ក្រុមគ្រូបង្រៀននៅស្រុកបារាយណ៍ ប្រាប់កាសែតថា គម្រោងស្ថាបនាសាលារៀននៅទីនោះ ត្រូវគេបោះបង់ចោល ហើយដាក់ដេញថ្លៃលក់ចេញទៀត បន្ទាប់ពីបក្សប្រជាជនចាញ់ឆ្នោតនៅក្នុងស្រុកនោះ ប្រមាណ ៤០០សន្លឹក ក្រោមគណបក្សសមរង្ស៊ី។
តំណាងគ្រូបង្រៀនម្នាក់ អធិប្បាយថា លោករដ្ឋមន្រ្តីក្រសួងទេសចរណ៍ ថោង ខុន ក៏គាំទ្រផែនការនោះដែរ បន្ទាប់ពីលោកនាយករដ្ឋមន្រ្តី សន្យានៅពេលសម្ពោធវត្តទេពនិម្មិត កាលពីខែមីនា ថានឹងសង់សាលាថ្មីមួយ មាន ១២បន្ទប់ និងសាលសម្រាប់ទទួលភ្ញៀវ៕