ក្រុមការងារឧត្តមស្នងការអង្គការសហប្រជាជាតិ (អ.ស.ប) ទទួលបន្ទុកសិទ្ធិមនុស្ស និងជនភៀសខ្លួន បានចាកចេញពីខេត្តរតនគិរី នៅរសៀលថ្ងៃទី៥ ខែធ្នូ ដោយសារមិនអាចសុំកិច្ចសហការពីមន្ត្រីអាជ្ញាធរខេត្ត ដើម្បីសង្គ្រោះជនភៀសខ្លួនវៀតណាម ១៣នាក់ កំពុងលាក់ខ្លួនក្នុងព្រៃ។
មិនមានការអធិប្បាយណាមួយពីមន្ត្រីក្រុមការងារទាំងពីរក្រុមនេះទេ ក៏ប៉ុន្តែប្រភពមន្ត្រីប៉ូលិសសុំមិនឲ្យបញ្ចេញឈ្មោះ ឲ្យដឹងថា ស្នងការរងនគរបាលខេត្ត បានស្នើឲ្យក្រុមការងារនេះសុំការអនុញ្ញាតពីអាជ្ញាធរថ្នាក់ជាតិ ទើបអាជ្ញាធរមូលដ្ឋានផ្តល់កិច្ចសហការជាមួយអង្គការទាំងពីរបាន។
យ៉ាងនេះក្តី មន្ត្រីសម្របសម្រួលសមាគមអាដហុក (adhoc) ខេត្តរតនគិរី លោក ឆាយ ធី មានប្រសាសន៍បញ្ជាក់ថា ជនភៀសខ្លួនទាំងអស់កំពុងលាក់ខ្លួននៅកន្លែងមានសុវត្ថិភាពនៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។