ជនដាណាម៉ាកម្នាក់រងការចោទថាចាប់បង្ខំរួមភេទជាមួយកុមារីខ្មែរ

ដោយ ម៉ៅ សុធានី

2009-11-03

លោក សូវ៉ាត ព្រះរាជអាជ្ញានៃតុលាការខេត្តបន្ទាយមានជ័យ បានប្រាប់ទីភ្នាក់ងារព័ត៌មាន អាអេហ្វប៉េ (AFP) កាលពីថ្ងៃច័ន្ទ ថា តុលាការខេត្តកាលពីថ្ងៃអាទិត្យបានចោទប្រកាន់បុរសជនជាតិដាណាម៉ាកម្នាក់ អាយុ៦១ឆ្នាំ ឈ្មោះ ខេណេត ហេនសិន យ៉កហ្កេន (Kenneth Hansen-Jorgen) ពីបទធ្វើបាបចាប់បង្ខំរួមភេទជាមួយកុមារី៣នាក់ អាយុក្រោម១៥ឆ្នាំ នៅផ្ទះសំណាក់មួយក្នុងទីក្រុងប៉ោយប៉ែត ជិតព្រំដែនខ្មែរថៃ។

លោកព្រះរាជអាជ្ញាអមតុលាការ សូវ៉ាត បានមានប្រសាសន៍បន្តថា ប្រសិនបើរកឃើញកំហុសពិតប្រាកដ បុរសជនជាតិដាណាម៉ាកនោះនឹងត្រូវកាត់ទោសឲ្យជាប់ពន្ធនាគារយ៉ាងហោចណាស់ក៏ចំនួន១០ឆ្នាំដែរ ហើយម្តាយរបស់កុមារីម្នាក់ក៏នឹងត្រូវតុលាការធ្វើការចោទប្រកាន់ដែរពីបទលក់កូនស្រីទៅឲ្យជនជាប់សង្ស័យនោះ។

ប្រភពដដែលបន្តថា ខេណេត បានសារភាពតាមរយៈអ្នកបកប្រែថា ពិតជាបានរួមភេទជាមួយក្មេងស្រីទាំងបីនោះមែន ក្រោយដែលបានឆ្លងព្រំដែនពីប្រទេសថៃចូលមកកម្ពុជា ហើយជនរងគ្រោះទាំងបីនាក់នោះក៏បានសារភាពប្រាប់ប៉ូលិសថា ខ្លួនត្រូវបានបុរសជនជាតិដាណាម៉ាកនោះចាប់បង្ខំឲ្យរួមភេទជាមួយ៕

បោះពុម្ព អ៊ីម៉េល

មតិ

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។