ក្រសួងធនធានទឹក និងឧតុនិយម ប្រកាសឲ្យពលរដ្ឋមានការប្រុងប្រយ័ត្នចំពោះជំនន់ទឹកភ្លៀង ដែលអាចបង្កមកពីភ្លៀងដែលអាចនឹងធ្លាក់ជាប់ៗគ្នាចាប់ពីថ្ងៃទី៩ តុលា ដល់ថ្ងៃទី១៣ តុលា។
យោងតាមការជូនដំណឹងរបស់ក្រសួងធនធានទឹក និងឧតុនិយម ដែលចេញផ្សាយនៅរសៀលថ្ងៃទី៥ តុលា បញ្ជាក់ថា បណ្ដាខេត្តដែលទទួលរងឥទ្ធិពលមានដូចជា ខេត្តរតនគិរី មណ្ឌលគិរី ស្ទឹងត្រែង ព្រះវិហារ ឧត្តរមានជ័យ កំពង់ធំ កំពង់ស្ពឺ ចំណែកខេត្តបន្ទាយមានជ័យ សៀមរាប និងខេត្តបាត់ដំបង គឺប៉ះពាល់មួយផ្នែកប៉ុណ្ណោះ។
ការជូនដំណឹងដដែលបញ្ជាក់ថា មូលហេតុដែលអាចបង្កឲ្យមានភ្លៀងធ្លាក់ជោគជាំនេះ បណ្ដាលមកពីកម្ពុជា នៅទទួលរងឥទ្ធិពលពីខ្យល់មូសុងនិរតី និងប្រព័ន្ធសម្ពាធទាបបន្តអូសកាត់ភាគខាងជើងនៃប្រទេសកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។