មេឃុំបឹងប្រាំ លោក ឈា នី ថ្លែងថា ក្រុមអាជ្ញាធរមូលដ្ឋានកំពុងចុះទៅពិនិត្យដល់កន្លែងកើតហេតុដើម្បីជួយជនរងគ្រោះបញ្ជូនទៅសង្គ្រោះនៅមន្ទីរពេទ្យ។
លោកបន្តថា រហូតវេលាម៉ោងជាង ៦ល្ងាច នៅថ្ងៃទី៧ នេះ មេឃនៅតែមានភ្លៀងខ្យល់បក់បោកខ្លាំងដដែល៖ «មិនទាន់ដឹងលម្អិតទេ គ្រាន់តែដឹងថារលំផ្ទះ ៤ខ្នង...។ ខ្ញុំកំពុងឲ្យមន្ត្រីនគរបាល និងជំទប់ទី១ ទី២ហ្នឹង ចុះទៅធ្វើកំណត់ហេតុ។ … ស្លាប់ពីរនាក់ហ្នឹងស្រីទាំង២ របួស ៩នាក់»។
លោក ជា ឈា នី បន្តថា ចំនួនអ្នករងរបួសនិងលំនៅឋានដែលដួលរលំដោយសារខ្យល់ព្យុះនេះអាចមានចំនួនច្រើនជាងនេះ ហើយអាជ្ញាធរមូលដ្ឋានកំពុងចាត់វិធានការចុះជួយសង្គ្រោះអ្នកភូមិទាំងនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។