អ្នករាយការណ៍ពិសេសនៃអង្គការសហប្រជាជាតិទទួលសិទ្ធិមនុស្សនៅកម្ពុជា លោក សុរិយា ស៊ូប៊ែឌី (Surya Subedi) នៅថ្ងៃ២២ មិថុនា នេះ លុបចោលគម្រោងជួបប្រជុំជាមួយសហគមន៍មានបញ្ហាដីធ្លីជាមួយក្រុមហ៊ុនចិន យូញៀន ឌីវែលឡុបមេន (Union Development Group) នៅឃុំតានូន ស្រុកបុទុមសាគរ ខេត្តកោះកុង ដោយសារលោកមានបញ្ហាសុខភាព។
ទោះជាយ៉ាងណា ក្រុមការងាររបស់លោកដែលដឹកនាំដោយអ្នកស្រី វ៉ាន់ ហ៊ាលី (Wan-Hea Lee) តំណាងការិយាល័យឧត្ដមស្នងការអង្គការសហប្រជាជាតិទទួលទុកសិទ្ធិមនុស្សនៅកម្ពុជា បានដឹកនាំក្រុមការងារមកជួបប្រជាសហគមន៍មានជម្លោះដីដូចការគ្រោងទុក។
ការខកខានរបស់លោក សុរិយា ស៊ូប៊ែឌី នេះ បន្ទាប់ពីលោកបានជួបប្រជាពលរដ្ឋតាមសហគមន៍ដែលមានជម្លោះដីធ្លីចំនួន ២ នៅឃុំជីខលើ ខេត្តកោះកុង និងសហគមន៍ស្ពានឆេះ នៅក្រុងព្រះសីហនុ កាលពីថ្ងៃ២១ ខែមិថុនា។
នេះជាលើកទី១ហើយដែលលោក សុរិយា ស៊ូប៊ែឌី បានដាក់កម្មវិធីចំនួនពីរថ្ងៃ ទៅជួបប្រជាពលរដ្ឋដែលមានជម្លោះដីធ្លីជាមួយក្រុមហ៊ុន ដើម្បីស្ដាប់ផ្ទាល់ពីទុក្ខលំបាករបស់ពលរដ្ឋក្នុងសហគមន៍ ហើយដោយលោកគ្រោងនឹងយកពាក្យបណ្ដឹង ការស្នើសុំនានារបស់ពលរដ្ឋ ទៅដាក់ជូនរដ្ឋាភិបាលដើម្បីពិភាក្សានិងស្វែងរកដំណោះស្រាយ។
សូមស្ដាប់សេចក្ដីរាយការណ៍បន្ថែមរបស់លោក សេក បណ្ឌិត៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។