សមត្ថកិច្ច​ចុះ​បង្ក្រាប​មុខ​សញ្ញា​ជួញដូរ​គ្រឿង​ញៀន​នៅ​សង្កាត់​ភ្នំពេញ​ថ្មី

កម្លាំង​នគរបាល​របស់​មន្ទីរ​ប្រឆាំង​គ្រឿង​ញៀន​នៃ​ក្រសួង​មហាផ្ទៃ ដឹកនាំ​ដោយ​ព្រះរាជអាជ្ញា​រង​សាលា​ដំបូង​រាជធានី​ភ្នំពេញ សហការ​ជាមួយ​កម្លាំង​នគរបាល​ខណ្ឌ​សែនសុខ ចុះ​បង្ក្រាប​មុខ​សញ្ញា​ជួញដូរ​គ្រឿង​ញៀន​មួយ​កន្លែង ស្ថិត​នៅ​តាម​បណ្ដោយ​ផ្លូវ​ហាណូយ ក្នុង​សង្កាត់​ភ្នំពេញថ្មី នៅ​រសៀល​ថ្ងៃ​ទី​២៧ ខែ​វិច្ឆិកា ឆ្នាំ​២០១២។
2012-11-27
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល

លោក ខៀវ សាម៉ន ប្រធាន​មន្ទីរ​ប្រឆាំង​គ្រឿង​ញៀន​នៃ​ក្រសួង​មហាផ្ទៃ ឲ្យ​ដឹង​ថា ក្នុង​ប្រតិបត្តិការ​ចុះ​បង្ក្រាប​បទល្មើស​គ្រឿង​ញៀន កម្លាំង​ជំនាញ​បាន​រឹប​អូស​គ្រឿង​ញៀន​មួយ​ចំនួន និង​ឃាត់​ខ្លួន​ជន​សង្ស័យ​បាន​ប្រមាណ ១០​នាក់ ក្នុង​នោះ​មាន​ជនជាតិ​ចិន​ចំនួន ៣​នាក់ និង​មាន​ឧកញ៉ា​ម្នាក់​ផង។

ប៉ុន្តែ​លោក ខៀវ សាម៉ន មិន​បាន​បញ្ជាក់​ពី​អត្តសញ្ញាណ​ជនសង្ស័យ និង​វត្ថុ​តាង​ជា​ថ្នាំ​ញៀន​មាន​ប្រភេទ​អ្វី​ខ្លះ​នោះ​ទេ ដោយ​បញ្ជាក់​ថា មន្ត្រី​ជំនាញ​កំពុង​ធ្វើ​កិច្ចការ​នេះ៖ «ខ្ញុំ​ក៏​មិន​ទាន់​ដឹង​ចំនួន​ប៉ុន្មាន​ដែរ កូន​ចៅ​ខ្ញុំ​គ្រាន់​តែ​ប្រាប់​ថា មួយ​ចំនួន​ក្នុង​រង្វង់ ១០​នាក់ អ៊ីចឹង​ឲ្យ​ខ្ញុំ​ថា ប៉ុន្មាន​ក៏​មិន​អាច​ថា​បាន​ដែរ ព្រោះ​ឥឡូវ​វា​មិន​ទាន់​បាន​ធ្វើ​តេស មិន​ទាន់​ដឹង​ថ្លឹង​ម៉េច​ផង​ហ្នឹង។ កូន​ចៅ​ខ្ញុំ​មិន​ទាន់​ថ្លឹង គ្រាន់​តែ​បាន​របស់​មក​ខ្ចប់ៗ យក​មក​ដល់​កន្លែង​បាន​គេ​វេច​ខ្ចប់​ហើយ​បាន​គេ​ធ្វើ​តេស​ធ្វើ​អី»

តាម​សារព័ត៌មាន​ក្នុង​ស្រុក​ខ្លះ​ផ្សាយ​ថា ប្រតិបត្តិការ​ចុះ​បង្ក្រាប​គ្រឿង​ញៀន​នេះ មាន​ការ​ផ្ទុះ​អាវុធ​ជា​ច្រើន​គ្រាប់ ប៉ុន្តែ​មិន​មាន​សេចក្ដី​រាយការណ៍​ណា​មួយ​ថា មាន​មនុស្ស​រង​របួស ឬ​ស្លាប់​នោះ​ទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (0)
  • បោះពុម្ព
  • ចែករំលែក
  • អ៊ីម៉ែល