោទ​ធ្លាប់​បួស​ជា​ព្រះសង្ឃ​ជាមួយ​ព្រះអង្គ​មាន​ព្រះនាម​ថា អឿត អាង។ ព្រះសង្ឃ អឿត អាង មាន​ចរិត​ព្រហើន​កោងកាច និង​ធ្លាប់​លួច​លុយ​វត្ត​យក​ទៅ​លេងល្បែង​ភ្នាល់​ទៀត​ផង។ នៅ​ពេល​នោះ ព្រះ​ភិក្ខុសង្ឃ អឿត អាង តែង​អួតអាង​អំពី​ខ្លួន​ឯង​ថា ធ្លាប់​ធ្វើ​ជា​ទាហាន និង​តែងតែ​ទៅ​លេង​អតីត​មេ​ទាហាន​របស់​ខ្លួន​ក្នុង​អំឡុង​ពេល​នៅ​បួស​នោះ។ ព្រះតេជព្រះគុណ តោ ញ៉ិល បន្ត​ថា ព្រះអង្គ​មិន​ជឿ​ថា មនុស្ស អឿត អាង ស្គាល់​ជនរងគ្រោះ​រហូត​មាន​ប្រាក់​ដល់ ៣.០០០​ដុល្លារ​អោយ​បណ្ឌិត កែម ឡី ខ្ចី​នោះ​ទេ។

ព្រះតេជព្រះគុណ តោ ញ៉ិល បញ្ជាក់​ថា ព្រះ​ភិក្ខុសង្ឃ អឿត អាង បាន​សឹក​ចេញ​ពី​វត្ត​ប្រាសាទធ្នង់ រយៈពេល ៧​ខែ មុន​ឃាតកម្ម​បណ្ឌិត កែម ឡី កើត​ឡើង។

ឧបមា​ថា ជនជាប់ចោទ ជួប សម្លាប់ មាន​លុយ​ចំនួន​នោះ​ពិត​មែន តើ​គាត់​អាច​អោយ​លុយ​បណ្ឌិត កែម ឡី ខ្ចី ឬ​ទេ បើ​ទើប​តែ​ជួប​គ្នា​ជា​លើក​ទី​១​នោះ? តើ​សមត្ថភាព​លោក​បណ្ឌិត កែម ឡី ពិត​ជា​ហ៊ាន​ហា​មាត់​ខ្ចី​លុយ ជួប សម្លាប់ ឬ​ទេ បើ​មនុស្ស​មិន​ដែល​ស្គាល់​គ្នា​ពី​មុន​មក​ដូច្នេះ? អ្វី​ដែល​កាន់​តែ​ច្បាស់​នោះ គឺ​ទាំង​ភរិយា​របស់​លោក​បណ្ឌិត កែម ឡី  និង​ភរិយា​របស់ ជួប សម្លាប់ អោយ​ដឹង​ថា គ្រួសារ​ទាំង​ពីរ​មិន​ដែល​ស្គាល់​គ្នា​ទេ។

ជួប សម្លាប់ ជា​ទាហាន និង​ជា​អតីត​ខ្មែរ​ក្រហម

លោក អ៊ំ អឿង ដែល​ជា​មិត្ត​ចាស់​របស់ អឿត អាង ហៅ ជួប សម្លាប់ តាំង​ពី​ដើម​ទសវត្ស​ឆ្នាំ​១៩៨០ នោះ  អះអាង​ថា ក្រោយ​ពី​សឹក​ពី​ព្រះសង្ឃ អឿត អាង បាន​មក​សុំ​ស្នាក់​នៅ​ផ្ទះ​របស់​លោក​នៅ​ភូមិ​នគរភាស ឃុំ​នគរភាស ស្រុក​អង្គរជុំ ខែត្រ​សៀមរាប។  លោក​ថា អំឡុង​ពេល​ស្នាក់​នៅ អឿត អាង ដែល​ជា​អតីត​ខ្មែរ​ក្រហម​ផង​នោះ ក្រីក្រ​ស្ទើរ​រក​បាយ​ទទួលទាន​មិន​បាន​ផង តើ​គាត់​មាន​លុយ​បី​ពាន់​ដុល្លារ​ឯ​ណា​ទៅ​អោយ​លោក កែម ឡី នៅ​ភ្នំពេញ ឯ​ណោះ​ខ្ចី​នោះ?

