កម្ដៅបរិយាកាសនៅក្នុងប្រទេសកម្ពុជា អាចឡើងដល់៤០អង្សាសេក្នុងអំឡុងពេលចូលឆ្នាំ។
សេចក្ដីប្រកាសព័ត៌មានស្ដីពីការព្យាករណ៍អាកាសធាតុប្រចាំសប្ដាហ៍ របស់ក្រសួងធនធានទឹកនិងឧតុនិយម ចុះថ្ងៃទី១១ មេសា ឲ្យដឹងថាចាប់ពីថ្ងៃទី១១ ដល់១៧ខែមេសាសីតុណ្ហភាពនៅតំបន់វាលទំនាបតំបន់មាត់សមុទ្រនិងតំបន់ខ្ពង់រាបអាចមានចន្លោះពី៣៤ ដល់៤០អង្សាសេ។
ក្រសួងធនធានទឹកឲ្យដឹងដែរថាក្នុងចន្លោះពេលនេះអាចមានភ្លៀងកក់ខែនៅខេត្តមណ្ឌលគិរី និងខេត្តកោះកុងព្រមទាំងអាចមានភ្លៀងកក់ខែលាយឡំ ផ្គរ រន្ទះ និងខ្យល់កន្ត្រាក់នៅខេត្តបាត់ដំបង ប៉ៃលិន បន្ទាយមានជ័យ និងឧត្តរមានជ័យ។
ក្រសួងធនធានទឹកនិងឧតុនិយមអំពាវនាវឲ្យពលរដ្ឋមានការប្រុងប្រយ័ត្នចំពោះបាតុភូតផ្គររន្ទះនិងខ្យល់កន្ត្រាក់នៅពេលមេឃរកកលភ្លៀងម្ដងៗ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។