ប័ណ្ណសារព័ត៌មាន
2024-03-18
ក្នុងពិធីបុណ្យទន្លេលើកទី៨ នៅខេត្តសៀមរាបកាលពីថ្ងៃទី១៦ ខែមីនា លោកនាយករដ្ឋមន្ត្រី ហ៊ុន ម៉ាណែត លើកឡើងថា លោកបានអានពាក្យស្លោកមួយឃ្លារបស់អង្គការសហប្រជាជាតិ ដែលមានន័យថា មិនទុកអ្នកណាម្នាក់ ឬកន្លែងណាមួយចោលនោះទេ «Leave No One and No Place Behind» ។ លោកបញ្ជាក់ថា ការអភិវឌ្ឍរបស់រដ្ឋាភិបាលអាណត្តិចាស់ និងអាណត្តិទី៧នេះ ក្នុងទិសដៅ ដើម្បីប្រជាពលរដ្ឋ។
2024-03-17
កម្មករ និងថ្នាក់ដឹកនាំសហជីពទាំងនោះ មានទាំងស្ត្រី និងបុរស បានក្រាលកន្ទេលតម្រៀបគ្នា ហើយដេកដណ្ដប់ភួយ ហាលទឹកសន្សឹម នៅក្រោមសំយាប ខាងមុខហាងលក់ស្បែកជើងមួយកន្លែង ដែលនៅនឹងមុខរោងចក្រ វ៉ាយ អេន ដាប់បែលយូ។
2024-03-16
ស្ថាប័នសិទ្ធិអន្តរជាតិទាមទារឱ្យរដ្ឋាភិបាលកម្ពុជាស៊ើបអង្កេតលើករណីបាត់ខ្លួនដោយបង្ខំទៅលើកម្មករដែលតវ៉ានៅផ្លូវវេងស្រេង យុវជន ខឹម សុផាត និងសកម្មជននយោបាយថៃ លោក វ៉ាន់ ឆាឡឺម សាតស័ក្តិសិទ្ធ (Wanchalearm Satsaksit)។ មន្ត្រីសង្គមស៊ីវិលថា រដ្ឋាភិបាលមានកាតព្វកិច្ចក្នុងស៊ើបអង្កេតលើគ្រប់ករណីដែលមានការបាត់ខ្លួនដោយបង្ខំទាំងជនជាតិខ្មែរ និងគ្រប់ជាតិសាសន៍។
2024-03-13
សាលាដំបូងរាជធានីភ្នំពេញ ចុះអនុវត្តដីកាសម្រេចរឹបអូសទ្រព្យសម្បត្តិរោងចក្រកាត់ដេរ វ៉ាយ អែន ដាប់បែលយូ (Y & W Garment) ជាបណ្ដោះអាសន្ន។ មន្ត្រីអង្គការសង្គមស៊ីវិល បារម្ភថា ទ្រព្យសម្បត្តិរោងចក្រ ដែលរឹបអូសនេះ មិនទទួលគ្រប់គ្រាន់ ដើម្បីទូទាត់ប្រាក់ឈ្នួល និងអត្ថប្រយោជន៍ផ្សេងទៀតជូនកម្មករ។
2024-03-12
អង្គការសង្គមស៊ីវិល និងសហគមន៍ចំនួន ៦២ស្ថាប័នចាត់ទុកថា ការបញ្ជារបស់អាជ្ញាធរខណ្ឌច្បារអំពៅមិនឱ្យអង្គការសមាគមធាងត្នោតតាំងពិព័រណ៍សិល្បៈ គឺជាការរំលោភសិទ្ធិបញ្ចេញមតិ និងស្នើដល់ក្រសួងមហាផ្ទៃឱ្យពិនិត្យមើលសកម្មភាពរបស់អាជ្ញាធរមូលដ្ឋាន ដែលអនុវត្តផ្ទុយពីច្បាប់។
2024-03-12
មេធាវីសង្ឃឹមថា តុលាការកម្ពុជានឹងបន្តការស៊ើបអង្កេតឱ្យបានដិតដល់បន្ថែមទៀត ករណីបាត់ខ្លួនសកម្មជននយោបាយថៃ លោក វ៉ាន់ ឆាឡឺម សាតស័ក្តិសិទ្ធ (Wanchalearm Satsaksit) កាលពី៤ ឆ្នាំមុន។
2024-03-12
ប្រពន្ធអ្នកជំនាញកសិកម្មលោក នី ណាក់ ស្នើឱ្យមន្ត្រីពន្ធនាគារត្រពាំងផ្លុង ខេត្តត្បូងឃ្មុំ អនុញ្ញាតឱ្យគ្រូពេទ្យពិនិត្យសុខភាពប្ដី។ មន្ត្រីអង្គការសង្គមស៊ីវិល ចាត់ទុកការមិនអនុញ្ញាតឱ្យពេទ្យពិនិត្យសុខភាពអ្នកជំនាញកសិកម្មនេះ គឺជាការរំលោភសិទ្ធិអ្នកជាប់ឃុំធ្ងន់ធ្ងរ ខណៈរបួសដែលលោក នី ណាក់ រងអំពើហិង្សាកន្លងមកមិនទាន់ទទួលបានការព្យាបាលសះស្បើយនៅឡើយ។
2024-03-11
ក្មេងស្រីខ្មែរម្នាក់ ដែលមេខ្យល់បោកបញ្ឆោតយកទៅលក់នៅប្រទេសចិនកំពុងស្នាក់នៅកន្លែងមានសុវត្ថិភាពហើយ ក្រោយពេលនាងស្វែងរកការជួយសង្គ្រោះពីអាជ្ញាធរកម្ពុជា។
2024-03-11
