ពលរដ្ឋជាច្រើនគ្រួសាររស់នៅលើបឹងកក់ប្រឈមមុខនឹងការបណ្ដេញចេញ
ដោយ ហាស់ សាន
2008-08-28
នៅរាជធានីភ្នំពេញវិញ ក្រុមអង្គការការពារសិទ្ធិមនុស្សមួយចំនួន មានក្តីបារម្ភថា ពលរដ្ឋខ្មែររស់នៅតាមមាត់បឹងកក់ ពី៣០០០ ទៅ ៤២០០គ្រួសារ អាចនឹងជួបប្រទះការបណ្តេញឲ្យរុះរើផ្ទះសម្បែងដោយបង្ខំ ដូចពលរដ្ឋរស់នៅសង្កាត់ទន្លេបាសាក់ ដែលត្រូវអាជ្ញាធរបង្ខំឲ្យទៅនៅតំបន់ដីក្រហម ក្នុងស្រុកអង្គស្នួលនោះ។
អង្គការឈ្មោះ Amnesty International និងអង្គការឈ្មោះ Center on Housing Rights and Eviction បានចេញសេចក្តីប្រកាសព័ត៌មានមួយ កាលពីថ្ងៃពុធ ២៧ សីហា ដោយនិយាយថា ការចាក់ដីលុបបឹង ដោយមិនបានជូនដំណឹងក្នុងពេលវេលាសមរម្យមួយដល់ពលរដ្ឋរស់នៅទីនោះ គឺជាការបំពានច្បាប់ខ្មែរផង ច្បាប់អន្តរជាតិផង។
កាលពីឆ្នាំ២០០៧ សាលាក្រុងបានសម្រេចធ្វើសម្បទានដីបឹងកក់សម្រាប់រយៈកាល ៩៩ឆ្នាំ ទៅក្រុមហ៊ុន ស្ហូការគូ (Shukaku Ltd.) ដើម្បីធ្វើការអភិវឌ្ឍលើផ្ទៃដី និងទឹក ១៣៣ហិកតារ។
នាយកគ្រប់គ្រងក្រុម ហ៊ុន ស្ហូកាគូ គឺឧកញ៉ា ឡោ ម៉េងឃិន ស្វាមីអ្នកស្រី ជឹង សុភាព ហៅយាយភូ។ ក្រុមហ៊ុននេះ បានឲ្យគេផ្តើមដឹកដីចាក់លុបបឹងកក់ជាបណ្តើរៗហើយ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
លីកាដូផ្ដល់ជំនួយស្បៀងដល់ជនរងគ្រោះដោយអំពើហិង្សានៅខែត្រកំពត
ពលរដ្ឋជាង៣០០គ្រួសារនៅកំពតព្រួយបារម្ភពីការបាត់បង់ដីធ្លី
ជម្លោះដីធ្លីរវាងអ្នកភូមិនិងអាជ្ញាធរមូលដ្ឋាននៅស្រុកបាធាយខេត្តកំពង់ចាម
តំណាងរាស្រ្តនិងក្រុមសិទ្ធិមនុស្សរិះគន់ការប្រើអំពើហិង្សារបស់យោធាខែត្រកំពត
ក្រុមយោធាបន្តដុតបំផ្លាញផ្ទះអ្នកភូមិក្នុងជម្លោះដីនៅខែត្រកំពត
សិទ្ធិមនុស្សអំពាវនាវសុំឲ្យក្រុមយោធានៅកំពតផ្អាកប្រើអំពើហិង្សា
តុលាការខេត្តក្រចេះកោះហៅពលរដ្ឋ៤នាក់ក្នុងជម្លោះដីធ្លី
អ្នកភូមិ៧នាក់នៅភូមិជ័យសេនា ខេត្តកំពត រងរបួសក្នុងជម្លោះដីធ្លីជាមួយអាជ្ញាធរ
ពលរដ្ឋប្រមាណ២០០គ្រួសារនៅខែត្រកណ្ដាលប្រតិកម្មនឹងមន្ត្រីសូរិយោដី
ក្រុមយោធាផ្អាកសកម្មភាពឈូសឆាយផ្ទះពលរដ្ឋនៅក្រុងព្រះសីហនុ
