សមត្ថកិច្ចខែត្រស្ទឹងត្រែងរារាំងមន្ត្រីអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជាពីររូបនៅព្រឹកថ្ងៃទី២៥ កក្កដា មិនឲ្យទៅតំបន់រងផលប៉ះពាល់ដោយសារទំនប់វារីអគ្គិសនីសេសានក្រោមពីរនៅឃុំស្រែគរនិងឃុំក្បាលរមាស ស្រុកសេសាន ដោយលើកហេតុផលថាដើម្បីការពារសុវត្ថិភាពនៅគ្រាដែលក្រុមហ៊ុនកំពុងប្រតិបត្តិការបិទទ្វារទឹកសាកល្បងចំនួន ១១ ថ្ងៃហើយ។
មន្ត្រីអង្គការសហប្រជាជាតិ លោក គឹម សម្បត្តិ សម្ដែងការសោកស្ដាយចំពោះការរារាំងមិនឲ្យចុះទៅពិនិត្យមើលពីស្ថានភាពពលរដ្ឋដែលបដិសេធមិនទទួលសំណងរបស់ក្រុមហ៊ុន។កម្លាំងប្រដាប់អាវុធចម្រុះឈរជើងនៅផ្លូវលេខ ៧៨ និងនៅច្រកចូលផ្លូវទៅឃុំក្បាលរមាសនិងឃុំស្រែគរក្រោមហេតុផលការពារសុវត្ថិភាពខណៈទឹកទន្លេកំពុងកើនឡើងខ្លាំង។
ការសម្ដែងក្ដីបារម្ភពីស្ថានភាពពលរដ្ឋដែលបដិសេធមិនទទួលសំណងស្របពេលដែលក្រុមហ៊ុនកំពុងដំណើរការបិទទ្វារទឹកសាកល្បង។ លោក គឹម សម្បត្តិ បន្ថែមថាក្រុមការងារលោកនឹងរង់ចាំទទួលព័ត៌មានពីបាតុភាពនានានៅតំបន់នោះនៅខាងក្រៅ។
សូមស្ដាប់ព័ត៌មានពិស្ដារ៖
សូមទស្សនាវីដេអូបន្ថែមទៀត
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។