ចំណុច​សំខាន់​មួយ​ទៀត​ដែល​តុលា​ការ​គួរ​ស៊ើបអង្កេត​ស៊ី​ជម្រៅ​ដើម្បី​រក​ការ​ពិត​ពី​មូលហេតុ​សម្លាប់​បណ្ឌិត កែម ឡី  ប៉ុន្តែ​តុលាការ​មិន​បាន​ធ្វើ​នោះ គឺ​ការ​សង្ស័យ​ថា អឿត អាង ឬ ជួប សម្លាប់ ជាប់​ពាក់ព័ន្ធ​ជាមួយ​អង្គភាព​យោធា។ បើ​តាម​លោក អ៊ំ អឿង មិត្ត​ចាស់​របស់ ជួប សម្លាប់ នៅ​មុន​ពេល​ឃាតកម្ម​លោក កែម ឡី មួយ​សប្ដាហ៍ ជួប សម្លាប់ បាន​បាត់​ពី​ផ្ទះ។ លោក អ៊ំ អឿង ដឹង​ថា មិត្ត​របស់​ខ្លួន​មក​ភ្នំពេញ នៅ​ពេល ជួប សម្លាប់ ទូរស័ព្ទ​ទៅ​ប្រាប់​លោក​ទាំង​អំនួត​ថា ខ្លួន​គេ​បាន​ការងារ​ធ្វើ​ជា​ទាហាន​នៅ​ក្រុង​ភ្នំពេញ បាន​ប្រាក់​ខែ ៣០០​ដុល្លារ។

ជួប សម្លាប់ ជួប​មន្ត្រី​ថ្នាក់​ស្រុក​និង​យោធា​មុន​ទៅ​ភ្នំពេញ

បើ​តាម​ការ​ស្រាវជ្រាវ​របស់​ទូរទស្សន៍​អាល់ហ្សាហ្សេរ៉ា (Al Jazeera) នៅ​ថ្ងៃ អឿត អាង ឬ ជួប សម្លាប់ ចាក​ចេញ​ពី​ភូមិ​មាន​មន្ត្រី​ថ្នាក់​ស្រុក និង​យោធា បាន​ចុះ​ទៅ​ជួប​គាត់។ បន្ទាប់​មក​ក៏​បាន​ឡើង​ជិះ​រថយន្ត​តាក់ស៊ី​ចាក​ចេញ​ពី​ភូមិ។

អ្នក​បើក​រថយន្ត​តាក់ស៊ី​ឈ្មោះ ឌឹក ឌៀន អោយ​ដឹង​ថា គាត់​បាន​ដឹក អឿត អាង ទៅ​ទម្លាក់​នៅ​ស្រុក​ពួក ដែល​នៅ​ទី​នោះ​មាន​រថយន្ត​ឡិចស៊ិស (Lexus) សេរី​ទំនើប​បាន​ដឹក អឿត អាង បន្ត​ទៀត ទាំង​មិន​បាន​បង់​លុយ​ថ្លៃ​ឈ្នួល​ឡាន​គាត់​ទៀត​ផង។

ទោះជា​យ៉ាង​ណា នៅ​ក្នុង​សវនាការ​ជម្រះ​ក្ដី​ជាង ៤​ម៉ោង កាល​ពី​ថ្ងៃ​ទី​១ ខែ​មីនា នោះ ទាំង​ចៅក្រម និង​ព្រះរាជអាជ្ញា មិន​បាន​ជជីក​សួរ​នាំ​ជន​ជាប់​ចោទ​អំពី​អង្គ​ហេតុ​ដែល​បាន​រៀបរាប់​មក​នេះ និង​អង្គហេតុ​គួរ​អោយ​សង្ស័យ​ផ្សេងៗ​ទៀត​ឡើយ។

