អ្នក​បឹង​កក់​ដាក់​លិខិត​សុំ​កិច្ច​អន្តរាគមន៍​ពី​ធនាគារ​ពិភពលោក

ក្រុម​អ្នក​ភូមិ​បឹងកក់ ប្រមាណ ៥០​នាក់ បាន​នាំ​គ្នា​ដាក់​លិខិត​ទៅ​ធនាគារ​ពិភពលោក និង​អាជ្ញាធរ​ជាតិ​ដោះស្រាយ​វិវាទ​ដីធ្លី​នៅ​ថ្ងៃ​ទី​៩ ខែ​មករា ឆ្នាំ​២០១៣ ដើម្បី​សុំ​ឲ្យ​ជួយ​អន្តរាគមន៍​ទៅ​រដ្ឋាភិបាល​ដោះស្រាយ​បញ្ចប់​ជម្លោះ​ដីធ្លី​ដែល​អូស​បន្លាយ​អស់​ជា​ច្រើន​ឆ្នាំ​នោះ។
ដោយ មុំ សុផុន
2013-01-09
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
បឹង​កក់ ៣០៥
ក្រុម​អ្នក​បឹង​កក់ ប្រមូល​ផ្ដុំ​គ្នា​នៅ​មុខ​ធនាគារ​ពិភពលោក នា​រាជធានី​ភ្នំពេញ ដើម្បី​សុំ​កិច្ច​អន្តរាគមន៍​រឿង​ដីធ្លី កាល​ពី​ព្រឹក​ថ្ងៃ​ទី​៩ ខែ​មករា ឆ្នាំ​២០១៣។
RFA/Uon Chhin

នៅ​ក្នុង​លិខិត​របស់​អ្នក​ភូមិ​បឹងកក់ ដាក់​ទៅ​តំណាង​អង្គភាព​ពីរ​ផ្សេង​គ្នា​តែ​មាន​អត្ថន័យ​ដូច​គ្នា​នោះ គឺ​អ្នក​ភូមិ​សុំ​ឲ្យ​អាជ្ញាធរ​ផ្ដល់​ប្លង់​កម្មសិទ្ធិ​ជូន​ប្រជាពលរដ្ឋ​ដែល​នៅ​ក្នុង​ភូមិ​២២ ចំនួន ១៩​គ្រួសារ និង​ភូមិ​២៤ ចំនួន ៧​គ្រួសារ។ បញ្ចូល​ពលរដ្ឋ​ភូមិ​១ ចំនួន ២៩​គ្រួសារ​ទៅ​ក្នុង​ដី​ទំហំ ១២.៤៤​ហិកតារ និង​ផ្ដល់​ប្លង់​កម្មសិទ្ធិ។ បោះ​ព្រំប្រទល់​ដី ១២.៤៤​ហិកតារ និង​ដោះលែង​អ្នកស្រី យ៉ោម បុប្ផា ជា​សកម្មជន​ដីធ្លី​នៅ​តំបន់​បឹងកក់​នោះ​ឲ្យ​មាន​សេរីភាព​វិញ។

អ្នកស្រី ទេព វន្នី តំណាង​អ្នក​ភូមិ​បឹងកក់ បាន​ថ្លែង​ថា ការ​តវ៉ា​របស់​អ្នកភូមិ​គឺ​ធ្វើ​ឲ្យ​ប៉ះពាល់​ទាំង​សេដ្ឋកិច្ច​របស់​គ្រួសារ​គាត់ និង​ប៉ះពាល់​ដល់​កិត្តិយស​ជាតិ​ផង ហើយ​ករណី​នេះ​ហាក់​បង្ហាញ​ថា រដ្ឋាភិបាល​មិន​បាន​យក​ចិត្ត​ទុក​ដាក់​ដល់​ការ​រស់រាន​មាន​ជីវិត​របស់​ពលរដ្ឋ​នោះ។

ក្រៅ​ពី​អ្នក​ភូមិ​បឹងកក់ ទៅ​ដាក់​ញត្តិ​នោះ មាន​អ្នក​ភូមិ​បុរីកីឡា និង​ក្រុម​សហគមន៍​ថ្ម​គោល ក្នុង​ខណ្ឌ​ពោធិ៍សែនជ័យ មក​សួរ​ព័ត៌មាន​នៅ​ទីស្ដីការ​គណៈរដ្ឋមន្ត្រី​ ទាក់​ទង​ការ​ដាក់​ញត្តិ​របស់​ពួក​គាត់​ដើម្បី​សុំ​កិច្ច​អន្តរាគមន៍​ពី​រដ្ឋាភិបាល​នោះ​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (0)
  • បោះពុម្ព
  • ចែករំលែក
  • អ៊ីម៉ែល