មន្ត្រីអង្គការសិទ្ធិមនុស្សក្នុងស្រុកស្វាគមន៍ផង និងបារម្ភផងចំពោះការពង្រឹងកិច្ចសហប្រតិបត្តិការរវាងគណៈកម្មការសិទ្ធិមនុស្សកម្ពុជា និងឧត្ដមស្នងការអង្គការសហប្រជាជាតិ (អ.ស.ប) ទទួលបន្ទុកសិទ្ធិមនុស្សប្រចាំកម្ពុជា ដែលថា នឹងផ្លាស់ប្ដូរព័ត៌មានគ្នានៅពេលអនាគត។
ប្រធានផ្នែកបច្ចេកទេសស៊ើបអង្កេតនៃអង្គការសិទ្ធិមនុស្សលីកាដូ (LICADHO) លោក អំ សំអាត នៅថ្ងៃទី៦ ខែតុលា សាទរចំពោះកិច្ចព្រមព្រៀងរវាងគណៈកម្មការសិទ្ធិមនុស្សកម្ពុជា និងឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា ដែលថា នឹងផ្លាស់ប្ដូរព័ត៌មានគ្នានៅពេលអនាគត។
សេចក្ដីសាទររបស់លោក អំ សំអាត គឺសំដៅលើភាពប្រាកដប្រជានៃកិច្ចសហប្រតិបត្តិការនេះ៖ «ខ្ញុំគិតថា ប្រសិនបើកិច្ចសហការហ្នឹងប្រព្រឹត្តទៅដោយល្អ មានឆន្ទៈពិតប្រាកដ វាជាការមួយជួយសម្រួលដែរដល់អង្គការសិទ្ធិមនុស្សជាតិ សិទ្ធិមនុស្សក្នុងស្រុកនានា ដែលគាត់ធ្វើការលើវិស័យសិទ្ធិមនុស្សហ្នឹង។ គឺបើសិនជាយើងមានឆន្ទៈតែមួយក្នុងការផ្ដល់កិច្ចការពារដល់ដែលត្រូវគេរំលោភផ្នែកសិទ្ធិមនុស្ស ក៏ដូចការលើកស្ទួយសិទ្ធិមនុស្ស ជាពិសេសការការពារសកម្មជន ការពារសិទ្ធិមនុស្ស សកម្មជនការពារបរិស្ថានទាំងឡាយ ក៏ដូចជាស្ថានភាពនៃការរំលោភសិទ្ធិមនុស្សផ្សេងៗទៀតហ្នឹង យើងអង្គការសិទ្ធិមនុស្សក្នុងស្រុកហ្នឹង នឹងអាចរីករាយក្នុងការផ្ដល់ជាព័ត៌មាន មានការផ្ដល់កិច្ចសហការ ជាពិសេសតាមរយៈការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សហ្នឹង គាត់អាចធ្វើការសហការជាមួយគណៈកម្មការសិទ្ធិមនុស្សកម្ពុជា ហ្នឹង ធ្វើការរួមគ្នាបាន។ នេះបើសិនជាមានឆន្ទៈពិតប្រាកដ»។
ប៉ុន្តែលោកក៏បារម្ភដែរ ចំពោះកិច្ចសហប្រតិបត្តិការនេះ៖ «»។
មន្ត្រីសម្របសម្រួលគម្រោងកំណែទម្រង់ដីធ្លីនៃមជ្ឈមណ្ឌលសិទ្ធិមនុស្សកម្ពុជា លោក វណ្ណ សូផាត ក៏សាទរការពង្រឹងកិច្ចសហប្រតិបត្តិការបន្ថែមរបស់ស្ថាប័នទាំងពីរនេះដែរ ដែលថា នឹងរួមគ្នាពិនិត្យដោះស្រាយបញ្ហារំលោភសិទ្ធិមនុស្ស៖ «»។
ទោះជាយ៉ាងនេះក្ដី លោក វណ្ណ សូផាត នៅតែបារម្ភថា ប្រសិនបើកិច្ចសហប្រតិបត្តិការនេះ គណៈកម្មាធិការសិទ្ធិមនុស្សជាតិ ធ្វើឡើងដោយសុឆន្ទៈពិតប្រាកដ៖ «»។
