អង្គការ​សមាជិក​សភា​អាស៊ាន​នឹង​ធ្វើ​សន្និសីទ​កាសែត​ពី​ស្ថានភាព​សិទ្ធិ​មនុស្ស​នៅ​កម្ពុជា

ដោយ យាង សុជាមេត្តា
2017-03-19
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
អង្គការ​សមាជិក​សភា​អាស៊ាន​ដើម្បី​សិទ្ធិ​មនុស្ស។
អង្គការ​សមាជិក​សភា​អាស៊ាន​ដើម្បី​សិទ្ធិ​មនុស្ស។
screenshot

អង្គការ​សមាជិក​សភា​អាស៊ាន​ដើម្បី​សិទ្ធិ​មនុស្ស នឹង​ធ្វើ​សន្និសីទ​កាសែត​ផ្សព្វផ្សាយ​របាយការណ៍​អំពី​ស្ថានភាព​សិទ្ធិ​មនុស្ស​នៅ​កម្ពុជា នៅ​ថ្ងៃ​ទី​២០ មីនា នា​ទីក្រុង​បាងកក ប្រទេស​ថៃ។

សេចក្តី​ប្រកាស​ព័ត៌មាន​របស់​អង្គការ​សមាជិក​សភា​អាស៊ាន​ដើម្បី​សិទ្ធិ​មនុស្ស ឲ្យ​ដឹង​ថា នៅ​ក្នុង​សន្និសីទ​កាសែត​នោះ សមាជិក​នៃ​អង្គការ​សមាជិក​សភា​អាស៊ាន​ដើម្បី​សិទ្ធិ​មនុស្ស ដែល​រួម​មាន​សមាជិក​សភា​មក​ប្រទេស​ម៉ាឡេស៊ី និង​ហ្វីលីពីន ដែល​ទើប​បាន​បញ្ចប់​បេសកកម្ម​ស្វែងរក​ការពិត​នៅ​កម្ពុជា នឹង​ធ្វើ​បទ​បង្ហាញ​នូវ​របាយការណ៍​ចុងក្រោយ​របស់​ខ្លួន​មាន​ចំណង​ជើង​ថា «ការ​ស្លាប់​ប្រជាធិបតេយ្យ៖ ការ​វាយ​ប្រហារ​លើ​តំណាងរាស្ត្រ និង​ការ​គំរាម​កំហែង​ចំពោះ​ស្ថាប័ន​កម្ពុជា»

អង្គការ​សមាជិក​សភា​អាស៊ាន​ដើម្បី​សិទ្ធិ​មនុស្ស បញ្ជាក់​ថា របាយការណ៍​នេះ​ផ្តល់​នូវ​ការ​វិភាគ​ទៅ​លើ​រលក​នៃ​ការ​ប្រើ​ហិង្សា​លើ​តំណាងរាស្ត្រ​កម្ពុជា ក្នុង​នោះ​រួម​មាន​ការ​កាត់​ទោស​នៅ​តុលាការ និង​ការ​រំលោភ​បំពាន​អភ័យ​ឯកសិទ្ធិ​សភា​អ្នក​តំណាងរាស្ត្រ ជាដើម។

សមាជិក​នៃ​អង្គការ​សមាជិក​សភា​អាស៊ាន​ដើម្បី​សិទ្ធិ​មនុស្ស ក៏​នឹង​ចែក​រំលែក​ការ​អង្កេត​របស់​ខ្លួន​ដែល​បាន​ធ្វើ​ឡើង​ក្នុង​បេសកកម្ម​ស្វែងរក​ការពិត​នៅ​កម្ពុជា។ នាយក​រង​ប្រចាំ​តំបន់​អាស៊ី​នៃ​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ហ្វីល រ៉ូប៊ឺតសុន (Phil Robertson) ក៏​នឹង​ចូលរួម​ផ្តល់​យោបល់​លើ​របាយការណ៍ ព្រម​ទាំង​បង្ហាញ​ទស្សនៈ​របស់​លោក​ចំពោះ​ស្ថានភាព​ប្រទេស​កម្ពុជា ក្នុង​ពេល​បច្ចុប្បន្ន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
  • បោះពុម្ព
  • ចែករំលែក
  • អ៊ីម៉ែល

Yoeurt Yoeurn

ពី បាត់ដំបង

ជាការពិតណាស់ ខ្ញុំជាប្រជាជនមួយរូប នៅពេលដែលឃើញការវាយធ្វើបាបតំណាងរាស្ត្រដោយចំពោះមុខបែបនេះ វាបានឆ្លុះបញ្ចាំងថាប្រជាធិបតេយ្យមានតែឈ្មោះ ហើយនិងត្រូវបានបំផ្លាញ យើងអាចនិយាយថាប្រជាជនដែលបានបោះឆ្នោតជ្រើសរើសតំណាងរាស្ត្រនោះគ្មានសិទ្ធិគ្មានសម្លេង អាចនិយាយទៀតថាការបោះឆ្នោតជ្រើរើសតំណាងរាស្ត្រគ្រាន់តែបង្គ្រប់កិច្ច។ ហើយខ្ញុំខ្លួនឯងផ្ទាល់បានយល់ថាហាក់ដូចជាសត្វធាតុ គេចង់សម្លាប់ស្មើណាក៏បាន ពីព្រោះសូម្បីតែតំណាងរាស្ត្រគេវាយបានយ៉ាងងាយបំផុត។ បើនិយាយពីសិទ្ធិរបស់ប្រជាជនមានដូចជា សិទ្ធិបញ្ចេញមតិ សិទ្ធិប្រមូលផ្តុំក្នុងការតស៊ួមតិ សិទ្ធិធ្វើបាតុកម្ម ទៅកាន់ថ្នាក់ដឹកនាំប៉ុន្តែ មិនមាន មិនទទួលបាន ទទួលបានតែការចាប់ដាក់គុកនិងការប្រមាន រឺរារាំងតែប៉ុណ្ណោះពីអ្នកដឹកនាំទៅវិញ។ ខ្ញុំសប្បាយចិត្តចំពោះការរៀបចំកម្មវិធីមួយនេះហើយខ្ញុំសង្ឃឹមថាគ្រប់ថ្នាក់ដឹកនាំនៃគ្រប់ប្រទេសទាំងអស់នៃសមាជិកអាស៊ានគោរពសិទ្ធិមនុស្សដោយអនុវត្តទៅតាមច្បាប់ដែលបានចែងចាប់ពីថ្នាក់ដឹកនាំដល់គ្រប់បុគ្គលគ្រប់រូប ជាពិសេសមេដឹកនាំកម្ពុជា ប្រទសកម្ពុជា។

Mar 21, 2017 09:40 AM

អ្នក​អាន​អនាមិក

ចម្ងល់ខ្ញុំថា តើ APHR មានសិទ្ធលូកដៃក្នុងកិច្ចការផ្ទៃក្នុង កម្ពុជាដែរឬទេ?
ចុះបើមានសិទ្ធ តាមរបៀបណា?
ចុះបើមិនមានសិទ្ធ បង្កើតធ្វើអ្វី?

Mar 20, 2017 08:39 AM

គេហទំព័រ​ទាំងមូល