តាមរយៈសេចក្ដីប្រកាសព័ត៌មាន អ្នកស្រី ទេព វន្នី បានឲ្យដឹងថា ដំណើររបស់អ្នកស្រីទៅអាមេរិកលើកនេះ គឺតាមការអញ្ជើញរបស់សហគមន៍ខ្មែរអាមេរិកាំង នៅរដ្ឋកាលីហ្វញ៉ា (California)។
អ្នកស្រី ទេព វន្នី ថ្លែងបន្ថែមថា អ្នកស្រីនឹងជួបជាមួយព្រះសង្ឃ សិស្ស និស្សិតខ្មែរ និងបរទេស ហើយ អ្នកស្រីក៏នឹងជួបជាមួយមន្ត្រីនៃអង្គការ វ៉ាយថល វ៉យស៍ ដើម្បីនិយាយអំពីការវិវឌ្ឍន៍ថ្មីៗលើករណីបឹងកក់ ការរំលោភសិទ្ធិមនុស្ស និងបញ្ហាដែលកម្ពុជា នៅតែបន្តឃុំខ្លួនតំណាងអ្នកបឹងកក់ គឺអ្នកស្រី យ៉ោម បុប្ផា ដែរ។
អ្នកស្រី ទេព វន្នី នឹងសូមឲ្យរដ្ឋាភិបាលអាមេរិក ផ្ដល់អន្តរាគមន៍ និងដាក់សម្ពាធចំពោះរដ្ឋាភិបាលកម្ពុជា ឲ្យមានការដោះលែងអ្នកស្រី យ៉ោម បុប្ផា ដោយគ្មានលក្ខខណ្ឌ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។