លោក ស៊ុត ឌីណា អ្នកនាំពាក្យគណបក្ស នរោត្តម រណឫទ្ធិ ប្រាប់កាសែតថា មន្រ្តីប្រមាណពី ៥០ ទៅ ៦០នាក់ បានទៅទូលស្នើព្រះអង្គម្ចាស់ នរោត្តម រណឫទ្ធិ ឲ្យយាងទៅដឹកនាំគណបក្សហ៊្វុនស៊ិនប៉ិច វិញ ឬក៏មិនដូច្នោះទេ ចូលរួមនឹងគណបក្សរបស់ព្រះអង្គតែម្តង។
លោក ស៊ុត ឌីណា បន្តថា ព្រះអង្គម្ចាស់ នរោត្តម រណឫទ្ធិ នឹងមិនយាងទៅដឹកនាំគណបក្សហ៊្វុនស៊ិនប៉ិច វិញទេ។ រីឯលោក ញ៉ឹក ប៊ុនឆៃ អគ្គលេខាធិការគណបក្សហ៊្វុនស៊ិនប៉ិច ប្រាប់កាសែតថា លោកមិនបានជ្រាបអំពីរឿងចុះចូលអ្វីនោះទេ ប៉ុន្តែឲ្យធ្វើដូចម្តេច បើលទ្ធផលការបោះឆ្នោតឲ្យគណបក្សលោកបានចំនួនប៉ុណ្ណឹងនោះ៕