បញ្ហានេះលោកនៅតែមិនទាន់ប្រាកដក្នុងចិត្តនៅឡើយទេ ព្រោះរបាយការណ៍ករណីរំលោភសិទ្ធិមនុស្សកន្លងមក ភាគីរដ្ឋាភិបាលតែងតែបដិសេធ ទោះជាព័ត៌មានក្នុងរបាយការណ៍ទាំងនោះទទួលបានមកតាមពាក្យបណ្ដឹងជាក់ស្ដែងក៏ដោយ៖ «»។
កិច្ចព្រមព្រៀងក្នុងបន្តពង្រឹងសហប្រតិបត្តិការនេះ គឺធ្វើឡើងក្នុងកិច្ចប្រជុំមួយរវាងប្រធានគណៈកម្មការសិទ្ធិមនុស្សកម្ពុជា គឺលោក កែវ រ៉េមី និងតំណាងឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា អ្នកស្រី វ៉ាន់ហ៊ី លី (Wan-Hea Lee) កាលពីថ្ងៃទី៤ ខែតុលា។ ស្ថាប័នទាំងពីរបានព្រមព្រៀងគ្នា ៣ចំណុច គឺការផ្ដល់ជំនួយបច្ចេកទេសបណ្ដុះបណ្ដាលពីររបៀបសរសេររបាយការណ៍ដល់មន្ត្រីគណៈកម្មាធិការសិទ្ធិមនុស្សកម្ពុជា និងមន្ត្រីក្រសួងស្ថាប័នពាក់ព័ន្ធនានា។ ទីពីរ កសាងទំនុកចិត្តរវាងគ្នា ដើម្បីរួមគ្នាលើកកម្ពស់សិទ្ធិមនុស្សនៅកម្ពុជា និងទីបី បង្កើតក្រុមការងាររួមគ្នាមួយក្នុងការដោះស្រាយពាក្យបណ្ដឹង ដែលពាក់ព័ន្ធនឹងការរំលោភសិទ្ធិមនុស្ស ព្រមទាំងការផ្លាស់ប្ដូរព័ត៌មានគ្នាអំពីសិទ្ធិមនុស្ស។
ថ្វីបើកិច្ចព្រមព្រៀងពង្រឹងកិច្ចសហប្រតិបត្តិការជាថ្មី បានធ្វើឡើងកាលពីថ្ងៃទី៤ តុលា ក្ដី ក៏សមាជិកគណៈកម្មាធិការសិទ្ធិមនុស្សកម្ពុជា លោក កត្តា អ៊ន ឲ្យដឹងថា រហូតមកដល់ពេលនេះ ការផ្លាស់ប្ដូរព័ត៌មានស្ដីពីបណ្ដឹងករណីរំលោភសិទ្ធិមនុស្សនៅជាគោលការណ៍នៅឡើយ គឺមិនទាន់បានអនុវត្តន៍អ្វីទេ៖ «»។
លោកមានប្រសាសន៍បញ្ជាក់បន្ថែមថា ក្នុងរយៈកាលកន្លងមក ការិយាល័យឧត្ដមស្នងការអង្គការសហប្រជាជាតិ និងគណៈកម្មាធិការសិទ្ធិមនុស្សកម្ពុជា ធ្លាប់សហការគ្នាខ្លះមកហើយ៖ «»។
![អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា អ្នកស្រី រ៉ូណា ស្មីត (Rhona Smith) [ឆ្វេង] ពេលចូលជួបមន្ត្រីរដ្ឋាភិបាលនាទីស្ដីការគណៈរដ្ឋមន្ត្រី កាលពីថ្ងៃទី២១ ខែកញ្ញា ឆ្នាំ២០១៥។ RFA/Brach Chev](https://www.rfa.org/resizer/v2/2HPKH2IZLXRW4WTUVDVTELQ62U.jpg?auth=991e553f2468905f0bdbacaac64ade3de4df361be463641c7a3bea506ca0c89c&width=800&height=599)