ឧទាហរណ៍៖ ជនជាប់ចោទ​ប្រាប់​តុលាការ​ថា ខ្លួន​មក​ដល់​សៀមរាប នៅ​ថ្ងៃ​ទី​២៩ ខែ​មិថុនា ឆ្នាំ​២០១៦ ហើយ​ថ្ងៃ​បន្ទាប់​មក ទើប​ដល់​ភ្នំពេញ គឺ​នៅ​ថ្ងៃ​ទី​៣០ ខែ​មិថុនា។ តើ ១០​ថ្ងៃ​នៅ​ភ្នំពេញ ដែល​ជា​អំឡុង​ពេល​មួយ​មុន​ថ្ងៃ​បាញ់​សម្លាប់ បណ្ឌិត កែម ឡី នៅ​ថ្ងៃ​ទី​១០ ខែ​កក្កដា នោះ ជនជាប់ចោទ ជួប សម្លាប់ បាន​ធ្វើ​អ្វី​ខ្លះ ជួប​នរណា​ខ្លះ? ស្នាក់​នៅ​ទី​ណា​ពិត​ប្រាកដ?

ក្នុង​សវនាការ​ដែល​អ្នក​សង្កេតការណ៍​មើល​ឃើញ​ថា មិន​សូវ​មាន​ការ​សួរ​ឈ្លេច​ដេញដោល​ទៅ​លើ​ជនជាប់ចោទ​នោះ គេ​សំគាល់​ឃើញ​ថា ជួប សម្លាប់ ហាក់​ព្យាយាម​មិន​ប្រាប់​ទីកន្លែង​ស្នាក់​នៅ​ពិតប្រាកដ​របស់​ខ្លួន​នៅ​មុន​ពេល​ធ្វើ​ឃាត​ជនរងគ្រោះ។ ជនជាប់ចោទ​បាន​ត្រឹមតែ​ប្រាប់​ថា ដោយសារ​មាន​កាំភ្លើង​ជាប់​ខ្លួន ខ្លាច​គេ​ឃើញ ដូច្នេះ​មិន​ហ៊ាន​រក​កន្លែង​ស្នាក់នៅ​សមរម្យ​ទេ ប៉ុន្តែ​បាន​ទៅ​ស្នាក់នៅ​ការដ្ឋាន​សំណង់​មួយ​នៅ​ជិត​ផ្សា​របឹង​កេងកង ខណៈ​ដើរ​ប្រមាញ់​រក​លោក​បណ្ឌិត កែម ឡី នោះ។ ចំណុច​នេះ​ទាំង​ព្រះរាជអាជ្ញា និង​ចៅក្រម​មិន​បាន​សួរ​នាំ​ដើម្បី​បញ្ជាក់​ថា ជនជាប់ចោទ​និយាយ​ពិត ឬ​មិន​ពិត​នោះ​ទេ។

ចំណុច​រៀបរាប់​របស់ ជួប សម្លាប់ នេះ គឺ​មិន​ស៊ី​ចង្វាក់​គ្នា​ទៅ​នឹង​សម្ដី​របស់​លោក អ៊ំ អឿង ដែល​បាន​អោយ​ដឹង​នៅ​ពេល ជួប សម្លាប់ បាន​ទូរស័ព្ទ​ទៅ​ប្រាប់​លោក​ថា ខ្លួន​បាន​ការងារ​ធ្វើ​ជា​ទាហាន​នៅ​ក្រុង​ភ្នំពេញ បាន​ប្រាក់​ខែ ៣០០​ដុល្លារ​នោះ​ទេ។

អង្គ​ចងចាំ​នៅ​ក្នុង​ស្តារម៉ាត

ចម្លើយ​របស់ ជួប សម្លាប់ ទៅ​កាន់​តុលាការ​មិន​ស៊ី​ចង្វាក់​គ្នា​ទេ។ ម្ដង​គាត់​ថា គាត់​ឃើញ​ឡាន​បណ្ឌិត កែម ឡី ចត​នៅ​ក្រៅ​ហាង​ស្តារម៉ាត ទើប​ដើរ​ចូល ហើយ​ដើរ​បួន​ជុំ​ទើប​បាញ់​បណ្ឌិត កែម ឡី។ ម្ដង​គាត់​ថា គាត់​ចូល​ក្នុង​ស្តារម៉ាត ទៅ​រក​ទិញ​ចំណី​ញ៉ាំ​ស្រាប់​តែ​ឃើញ​ជនរងគ្រោះ​ទើប​បាញ់​តែម្ដង។

