អតីតចាងហ្វាងកាសែត«ស្រឡាញ់ខ្មែរ»រងគ្រោះថ្នាក់ធ្ងន់ដោយសារដួលកង់

អតីតចាងហ្វាងកាសែតស្រឡាញ់ខ្មែរ ដែលបានភៀសខ្លួននយោបាយពីកម្ពុជាមកស្នាក់នៅក្នុងប្រទេសន័រវ៉េ បានរងគ្រោះបាត់បង់ស្មារតី ដែលក្រុមគ្រួសារសាច់ញាតិបារម្ភថា នឹងអាចរងគ្រោះដល់ជីវិតថែមទៀត។

ដោយ សារី រ័ត្ន

2008.10.03

អតីតចាងហ្វាងកាសែតស្រឡាញ់ខ្មែរ លោក យូ តារាវុធ ត្រូវគ្រូពេទ្យន័រវ៉េ ឲ្យដឹងថា លោកមានឈាមកកនៅនឹងខួរក្បាល នៅពេលបានជិះកង់ដួលកាលពីថ្ងៃព្រហស្បតិ៍កន្លងមកនេះ។

គេបានបញ្ជូនលោកតាមយន្តហោះ ពីក្រុង Christian Sand ដែលលោកបានដួលរងគ្រោះទៅកាន់ក្រុងអូស្លូ ប្រទេសន័រវ៉េ ដើម្បីជួយសង្គ្រោះ។

លោក យូ តារាវុធ និងគ្រួសារ ទើបនឹងបានទទួលសិទ្ធិជ្រកកោននយោបាយនៅប្រទេសន័រវ៉េ កាលពីឆ្នាំ២០០៧ កន្លងមកនេះ៕