សកម្មជនដីធ្លីអះអាងថាពួកគេនឹងនៅតែបន្តធ្វើយុទ្ធនាការថ្ងៃច័ន្ទពណ៌ខ្មៅ
2016.05.29
ពលរដ្ឋសហគមន៍ថ្មគោល ឬសហគមន៍ព្រលានយន្តហោះអន្តរជាតិភ្នំពេញ អេស.អូ.អេស (SOS) ខណ្ឌពោធិ៍សែនជ័យ ធ្វើយុទ្ធនាការថ្ងៃច័ន្ទពណ៌ខ្មៅ នៅថ្ងៃទី២៣ ខែឧសភា ឆ្នាំ២០១៦។ RFA/Phann Yasy
RFA/Phann Yasy
ក្រុមសហគមន៍ដីធ្លីដែលបានកំណត់យកថ្ងៃច័ន្ទជាយុទ្ធនាការថ្ងៃច័ន្ទពណ៌ខ្មៅនោះ នៅតែអះអាងថា ពួកគេនឹងនៅតែបន្តប្រមូលផ្ដុំគ្នាធ្វើយុទ្ធនាការនេះបន្តទៀតនៅថ្ងៃច័ន្ទ ទី៣០ ឧសភា ដោយមិនខ្វល់ពីការបង្ក្រាបរបស់សមត្ថកិច្ច ព្រោះពួកគេប្រើសិទ្ធិសម្ដែងមតិដោយស្របច្បាប់។
ចំពោះគម្រោងសម្រាប់យុទ្ធនាការថ្ងៃច័ន្ទពណ៌ខ្មៅនាសប្ដាហ៍ទី៤ នេះ តំណាងសហគមន៍អេស.អូ.អេស (S.O.S) អ្នកស្រី ចា្រយ នីម ឲ្យដឹងថា សកម្មជនដីធ្លីប្រមាណ ៤០នាក់មកពីសហគមន៍ដីធ្លីចំនួន៤ នឹងជួបជុំគ្នានៅចំណុចផ្លូវជាតិលេខ៣ ឆ្ពោះទៅពន្ធនាគារព្រៃស ដោយលើកបដាទាមទារឲ្យមានការដោះលែងសកម្មជនសិទ្ធិមនុស្ស ៤រូប និងអគ្គលេខាធិការរងនៃគណៈកម្មាធិការជាតិរៀបចំការបោះឆ្នោតមួយរូបដែលកំពុងជាប់ឃុំ។
ដោយឡែកនៅក្នុងសហគមន៍បឹងកក់វិញ តំណាងសហគមន៍ អ្នកស្រី ទេព វន្នី ឲ្យដឹងថា សកម្មជនដីធ្លីក្នុងសហគមន៍ប្រមាណ ១០០នាក់ នឹងជួបជុំគ្នានៅម៉ោង ៥ល្ងាច សម្ដែងមតិបង្ហោះប៉ោងប៉ោងពណ៌ខ្មៅ ដែលមានសរសេរសារទាមទារដោះលែងអ្នកទោសមនសិការទាំងអស់ដែលកំពុងជាប់ឃុំ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