​ចៅក្រម​សួរ​ថា ហេតុ​អី​មិន​សួរ​នាំ​រឿង​ជំពាក់​លុយ​សិន? ជួប សម្លាប់ ឆ្លើយ​ទាំង​ពិបាក​ទទួល​ថា ខ្លួន​មាន​កាំភ្លើង ខ្លាច​លោក កែម ឡី ប្ដឹង​ប៉ូលិស។ ចៅក្រម​សួរ​ថា តើ​មាន​គ្នា​ប៉ុន្មាន​នាក់​ពេល​ធ្វើ​សកម្មភាព​នោះ? ជួប សម្លាប់ ថា​ធ្វើ​តែ​ម្នាក់​ឯង​ទេ។

កាមេរ៉ា​សុវត្ថិភាព​ឃើញ​តែ​មួយ​ជ្រុង

នៅ​ពេល​តុលាការ​បញ្ចាំង​កាមេរ៉ា​សុវត្ថិភាព ចៅក្រម​សួរ​ថា នោះ​ជា​រូប​នរណា? ជនជាប់ចោទ​ឆ្លើយ​ថា នោះ​ជា​រូប​ខ្ញុំ។

នៅ​ក្នុង​សវនាការ សាក្សី​ម្នាក់​ដែល​ជា​វិស្វករ​របស់​ហាង​សាំង​កាល់តិច ដែល​បាន​ប្រមូល​អង្គ​ចងចាំ​របស់​កាមេរ៉ា​សុវត្ថិភាព​ពី​ហាង​ស្តារម៉ាត ប្រគល់​ទៅ​អោយ​សមត្ថកិច្ច​នៅ​ក្រោយ​ឃាតកម្ម​នោះ មិន​ត្រូវ​បាន​ចៅក្រម ឬ​ព្រះរាជអាជ្ញា​សួរ​នាំ​អំពី​ថា ហេតុ​អ្វី​បាន​ជា​អង្គ​ចងចាំ​នោះ​ឃើញ​តែ​មួយ​ជ្រុង​ត្រង់​ឃាតក​ដើរ​ចូល តែ​មើល​មិនសូវ​​ច្បាស់ រួច​ដក​កាំភ្លើង​បាញ់ ក៏ប៉ុន្តែ​នៅ​ពេល​នោះ ​មុខ​លោក កែម ឡី  ឃើញ​តែ​បន្តិច ហើយ​ក៏​មិន​ឃើញ​មុំ​ត្រង់​ឃាតក​រត់​ចេញ​ពី​ហាង​ស្តារម៉ាត​ដែរ។

​ទោះ​ជា​បែប​នេះ​ក្តី ទាំង​ចៅក្រម និង​ព្រះរាជអាជ្ញា មិន​បាន​សួរ​រក​ការពិត​ថា ហេតុ​អ្វី​បាន​ជា​កាមេរ៉ា​សុវត្ថិភាព​នោះ​មាន​តែ​អង្គ​ចងចាំ​តែប៉ុណ្ណោះ ពោល​គឺ​មិន​មាន​គ្រប់​ជ្រុង បើ​ទោះ​ជា​នៅ​ក្នុង​ហាង និង​ជុំវិញ​ហាង​មាន​កាមេរ៉ា​សុវត្ថិភាព​គ្រប់​ជ្រុង​ទាំង​អស់​នោះ។

