បុគ្គលិកក្រុមហ៊ុនកាំមីនតែលធ្វើកូដកម្ម
2012.04.06
ចំណុចទាំង ៣នោះ រួមមាន៖ ទី១ ស្នើលុបចោលកាតព្វកិច្ចធ្វើការបន្ថែម ២ថ្ងៃក្នុង ១ខែ ទី២ កាត់បន្ថយម៉ោងការងារក្នុង ១សប្តាហ៍មកត្រឹម ៤០ម៉ោង និងទី៣ ទាមទារដំឡើងប្រាក់ថែមម៉ោង និងប្រាក់ធ្វើការថ្ងៃបុណ្យ។
ក្រុមអ្នកតវ៉ាអោយដឹងប្រហាក់ប្រហែលគ្នាថា អ្នកគ្រប់គ្រងក្រុមហ៊ុនដែលជាជនជាតិកូរ៉េ បានរំលោភបំពានលើសិទ្ធិការងាររបស់បុគ្គលិកគ្រប់ផ្នែកដោយមិនបានយកច្បាប់ការងាររបស់កម្ពុជា ជាគោលក្នុងការបង្កើតគោលការណ៍នានា ក្នុងក្រុមហ៊ុននេះឡើយ។
ក៏ប៉ុន្តែមកដល់រសៀលថ្ងៃដដែលក្រុមអ្នកតវ៉ាបានសម្រេចចូលធ្វើការវិញ បន្ទាប់ពីនាយកគ្រប់គ្រងក្រុមហ៊ុនកាំមីនតែល លោក ជ័រ ដឹងម៉ាន់ (Choi Deung Man) បានយល់ព្រមដោះស្រាយការទាមទារចំនួន ២ចំណុចធំៗ គឺលុបចោលកាតព្វកិច្ចធ្វើការបន្ថែម ២ថ្ងៃក្នុង ១ខែ និងផ្ដល់ប្រាក់ចំនួន ១០ដុល្លារក្នុងមួយថ្ងៃសម្រាប់ការងារថែមម៉ោងថ្ងៃសៅរ៍ និងថ្ងៃអាទិត្យ។ ចំណែកចំណុចទាមទារដែលនៅសេសសល់ ក្រុមហ៊ុនសន្យាថា នឹងបន្តចរចាដោះស្រាយបណ្ដើរៗ។
ក្រុមហ៊ុនទូរស័ព្ទកាំមីនតែល ដំបូងឡើយជាក្រុមហ៊ុនពាក់កណ្ដាលរដ្ឋ និងឯកជន។ កាលពីឆ្នាំ២០១០ រដ្ឋបានលក់ផ្ដាច់មុខទៅឱ្យក្រុមហ៊ុនឯកជនរបស់កូរ៉េ៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។