ក្រុមហ៊ុនអាមេរិក-វៀតណាមសាងសង់រោងចក្រស៊ីម៉ងត៍នៅស្ទឹងត្រែង

ដោយ កេសរណ្ណីយ្យា

2009-06-09

ក្រុមហ៊ុន Paul Cham Co. LTD និងក្រុមហ៊ុន PHI Group ដែលមានមូលដ្ឋាននៅក្នុងសហរដ្ឋអាមេរិកនឹងដាក់ទុនរួមគ្នាក្នុងទឹកប្រាក់ចំនួន ៥១លានដុល្លារអាមេរិកដើម្បីសង់រោងចក្រផលិតស៊ីម៉ងត៍មួយកន្លែងនៅក្នុងស្រុកថាឡាបរិវ៉ាត់ ខេត្តស្ទឹងត្រែង នៃប្រទេសកម្ពុជា។

ប្រភពព័ត៌មាន Asia In Focus នៅថ្ងៃអង្គារនេះ បានរាយការណ៍ថា ក្រុមហ៊ុន Paul Cham ប្រចាំនៅក្រុងភ្នំពេញ មានភាគហ៊ុន ៥១ភាគរយ ជារបស់ក្រុមហ៊ុន T&T ដែលមានទីស្នាក់ការនៅប្រទេសវៀតណាម។

នាយកក្រុមហ៊ុន Paul Cham លោកស្រី Nguyen Thi Cham បានបញ្ជាក់ថា ការសិក្សាគម្រោងកម្មវិធីបានបញ្ចប់រួចរាល់អស់ហើយ រីឯដំណាក់កាលនៃការសាងសង់រោងចក្រនឹងចាប់ផ្តើមនៅក្នុងខែកក្កដាខាងមុខ ហើយក្រុមហ៊ុននឹងបញ្ចេញផលិតផលស៊ីម៉ងត៍ដំបូងនៅដើមឆ្នាំក្រោយនេះ៕

បោះពុម្ព អ៊ីម៉េល

មតិ

អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។