សាក្សី​ជា​ប៉ូលិស និង​សាក្សី​ជា​វេជ្ជបណ្ឌិត

សាក្សី​ជា​ប៉ូលិស ៨​នាក់ និង​គ្រូពេទ្យ​ម្នាក់ បាន​ត្រឹម​បញ្ជាក់​ថា បណ្ឌិត កែម ឡី ត្រូវ​បាន​ធ្វើ​ឃាត​ដោយ​គ្រាប់​កាំភ្លើង។ រី​ឯ​សាក្សី​ពីរ​នាក់​ពី​ហាង​ស្តារម៉ាត កាល់តិច​ម្នាក់​បាន​ត្រឹម​បញ្ជាក់​ថា មិន​បាន​ឃើញ​មុខ​ឃាតក ឃើញ​តែ​ពី​ក្រោយ ហើយ​ម្នាក់​ទៀត​ដែល​ជា​វិស្វករ​នោះ​ប្រាប់​តុលាការ​ថា បាន​ត្រឹម​សហការ​ប្រមូល​អង្គ​ចងចាំ​នៃ​កាមេរ៉ា​សុវត្ថិភាព​ប្រគល់​អោយ​សមត្ថកិច្ច។ ព្រះរាជអាជ្ញា និង​ចៅក្រម​មិន​បាន​សួរ​ទេ​ថា ហេតុ​អ្វី​បាន​ជា​កាមេរ៉ា​សុវត្ថិភាព​ឃើញ​តែ​មួយ​ជ្រុង និង​មិន​ច្បាស់​ទៀត​ដូច្នេះ?

និយាយ​ជា​រួម សវនាការ​ថ្ងៃ​ទី​១ ខែ​មីនា គឺ​ជា​ការ​ប្រឹងប្រែង​ដើម្បី​បញ្ជាក់​ថា ជួប សម្លាប់ ជា​ឃាតក ប៉ុន្តែ​ពុំ​បាន​ព្យាយាម​បញ្ជាក់​ថា ជនជាប់ចោទ​រូប​នេះ គឺ​ជា​អ្នក​ណា​អោយ​ពិត​ប្រាកដ​ធ្វើ​សកម្មភាព​តែ​ម្នាក់​ឯង ឬ​មាន​អ្នក​បញ្ជា​នៅ​ពី​ក្រោយ​ខ្នង ឬ​យ៉ាង​ណា​នោះ​ទេ ​បើ​ទោះ​ជា​មាន​អង្គ​ហេតុ និង​សាក្សី​បញ្ជាក់​ពី​ចំណុច​សង្ស័យ​ក៏ដោយ​ចុះ។

ឧទាហរណ៍៖ បើ​សម្លាប់​មនុស្ស​ម្នាក់​ដោយសារ​តែ​ជំពាក់​លុយ ហេតុ​អ្វី​បាន​ជា​ចាំ​លាក់​ឈ្មោះ​ដើម? តើ​នេះ​ជា​ការ​លាក់បាំង​ដើម្បី​គេច​ចេញ​ពី​ការ​ស្រាវជ្រាវ​ក្នុង​បំណង​ការពារ​អ្នក​ណា​ម្នាក់ ឬ​យ៉ាង​ណា?
ក្នុង​ប្រទេស​ដែល​មាន​ប្រព័ន្ធ​យុត្តិធម៌​ប្រកប​ដោយ​នីតិរដ្ឋ និង​ការ​គោរព​សិទ្ធិមនុស្ស រាល់​អំពើ​ឃាតកម្ម ត្រូវ​តែ​មាន​ការ​ស៊ើប​អង្កេត​ពេញលេញ​ដើម្បី​រក​ការ​ពិត។

ចំពោះ​សំណុំ​រឿង​ឃាតកម្ម​លោក​បណ្ឌិត កែម ឡី ត្រូវ​បាន​អ្នក​សង្កេតការណ៍​គេ​មើល​ឃើញ​ថា ចាប់​តាំង​ពី​ក្នុង​ដំណាក់កាល​ចាប់​ខ្លួន​ជនសង្ស័យ​របស់​នគរបាល រហូត​ដល់​ដំណាក់កាល​ជំនុំជម្រះ គឺ​មាន​ចំណុច​សង្ស័យ​ដែល​គួរ​មាន​ការ​ឆ្លើយ​បំភ្លឺ ពីព្រោះ​សវនាការ​ជម្រះ​ក្ដី​ឃាតកម្ម​បែប​នេះ ចំណាយ​ពេល​ជាង ៤​ម៉ោង​ប្រហែល​ជា​មិន​គ្រប់គ្រាន់​ទេ។

