គ្រូពេទ្យឯកទេសផ្នែកជំងឺភ្នែកនៃមន្ទីរពេទ្យខេត្តកំពង់ធំ វេជ្ជបណ្ឌិត កាក់ កក្កដា ជូនដំណឹងថា ក្រុមគ្រូពេទ្យនេះ នឹងផ្ដល់ការពិនិត្យ ព្យាបាល និងវះកាត់ជំងឺភ្នែកដោយឥតបង់ប្រាក់រយៈពេល ៥ថ្ងៃ នៅខេត្តប៉ៃលិន។
វេជ្ជបណ្ឌិត កាក់ កក្កដា មានប្រសាសន៍ថា « នៅមន្ទីរពេទ្យខេត្តប៉ៃលិន ក្រុមគ្រូពេទ្យខេត្តកំពង់ធំ សហការជាមួយក្រុមគ្រូពេទ្យភ្នែកខេត្តប៉ៃលិន នឹងពិនិត្យ ព្យាបាលជំងឺភ្នែក និង វះកាត់ ភ្នែក ឡើងបាយ បកកន្ទុយថ្លែន នៅមន្ទីរពេទ្យបង្អែកខេត្តប៉ៃលិន ហ្នឹង ពីថ្ងៃទី១២ ដល់ថ្ងៃទី១៦ ខែ១២ ឆ្នាំ២០១៦ ហ្នឹង ដោយឥតបង់ប្រាក់ទេ ក្រោមការឧបត្ថម្ភដោយមូលនិធិ ហ្វ្រេដ ហូឡូ (Fred Hollows Foundation) អូស្ត្រាលី » ។
វេជ្ជបណ្ឌិត កាក់ កក្កដា ឲ្យដឹងទៀតថា សេវាមិនបង់ប្រាក់ពីថ្ងៃច័ន្ទ ទី១២ ដល់ថ្ងៃសុក្រ ទី១៦ ខែធ្នូ នេះ គ្រូពេទ្យនឹងពិនិត្យព្យាបាលជំងឺភ្នែកគ្រប់ប្រភេទ ហើយការវះកាត់ គឺផ្ដោតលើប្រភេទជំងឺភ្នែកឡើងបាយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។