ប្រធានសហជីពប្រចាំរោងចក្រ វ៉ាយ អេន ដាប់បែលយូ លោក ផាន់ បូរី ប្រាប់វិទ្យុអាស៊ីសេរីនៅថ្ងៃទី១០ មីនាថា បញ្ហាប្រឈមរបស់កម្មករ វ៉ាយ អេន ដាប់បែលយូ រួមមានបញ្ហាស្ត្រីមានផ្ទៃពោះ ដែលត្រូវការប្រើប្រាស់ប័ណ្ណ ប.ស.ស សម្រាប់បង់ថ្លៃសេវាថែទាំសុខភាព និងប្រាក់សម្រាប់ត្រៀមសម្រាលកូន។ ចំណែកឯកម្មករមួយចំនួន ដែលឡើងមកពីបណ្ដាលខេត្ត ត្រូវបានម្ចាស់ផ្ទះជួលបណ្ដេញចេញពីបន្ទប់ជួល ក្រោយពីពួកគេគ្មានលុយបង់ថ្លៃបន្ទប់។
2024-03-11
ក្មេងស្រីរងគ្រោះមានវ័យ ១៦ឆ្នាំរូបនេះបន្តថា រយៈពេលជាង ៦ខែ ដែលនាងរស់នៅជាមួយគ្រួសារចិននោះ បានរងសម្ពាធផ្លូវកាយផ្លូវចិត្ត ដោយពួកគេចាក់សោឱ្យនាងនៅតែក្នុងបន្ទប់ វាយដំធ្វើបាប ជេរប្រមាថ និងតែងតែបង្ខំឱ្យនាងដេកជាមួយជាដើម។ លើសពីនេះ គ្រួសារជនជាតិចិននោះ ក៏បានគំរាមធ្វើបាបថែមទៀតបើសិននាងរាយការណ៍ករណីនេះទៅសមត្ថកិច្ច ឬគ្រួសារនៅស្រុកខ្មែរឱ្យជួយនោះ។
2024-03-08
ពលរដ្ឋ និងសង្គមស៊ីវិលជំរុញទៅរដ្ឋាភិបាលធានាការគោរពសិទ្ធិស្ត្រី និងក្មេងស្រីដូចដែលមានចែងក្នុងរដ្ឋធម្មនុញ្ញ។ ពួកគាត់ថា ការប្រើអំណាចហិង្សា ការបៀតបៀនទៅលើស្ត្រី និងក្មេងស្រីនៅបន្តកើនមាន ខណៈដែលរដ្ឋាភិបាលមិនបានចាត់វិធានការឱ្យមានប្រសិទ្ធភាពទៅលើជនល្មើសនោះទេ។
2024-03-08
ក្រុមស្ត្រីរងគ្រោះដោយអំពើហិង្សាចង់ឱ្យអាជ្ញាធរពាក់ព័ន្ធជាពិសេសក្រសួងកិច្ចការនារីចូលរួមដោះស្រាយបញ្ហារបស់ស្ត្រី និងបញ្ឈប់អំពើហិង្សាលើស្ត្រី។ លើសពីនេះពួកគាត់ថា មន្ត្រីអាជ្ញាធរ តែងចេញមុខអះអាងថា កម្ពុជាគោរពសិទ្ធិស្ត្រី ដោយបង្ហោះសារព្រោងព្រាតនៅមុនថ្ងៃ៨ មីនា ដែលជាទិវាសិទ្ធិនារីអន្តរជាតិនោះ គ្រាន់តែជាការសម្ដែងឱ្យឃើញល្អតែខាងមុខ ឯការពិតស្ត្រីជាច្រើននាក់កំពុងរងអំពើហិង្សា ការយាយីធ្វើបាប និងត្រដររស់ទាំងទុក្ខវេទនា។
2024-03-06
សហជីពទ្រទ្រង់សិទ្ធិការងារបុគ្គលិកកម្មករខ្មែរ (LRSU) នៃក្រុមហ៊ុនណាហ្គា វើលដ៍ (Naga World) ប្រមាណ ៦០នាក់ នៅព្រឹកថ្ងៃទី៦ មីនា ប្រមូលផ្ដុំគ្នាតវ៉ាដាក់ញត្តិនៅក្រសួងការងារ ស្នើអន្តរាគមន៍ប្រជុំរកដំណោះស្រាយរវាងក្រុមហ៊ុន និងកម្មករ។
2024-03-04
ប្រពន្ធប្រធានសហជីពប្រចាំរោងចក្រ វីងស្តារ ស៊ូ (Wing Stars Shoes Cambodia Co.,LTD.) ស្នើតុលាការខេត្តកំពង់ស្ពឺដោះលែងប្តីឱ្យមានសេរីភាព។ ចំណែកសហជីពឯករាជ្យ នៅតែចាត់ទុកករណីនេះថា មិនមែនជាការអនុវត្តច្បាប់នោះទេ តែជាករណីគំរាមកំហែង និងរំលោភលើសេរីភាពសហជីពនៅកន្លែងការងារ ដែលភាគីពាក់ព័ន្ធ រួមទាំងរដ្ឋាភិបាលផង ត្រូវធ្វើអន្តរាគមន៍ដោះស្រាយ។
2024-03-03
អង្គការនេះ រកឃើញថា មូលហេតុចម្បងនៃការបំផ្លាញស្ថានភាពសេរីភាពនៅកម្ពុជា គឺអ្នកដឹកនាំប្រទេស បានរារាំងមិនឱ្យអ្នកនយោបាយគណបក្សប្រឆាំងចូលរួមប្រកួតនយោបាយ តាមរយៈការបោះឆ្នោតដែលសេរី យុត្តិធម៌ និងទទួលយកបាន។