ទោះ​ជា​យ៉ាង​ណា ការ​ប្រកាស​សាលក្រម​លើ​សំណុំ​រឿង​ក្តី​ឃាតកម្ម​បណ្ឌិត កែម ឡី នៅ​ថ្ងៃ​ទី​២៣ ខែ​មីនា ឆ្នាំ​២០១៧ ជន​ជាប់​ចោទ​ទំនង​ជា​ត្រូវ​តុលាការ​រក​ឃើញ​ថា មាន​ទោស ដើម្បី​បិទ​បញ្ចប់​សំណុំ​រឿង​ដ៏​រសើប​មួយ​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
  • បោះពុម្ព
  • ចែករំលែក
  • អ៊ីម៉ែល

The whole world and ICC keep their eyes on dictator Hun Sen

To the world leaders and UN's members... time to remove this horrible man"dictator Hun Sen" out of the planet and show this evil man something to do before its outbreak and cause more human lives and suffers.Time to eliminate this tyrant and make arrest this monster to face a justice at ICC,this criminal world most wanted still run and lead a poor tiniest nation with iron fist..crime after crime and this evil man has ever never tired to kill anybody,arrest or threw them into monkeyhouse without a trial.Most Cambodian people who just survived from killing fields"1975-1979 to present",and now those survived from killing fields would face a 2nd manslaughter who were ex.Pol Pot/n.vietminh/Hun Sen's group butcher killed again and again and these war criminal conspiracy and war crime against humanity were still at large in Hun Sen's puppet govm't.Some just survive from killing fields and now those people still facing dead,arrest or throw into jailhouse.

Mar 25, 2017 12:51 PM

NIK SAIY

ពី Kg CHAM

ឃាតករ​ពិតមិនពិតស្រេចតែវាទៅ​បើវាចង់បានបុណ្យសក្ក័ឲ្យវាជាប់គុកទៅ​អាជាប់គុក​​ អបអរសាទរ​​ មនុស្ស​អវិជ្ជា៕

Mar 24, 2017 02:33 AM

Evil man Hun Sen was a criminal in this case

The smart thing to investigate for this murder crime unsolved mystery,the prosecutor must look all kind of evidences,crime connection,criminal conspiracy,criminal minds,crime activities and all suspicious get involved and the crime scene"look in first story,middle of the story and last ended of the story",and all of u will found out who he/she was.Find out the first story before being murdered,middle murdered of story,and the last ended murdered crime of story" all kind of crimes getting involved.This murder crime is not acted alone,or not a single crime"this is the criminal conspiracy",and who acted behind Mr.Choub Samlab= meet to kill.We all can seen the first time in what the drama of criminal denied of the real fact...there a lot suspicious out there between murder and victim...different crime look,different dress code,different question or answering,different picture,different reported,different action,different crime scene,different judges"criminal conspiracies"and why this crime took so long?,and why they didn't showed the camara's memory card for the first time murdered and a crime scene,?and why???????.Before Kem Ley death...criminal Hun Sen warned to Mr. K.Ley who worked as analysis of khmer society and talked about Hun Sen's family criminal business conspiracy Inc.,and criminal Hun Sen warned to Dr.Kem Ley several times or anonymous called to treat him dead anyway,and warned him to stop talking about his family or u will be face dead treat...and it says no anyone wear iron helmet stronger than bullet gun...just a few days later Dr.Kem Ley had been gun down at the Star Mart's coffee shop...that the last day of poor life Dr.Kem Ley say goodbye to all lovely people and the world .Dr. Kem Ley already knew somebody will take his life at sometime"Hun Sen's criminal conspiracy",with many treated callers at home and somewhere he's going to...but Dr.Kem Ley not backup the story by anonymous calling treat,and he said;if he fear this monster threatening...there next Cambodian young generation didn't know what is going on Khmer society? and they'll live with fear by great creature threaten them forever"HS",and he said...there a lot weird creatures out there...such as sharks,sword fishes,cobras,tigers,lions,monsters and etc.

Mar 23, 2017 01:40 PM

គេហទំព័រ​ទាំងមូល