គណៈកម្មាធិការសិទ្ធិមនុស្សកម្ពុជា ជាស្ថាប័នមួយរៀបចំរបាយការណ៍ស្ដីពីស្ថានភាពគោរពសិទ្ធិមនុស្សរបស់រដ្ឋាភិបាលកម្ពុជា ដាក់ជូនមហាសន្និបាតអង្គការសហប្រជាជាតិរៀងរាល់ ៥ឆ្នាំម្ដង។
ស្ថានភាពគោរពសិទ្ធិមនុស្សនៅកម្ពុជា នៅតែជាបញ្ហាដែលអង្គការសហប្រជាជាតិយកចិត្តទុកដាក់ឃ្លាំមើលជានិច្ច។ ជារៀងរាល់ឆ្នាំ អ្នករាយការណ៍ពិសេសរបស់អង្គការសហប្រជាជាតិស្ដីពីស្ថានភាពសិទ្ធិមនុស្សនៅកម្ពុជា គឺអ្នកស្រី រ៉ូណា ស្មីត (Rhona Smith) តែងមកកម្ពុជា ដើម្បីពិនិត្យស្ថានភាពសិទ្ធិមនុស្ស និងតាមដានការអនុវត្តអនុសាសន៍ ដែលអ្នកស្រីឲ្យរដ្ឋាភិបាលសម្រាប់កែលម្អស្ថានភាពការគោរពសិទ្ធិមនុស្សឲ្យបានប្រសើរឡើង។
សេចក្ដីប្រកាសព័ត៌មានរបស់អង្គការសហប្រជាជាតិ នៅថ្ងៃទី៧ តុលា បង្ហាញថា អ្នកស្រី រ៉ូណា ស្មីត នឹងមកកម្ពុជាទៀត ចាប់ពីថ្ងៃទី១០ ដល់ថ្ងៃទី២០ ខែតុលា នេះ ដើម្បីពិនិត្យមើលស្ថានភាពនយោបាយទូទៅ និងទិដ្ឋភាពផ្សេងៗ នៃការរើសអើង។ ដំណើរមកកម្ពុជានេះ អ្នកស្រីនឹងវាយតម្លៃអំពីសិទ្ធិរបស់ក្រុមជនភាគតិចនៅកម្ពុជា។ អ្នកក៏គ្រោងជួបមន្ត្រីរាចរដ្ឋាភិបាល ទូត និងអង្គការសង្គមស៊ីវិល ដែលពាក់ព័ន្ធនឹងប្រធានបទរបស់អ្នកស្រី។ ក្នុងនោះ ក៏អ្នកស្រីក៏នឹងជួបប្រធានគណៈកម្មាធិការសិទ្ធិមនុស្សកម្ពុជាដែរ។
ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី ថ្លែងកាលពីថ្ងៃទី៤ ខែតុលា ថា លោកបានទទួលដំណឹងអំពីទស្សនកិច្ចរបស់អ្នកស្រី រ៉ូណា ស្មីត មកកម្ពុជា៖ «»។
អ្នកស្រី រ៉ូណា ស្មីត តែងតែធ្វើរបាយការណ៍ប្រចាំឆ្នាំអំពីស្ថានភាពសិទ្ធិមនុស្សនៅកម្ពុជា ដាក់ជូនក្រុមប្រឹក្សាសិទ្ធិមនុស្សអង្គការសហប្រជាជាតិ។ អ្នកស្រីនឹងបង្ហាញរបាយការណ៍របស់អ្នកស្រីបន្ទាប់ជូនក្រុមប្រឹក្សាសិទ្ធិមនុស្សទៀតនៅក្នុងខែកញ្ញា ឆ្នាំ២០១៧ ខាងមុខ។
នៅពេលបញ្ចប់ទស្សនកិច្ចរបស់អ្នកស្រីនៅកម្ពុជា លើកនេះ អ្នកស្រី រ៉ូណា ស្មីត ក៏នឹងធ្វើសន្និសីទកាសែតអំពីលទ្ធផលទស្សនកិច្ចរបស់អ្នកស្រី ក្នុងរយៈពេល ១០ថ្ងៃនៅកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។