កម្ពុជាស្ថិតក្នុងចំណោមប្រទេស២២ ដែលរងការគំរាមដោយវិបត្តិស្បៀងអាហារ
ដោយ សាន សុវិទ្យ
2008-05-29
យោងតាមទីភ្នាក់ងារព័ត៌មានអេ.ភី.របស់អាមេរិក កាលពីថ្ងៃពុធ អង្គការសហប្រជាជាតិបានកត់ឈ្មោះប្រទេសចំនួន២២ ដែលគេជឿថា បានរងការគំរាមកំហែងខ្លាំងជាងគេ ពីវិបត្តិស្បៀងអាហារពិភពលោកក្នុងខណៈនេះ ។
ក្នុងបញ្ជីរបស់អង្គការស្បៀងនិងកសិកម្ម ឬ អង្គការហ្វាវ (FAO) នេះ រួមមានប្រទេសកម្ពុជាផងដែរ ។
នាសន្និសីទកំពូលរយៈពេលបីថ្ងៃនៅក្រុងរ៉ូមប្រទេសអ៊ីតាលី លោក Jacques Diouf អគ្គនាយកអង្គការហ្វាវ បានកត់សម្គាល់អំពីភាពមិនស្ថិតស្ថេរនៃលំនឹងរវាងការផ្គត់ផ្គង់ស្បៀងពិភពលោក និងតម្រូវការរបស់ប្រជាជនលើពិភពលោក ។
លោកថា លោកសង្ឃឹមថា មេដឹកនាំពិភពលោកដែលអញ្ជើញទៅប្រជុំនៅក្រុងរ៉ូម ពីថ្ងៃអង្គារដល់ថ្ងៃព្រហស្បតិ៍នេះ នឹងព្រមព្រៀងគ្នាទទួលយកនូវវិធានការបន្ទាន់ដែលចាំបាច់ ដើម្បីបង្កើនការផលិតកសិផល ខណៈដែលមានការចាត់វិធានការជួយការពារនិងបញ្ចៀសជនក្រីក្រពីបញ្ហាទំនិញ ដែលចេះតែឡើងថ្លៃ នាពេលបច្ចុប្បន្ននេះ ។
លោក Jacques Diouf ក៏មានប្រសាសន៍ផងដែរថា មេដឹកនាំចាំបាច់ត្រូវតែយល់ស្របគ្នាអំពីការជួយសង្គ្រោះជនក្រីក្រ រួមមានការជួយគាំទ្រ កុំឲ្យទំនិញឡើងថ្លៃ និងការផ្តល់លុយកាក់នោះ ជាដើម ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
អតិផរណាកើនដល់២៥%ក្នុងឆមាសទី១ ឆ្នាំ២០០៨
ពលរដ្ឋនៅកំពង់ចាម សុំឲ្យគណបក្សឈ្នះឆ្នោតជួយធ្វើឲ្យទំនិញចុះថ្លៃ
កសិករនៅតាកែវនិងកំពង់ស្ពឺរអ៊ូពីបញ្ហាជីគីមីឡើងថ្លៃ
ពលរដ្ឋនៅខេត្តក្រចេះត្អូញត្អែរអំពីបញ្ហាតម្លៃទំនិញឡើងខ្ពស់
ពលរដ្ឋត្អូញត្អែរអំពីបញ្ហាទំនិញឡើងថ្លៃនៅក្រោយការបោះឆ្នោត
នាយករដ្ឋមន្ត្រីនិយាយពីបញ្ហាទំនិញឡើងថ្លៃ, មន្ត្រីបក្សប្រឆាំងថា រដ្ឋាភិបាលត្រូវតែដោះស្រាយ
ឆ្នាំ២០០៨ រដ្ឋាភិបាលនឹងចំណាយប្រាក់ ៣០០លានដុល្លារដើម្បីទប់ថ្លៃប្រេង
