មន្ត្រីសាលារាជធានីភ្នំពេញ បានអះអាងថា ផ្លូវក្រោមដីចំណុចស្ដុបតិចណូ នឹងត្រូវបិទចរាចរណ៍មួយរយៈសិន ស្របពេលដែលភ្លៀងកំពុងបង្អុរខ្លាំង និងបានជន់លិចផ្លូវក្រោមដីនោះ។
អ្នកនាំពាក្យសាលារាជធានីភ្នំពេញ លោក ឡុង ឌីម៉ុង មានប្រសាសន៍នៅល្ងាចថ្ងៃទី១ ខែសីហា ថា សាលារាជធានីភ្នំពេញ និងមន្ទីរសាធារណការ និងដឹកជញ្ជូនរាជធានីភ្នំពេញ បានសម្រេចបិទផ្លូវក្រោមដីនោះមិនឲ្យចរាចរណ៍មួយរយៈសិន ដើម្បីបញ្ចៀសការលិចលង់។
លោកបញ្ជាក់ថា ការដ្ឋានសង់ស្ពានអាកាស និងផ្លូវក្រោមដីនេះ ទើបសង់បាន ៦០% តែប៉ុណ្ណោះ ប៉ុន្តែអភិបាលសាលារាជធានីសម្រេចអនុញ្ញាតឲ្យពលរដ្ឋធ្វើដំណើរឆ្លងកាត់ផ្លូវក្រោមដីនេះ ដើម្បីបញ្ចៀសការកកស្ទះចរាចរណ៍។ លោកពន្យល់ថា អាងស្តុកទឹកដើម្បីរំដោះទឹកចេញមិនទាន់ធ្វើរួចរាល់នៅឡើយ ទើបបណ្ដាលឲ្យមានទឹកជន់លិច។
សូមស្ដាប់បទសម្ភាសន៍រវាង អ្នកស្រី ខែ សុណង និងលោក ឡុង ឌីម៉ង់ អ្នកនាំពាក្យសាលារាជធានីភ្នំពេញ ស្ដីពីមធ្យោបាយរបស់សាលារាជធានីក្នុងការរំដោះទឹកជន់លិចក្រុងភ្នំពេញ ក្នុងរដូវវស្សា៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។