ម៉ុងតាញ៉ា-វៀតណាម​ប្រមាណ​១៥០​នាក់​ត្រូវ​អាជ្ញាធរ​វៀតណាម​សួរ​ចម្លើយ​នៅ​កម្ពុជា

ដោយ មាន ឫទ្ធិ
2017-08-16
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ម៉ុងតាញ៉ា​វៀតណាម១៤នាក់ នៅ​ការិយាល័យ​ប៉ូលិស​អន្តោប្រវេសន៍​ច្រក​ទ្វារ​ព្រំដែន​អូរយ៉ាដាវ ដើម្បី​ធ្វើ​កំណត់ហេតុ​សាកសួរ​មុន​នឹង​អនុញ្ញាត​ឲ្យ​ឆ្លង​ដែន​ទៅ​ប្រទេស​វៀតណាម នៅ​ថ្ងៃទី៣១ ខែ​កក្កដា ឆ្នាំ​២០១៥។
ម៉ុងតាញ៉ា​វៀតណាម១៤នាក់ នៅ​ការិយាល័យ​ប៉ូលិស​អន្តោប្រវេសន៍​ច្រក​ទ្វារ​ព្រំដែន​អូរយ៉ាដាវ ដើម្បី​ធ្វើ​កំណត់ហេតុ​សាកសួរ​មុន​នឹង​អនុញ្ញាត​ឲ្យ​ឆ្លង​ដែន​ទៅ​ប្រទេស​វៀតណាម នៅ​ថ្ងៃទី៣១ ខែ​កក្កដា ឆ្នាំ​២០១៥។
RFA/Ratha Visal

ក្រសួង​ការ​បរទេស​អាមេរិក បង្ហាញ​របាយការណ៍​របស់​ខ្លួន​អំពី​ការ​រំខាន និង​ចាប់​ខ្លួន​ជនជាតិ​ដើម​ភាគតិច​ចារ៉ាយ នៅ​ខេត្ត​រតនគិរី ពី​សំណាក់​អាជ្ញាធរ​ខ្មែរ​ក្រោយ​ពី​មាន​ការ​សង្ស័យ​ថា ពួក​គេ​មាន​ជាប់​ពាក់ព័ន្ធ​នឹង​រឿង​នយោបាយ។

របាយការណ៍​សេរីភាព​អន្តរ​សាសនា​ឆ្នាំ​២០១៦ ចេញ​ផ្សាយ​ដោយ​ក្រសួង​ការ​បរទេស​អាមេរិក កាល​ពី​ថ្ងៃ​ទី​១៥ ខែ​សីហា ឲ្យ​ដឹង​ថា ក្នុង​ឆ្នាំ​២០១៦ កន្លង​ទៅ អាជ្ញាធរ​ខ្មែរ​បាន​បើក​ដៃ​ឲ្យ​អាជ្ញាធរ​វៀតណាម សួរ​ចម្លើយ​ជនជាតិ​ដើម​ភាគតិច​ម៉ុងតាញ៉ា-វៀតណាម កាន់​សាសនា​គ្រិស្ត​ប្រមាណ ១៥០​នាក់​នៅ​ក្នុង​ទីក្រុង​ភ្នំពេញ ខណៈ​ដែល​ពួក​គេ​កំពុង​ស្វះ​ស្វែងរក​សិទ្ធិ​ជ្រកកោន​ជា​ជន​ភៀស​ខ្លួន។ របាយការណ៍​ដដែល​ឲ្យ​ដឹង​ទៀត​ថា ករណី​នេះ​បណ្តាល​ឲ្យ​មាន​ចម្ងល់​ថា ហេតុ​អ្វី​បាន​ជា​អាជ្ញាធរ​ខ្មែរ​អនុញ្ញាត​ឲ្យ​អាជ្ញាធរ​បរទេស ធ្វើ​ការ​សួរ​ចម្លើយ​ជនជាតិ​ដើម​ភាគតិច​ម៉ុងតាញ៉ា​ទាំងនេះ​នៅ​ក្នុង​ទឹកដី​របស់​ខ្លួន​យ៉ាង​ដូច្នេះ?

ទន្ទឹម​នឹង​នោះ រដ្ឋាភិបាល​កម្ពុជា ក៏​ទទួល​រង​ការ​រិះគន់​ពី​សំណាក់​សហគមន៍​ជនជាតិ​ចាម ក្រោយ​ពេល​ដែល​រដ្ឋាភិបាល​បាន​សម្រេច​បិទ​កម្មវិធី​វិទ្យុ​ផ្សាយ​សំឡេង​ជនជាតិ​ចាម មួយ កាល​ពី​ខែ​មិថុនា ឆ្នាំ​២០១៦ កន្លង​ទៅ ដោយ​ពុំ​បាន​ផ្តល់​សេចក្តី​ពន្យល់​លម្អិត​ណា​មួយ​អំពី​ហេតុផល​នៃ​ការ​បិទ​នេះ​ឡើយ។

ជំរឿន​ឆ្នាំ​២០១៣ របស់​វិទ្យាស្ថាន​ជាតិ​ស្ថិតិ ឲ្យ​ដឹង​ថា ប្រជាជន​កម្ពុជា សរុប​ជិត ៩៨% (៩៧,៩​ភាគរយ) ជា​ពុទ្ធសាសនិក។

ការ​ប៉ាន់ស្មាន​របស់​រដ្ឋាភិបាល បង្ហាញ​ថា ប្រជាជន​ប្រមាណ​ជិត ៣% (,៦​ភាគរយ) ជា​ជនជាតិ​ចាម។ ក្រៅ​ពី​នេះ គឺ​ជា​អ្នក​កាន់​សាសនា​គ្រិស្ត បាហៃ (Bahais) ជូហ្វ៊ីស (Jews) និង​សាសនា​កៅដាយ​វៀតណាម (Vietnam Cao Dai)

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

Most Vietnamese are tricky people and they are racism. don't belief me, watch and investigate you will see.

Aug 17, 2017 01:16 AM

គេហទំព័រ​ទាំងមូល