សកម្មជនដីធ្លីម្នាក់មកពីសហគមន៍បុរីកីឡា ត្រូវសមត្ថកិច្ចឃាត់ខ្លួន ខណៈសកម្មជនរូបនោះពាក់អាវខ្មៅទាមទារឲ្យដោះលែងមន្ត្រីសិទ្ធិមនុស្ស និងមន្ត្រី គ.ជ.ប នៅមុខសាលាឧទ្ធរណ៍ ព្រឹកថ្ងៃទី១៣ មិថុនា។
នេះជាលើកទីពីរហើយដែលសមត្ថកិច្ចឃាត់ខ្លួនអ្នកស្រី ស ស៊ន។ កាលពីថ្ងៃទី៩ ឧសភា អាជ្ញាធរខណ្ឌដង្កោ បានឃាត់ខ្លួនបញ្ជូនទៅអធិការដ្ឋាននគរបាលខណ្ឌដូនពេញ នេះ ថ្លែងប្រាប់វិទ្យុអាស៊ីសេរី តាមទូរស័ព្ទថា សមត្ថកិច្ចឃាត់ខ្លួនអ្នកស្រីដោយសារពាក់អាវពណ៌ខ្មៅ និងមានអក្សរនៅខាងក្រោយខ្នងថា «ខ្ញុំឃ្លានយុត្តិធម៌» ខណៈអ្នកដទៃទៀតប្រមាណ ២០នាក់ ដែលពាក់អាវពណ៌ខ្មៅធម្មតា មិនត្រូវបានឃាត់ខ្លួនទេ។
បន្ថែមពីនេះ អ្នកស្រី ស ស៊ន បន្តថា អ្នកស្រីនឹងនៅតែបន្តទាមទារឲ្យដោះលែងមន្ត្រីសិទ្ធិមនុស្ស និងមន្ត្រី គ.ជ.ប ទោះបីជាអ្នកស្រីត្រូវចាប់ខ្លួនពេលនេះ និងឲ្យធ្វើកិច្ចសន្យាបញ្ឈប់សកម្មភាពនេះនៅថ្ងៃខាងមុខក្ដី។
នៅព្រឹកថ្ងៃដដែលនេះ សកម្មជនដីធ្លីមួយចំនួនបានទៅឃ្លាំមើលសវនាការអសាធារណៈរបស់សភាស៊ើបសួរសាលាឧទ្ធរណ៍ ចំពោះបណ្ដឹងសុំនៅក្រៅឃុំបណ្ដោះអាសន្នរបស់មន្ត្រីសមាគមសិទ្ធិមនុស្សអាដហុក ៤រូប និងអគ្គលេខាធិការរងគណៈកម្មាធិការជាតិរៀបចំការបោះឆ្នោត (គ.ជ.ប) មួយរូប ដែលត្រូវតុលាការក្រុងភ្នំពេញ ចោទប្រកាន់ពីបទសូក និងសមគំនិតសូកប៉ាន់សាក្សី។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។