និស្សិតប្រមាណ ១៥០នាក់ នាំគ្នាចុះពិនិត្យមើលស្ថានភាពចំណុចដីជម្លោះរវាងកម្ពុជា និងវៀតណាម ក្នុងភូមិជើង ឃុំជាំ ស្រុកមេមត់ ខេត្តត្បូងឃ្មុំ នៅថ្ងៃទី១៧ ខែឧសភា ក្នុងបំណងស្វែងរកការពិត ថាតើប្រជាពលរដ្ឋខ្មែរធ្វើស្រែរំលោភលើដីវៀតណាម មែន ឬជាដីស្រែចម្ការរបស់ពលរដ្ឋខ្មែរ។
ចំណែកអ្នកដឹកនាំនិស្សិតចុះទៅពិនិត្យដីមានបញ្ហានេះ គ្រោងដឹកនាំនិស្សិតធ្វើបាតុកម្មដើម្បីទាមទារឲ្យលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស ធ្វើការកែតម្រូវនិងសុំទោសជាសាធារណៈ ជុំវិញការចេញលិខិតដែលបញ្ជាក់ថា ពលរដ្ឋខ្មែរធ្វើស្រែចម្ការលើដីវៀតណាម កាលពីពេលថ្មីៗនេះ។
សូមស្ដាប់សេចក្ដីរាយការណ៍ផ្ទាល់របស់លោក សូត សុខប្រាថ្នា តាមការសាកសួររបស់អ្នកស្រី ខែ សុណង៖
កាលពីពេលថ្មីៗនេះ ពលរដ្ឋវៀតណាម បានបាញ់ថ្នាំបំផ្លាញផលដំណាំជាង ១០ហិកតាររបស់ប្រជាពលរដ្ឋខ្មែរនៅក្នុងខេត្តត្បូងឃ្មុំ ជាប់ព្រំដែនកម្ពុជា-វៀតណាម។ បញ្ហានេះមន្ត្រីជាន់ខ្ពស់រាជរដ្ឋាភិបាលបានបញ្ជាក់ថា ពលរដ្ឋខ្មែរបានធ្វើស្រែចម្ការលើដីវៀតណាម ក៏ប៉ុន្តែកសិករខ្មែរដែលមានផលដំណាំរងការបំផ្លាញនេះ អះអាងថា ពួកគេបានធ្វើស្រែចម្ការលើដីទាំងនោះតាំងពីដូនតាមកម្ល៉េះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។